Päivännoušu-Šuomen yliopisson vienankarjalan peruškurššilla opaštujua on piällä 50
Karjalan kielikurššit täyvytäh ruttoh ta opaštujien joukot vain kašvetah. Tällä netälillä on alkan vienankarjalan peruškuršši, kumpasella on enämpi viittäkymmentä opaštujua. Opaštujajoukot ollah šuuret tai kirjakkahat. Loitto-opaštujie on väki joukko, ka on tiettäväini ni lähiopaštujua paikalla Jovenšuušša. Erähät opaššutah videotallentehien kautti, ta niitähän yliopisson karjalan kurššiloilla luajitah jokahisešta opaššuškerrašta. Opaštujajoukot keräyvytäh opinto-opaštujista, avonaisen yliopisson opaštujista ta […]
Pakajamma onnakko! -kielileiri piettih kešällä Kainuun vienalaiskylissä
Kirjuttan: Olga Karlova, leirin ohjuaja ta opaštaja Vienankarjalaisen kielileirin ošanottajat elettih netälin karjalakši – kieltä toiminnan kautti – oli koko leirin ideja. Piäpaikkana oli Kuivarven Domnan pirtti, ka leirirogrammah kuuluttih niise käynnät Hietarven ta Rimmin sussietakylih. Mitä kaikkie poikkoit leiriläiset ruattih Iivananpäivän jälkehisellä netälillä vuotena 2026? Kuottelemma tiijuštua Mielihuršti-nimisen kielitempavukšen avulla, kumpani oli kahallah leirin […]
Tikutantašanašto vienankarjalakši ta kuvua karjalaisista tikutušmalliloista
Päivännoušu-Šuomen yliopisson karjalan kielen elvytykšen blogissa on julattu Olga Karlovan ta Mari Rajamaan luatima tikutantašanašto. Šanaštoh on kerätty väkitukku tikutuššanua, kumpasien avulla voit ruveta tikuttamah karjalakši. On perintehellistä rahvahan käytöššä olijua šanua, ka on ni uutta šanua, mitä on kehitetty tätä šanaštuo varoin. Šanaštoh on kovottu niise arvokašta kuvamaterijalie, kumpani esittäy karjalaisie tikutušmallija ta tikutukšissa […]
Lorukotvani karjalakši -mobiilivideot
Lorukotvani karjalakši -projekti on šuanun jatkuo ta lorukortit eleyvyttih videoloissa, kumpasie voipi kaččuo šamannimisellä YouTube-kanavalla (@lorukotvani). Mobiilivideot on juattu kolmeh joukkoh karjalan kielen murtehien mukah, ta niissä loruset on luvettu peräkkäh yhtenä kielimuotokokonaisuona. Lisäkši jokahini lorukortti löytyy erikseh omalla lyhyččäisellä videolla. Videot on luajittu mobiiliformattih, parahiten telefonilla kačottavakši ta kuunneltavakši. Lorut vienankarjalakši luvetah Olga Karlova […]
Köykän Outin starinoista uutta videota vienankarjalakši YouTubešša
Vuokkiniemi-šeura on julannun omalla YouTube-kanavallah 11 uutta videota vienankarjalakši. Köykän Outin starinat Vuokkiniemeššä vuotena 1968 -videošarja 2 jatkau vuosina 2022–2024 alkanutta yhtehisruatuo, min oloh oltih piäšty ilmoih enšimmäiset iänitehvideot ošana karjalan kielen elvytyšprojektie. Uuvvet videot on luajittu yhtehisruavošša Päivännoušu-Šuomen yliopisson karjalan kielen oppiainehen kera. Videoloissa käytetyt iänittehet ollah Kotuksen iäniteharhiivan vanhoja pakautteluja, kumpasie kirjutti Vienan […]
Pöpökkäkalenteri kahallah Iivananpäiväh šuaten
Pöpökkä on ”ötökkä”. Ei kešyä pöpökättä -kalenterin idejana on kačella eriluatusien pöpökköjen nimijä ta muutaki pöpökkämuailmah liittyjyä šanua tai tietuo karjalakši. Kalenteri on luajittu vienankarjalakši, ka šiih on niise poimittu esimerkkijä karjalan eri murtehista Karjalan kielen šanakirjan mukah. Pöpökkäkalenterie pitäy Olga Karlova Iivananpäiväh šuaten. Vesselyä čukeltamista pöpökälliseh kešäh! Linkki pöpökkäkalenterih 2025.
Keššetäh-taitonäyttelyš Helsinkissä
Teksti ta kuvat: Olga Karlova Männä netälillä milma äijälti lykyšti, čokkain käyvä Keššetäh-taitonäyttelykšeh. Karjalaista taituo voipi ihual’l’a melki keškilinnašša Helsinkissä. Nuoret karjalaiset taituolijat noššetah piätäh ta vieläi karjalakši. Milma karjalankielistä karjalaista tämmöni tielo kačo šiivittäy. Jovenšuun juna oli tuaššen myöhäššä ta miula tuli kiireh, kun toini myöhempi vaštauvunta oli jo etukynteh šovittu. En nikuin tahton […]
Vienankarjalaini pakinaklupi tulijalla netälillä 20.3.
Vienankarjalaini pakinaklupi avuau Zoom-vaštauvunnat jo nellättä kevättä peräkkäh. Klupissa paissah karjalakši; jokahini omah luatuh, ken kuin malttau. Voipi tulla kuuntelomahki. Ei äijyä aikua mäne, kun kohta puhkiet pakajamahki šieki, ušo pois! Enšimmäini pakinakerta on tulijana nellänäpiänä 20. kevätkuuta 16–17 aikah. Zoom-linkin voit tiijuštua klupin vetäjältä Olga Karlovalta ([email protected]). Uutta pakinaklupin šivulla: Zoom-vaštauvuntojen stolakirjat vuuvvelta 2024 […]
Olemma, elämmä, pakajamma – Kieli matkuau miän keralla -verkkotaitonäyttely vienankarjalakši
Elvytyšprojektin blogissa on nyt Olemma, elämmä, pakajamma – Kieli matkuau miän keralla -taitonäyttelyn verkkoversija. Taitonäyttely rakentautuu taululoista, kumpasissa on kuvattuloina taituolijan Sirpa Männyn pienoisveššokšie ta mualaukšie. Niijen tovarissoina vorssuijah karjalankieliset kirjutukšet, mit Päivännoušu-Šuomen yliopisson vienankarjalan opaštaja Olga Karlova on yheššä opaštujieh kera kirjuttan ta kerännyn taijollisekši kokonaisuokši. Näyttely on ollun esillä männä vuotena 2023 Sommelo-musiikkipruasniekašša Kuhmošša kešällä ta karjalan kielen […]
Jušši Huovisen muissolla -šivu elvytyšprojektin blogissa
Tänäpiänä 2. šulakuuta tulou 100 vuotta vienankarjalaisen kulttuurin tietäjän Jušši Huovisen (1924–2017) šynnynnäštä. Šen kunnivokši Vienankarjalaisešša pakinaklupissa on luajittu blogin šivu, missä voipi lukie Juššin muissokši kirjutettuja tekstijä karjalakši, kačella kuvie ta löytyä linkkijä Šuomen vienalaiskylistä ta rahvahašta kertojih videoloih, podcastiloih ta tekstilöih. Matkuajan netälin aikana julkuamma pakinaklupilaisien Jušši Huovisen muissolla luajittuja kirjutukšie vieläi erikseh […]