Vuvven 2022 sanaine karjalakse on vallittu
Aijemba täl kuul avaimmo iänestyksen, kudamas pidi vallita vuvven 2022 paras karjalaine sana. Jälgimäine päivy iänestiä oli piätteniččän, da tulokset ollah nengomat: Voittajakse ollah piästy löttö, šlöpöi da skokuna, ’sammakko’. Niilöile on annettu 24,4 % iänis. Toizekse on tulluh mieleššäpiettävä/mielessäpiettävy/mielespiettävy, ’kumppani, puoliso’, kudai on suannuh 21,8 % iändy. Vie kolmanden sijan on ottanuh kielizakon/kielisakona ’kielilaki’, […]