Päivännoušu-Šuomen yliopisson vienankarjalan peruškurššilla opaštujua on piällä 50

Karjalan kielikurššit täyvytäh ruttoh ta opaštujien joukot vain kašvetah. Tällä netälillä on alkan vienankarjalan peruškuršši, kumpasella on enämpi viittäkymmentä opaštujua. Opaštujajoukot ollah šuuret tai kirjakkahat. Loitto-opaštujie on väki joukko, ka on tiettäväini ni lähiopaštujua paikalla Jovenšuušša. Erähät opaššutah videotallentehien kautti, ta niitähän yliopisson karjalan kurššiloilla luajitah jokahisešta opaššuškerrašta. Opaštujajoukot keräyvytäh opinto-opaštujista, avonaisen yliopisson opaštujista ta niise ristihopaštujista, kumpaset tullah toisista yliopistoloista, Helsinkistä, Oulušta ta Turušta.

Mitä opaštujat tahotah tiijuštua karjalan peruškurššilla? Olemma kerännyn täh erähie vienankarjalan opaštujien vaštaukšie, voit lukie ta tuttavuštuo!

Mitä vuotat karjalan kielen opaššukšešta? Kuva: Padlet-taulu.

Täššä voipi lukie aijempah piettyjen vienankarjalan kurššien opaštujien tekstijä karjalakši, kumpasie on julattu karjalan elvyttämisen blogissa, linkki.