Terveh teile! Tulgua nuorien Paginpertih! Elvytysprojektal silloi-toiči kyzytäh nuorile luajittuu materjualua libo nuorih niškoi piettäviä tapahtumua. Nuorien pagizijoin virittämine karjalah on ylen tärgei dielo da sendäh elvytysprojektan hantuzis rubiemmo sygyzyl 2023 pidämäh tavanmugazen Paginpertin ližäkse omua Paginpertii juuri nuorih karjalazih niškoi. Nuorien Paginpertil ei ole virrallistu ylä- libo alaigärajua. Tahtommo kuččuo nuorien Paginpertih kaikkii iččie […]

Pakinaklupissa paissah karjalakši ta šamalla hivotah omua karjalan kielen pakinaneruo. Enšimmäini tämän kevyän Zoom-vaštauvunta on tulijalla netälillä toisarkena 28.3. 17–18 aikah. Vetäjänä on Olga Karlova. Et ruohtine vielä ruveta pakinoilla karjalakši, tule terveh kuuntelomah! Kyšy Zoom-linkki: olga.karlova@uef.fi Pakinaklupin kevätkalenterin ta lisyä tietuo löyvät: linkki Vienankarjalaisen pakinaklupin šivulla.

Vienankarjalan kerho, kumpasen vetäjänä on Pohjois-Viena -šeura, keräyty Virpopyhänäpiänä Oulušša. Teemana oli Äijänpäivän pruasniekka. Kerhošša luajittih virpoviččoja, luvettih virvontalukuja ta kekšittih niitä ičeki. Tämmösie virvontalorusie luvettih: *** Virvon varvon viččasella Äijyäpäivyä vuotamma, Ukko Ylijumalua passipoičemma! Minna *** Virvon varvon viččasella nuapurilla ta perehellä, loittosilla ta lähisillä, vičat teilä, n’amut meilä. Anni ta Aleksi *** Virvon […]

Kiirehämmä tiijottua, jotta pakkaiskuušta alkuan karjalan elvytyšprojekti pitäy pakinaklupie vienankarjalakši. Kučumma klupih kaikkie, ket tahotah hivuo omua karjalan pakinaneruo! Vienankarjalan pakinaklupissa luvemma erimoisie tekstijä, luajimma šanaharjotukšie ta pakajamma eri teemoista.  Klupin ruanta tapahtuu Zoomissa ta vetäjänä on Olga Karlova. Enšimmäini vaštauvunta on 12.1. 17.30–19.00 aikah. Lisätietuo ta ilmottautumiset 11.1.2022 šuaten: olga.karlova(at)uef.fi Hyvyä Roštuota ta lykkyö […]

Sygyzyn aigua on pietty livvinkarjalan kaksi luvendokursua, perus- da jatkokursu, kudualoile oli tulluh opastumah rekordumiäry opastujua. Äijät opastujat opastuttih Zoomači da luvendotallendehien vuoh. Keräl silloi oli kui Päivännouzu-Suomen yliopiston omii opastujii, mugai avvonazen yliopiston kauti tulluzii. Pakkaskuun 11. päivänny algau livvinkarjalan paginkursu, kudamale pahakse mielekse ei piästä avvonazen yliopiston opastujat. Monet heis tahtottas jatkua opastundua […]

Paginperti kerävyi egläi zoomači räkkeh kaččomattah. Erähät oldih juuri tuldu kezoidu kylbemäspäi, erähät oldih omas pihas da siepäi yhtyttih paginah. Keräl oli yksi pereh died’ois yskyniekkah sah! Sanakse neče yskyniekku on olluh paginpertiläzenny Zoomas  ihan allus algajen da voimmo nähtä, kui ravieh häi kazvau. Moine dielo tuou iluo. Died’oi ezmäi sanoi, gu ei häi pagize […]

Egläi Paginperti kerävyi Zoomas jo kolmattu kerdua. Ilo oli nähtä uuzii paginpertiläzii! Yksi heis kirjutti, gu vastebo nygöi ozakse on löydynyh kohtaine, kus voit paista karjalakse da kuunnella toizien paginoi eri murdehil. Jogahine saneli omii dieloloi, elostu, kyzeli muidu da vastai annettuloih kyzymyksih. Paistes aigu lennähtih terväh.  Gost’annu oli Olga Ogneva, kudai saneli Karjalan tv:n karjalankielizis […]

Virboipyhänpiän Paginpertih tuli 14 aiguhistu. Nelli lastu čökähtelih vähäzekse aigua tervehtimäh toine tostu.  Erähil nävyttih kois školaniekoin luajitut čomat virboiviččazet. Korona-aigu vei meijät Zoomah, da Paginpertin kohtal se on hyvägi dielo: sih piäzet nygöi hos kuspäi. Sanakse rahvastu oli Suomen eri čurilpäi sego Tverin Karjalaspäi. Ilo oli kuulta kaikkii karjalan paginluaduloi da nähtä, kui hyvin […]