Karjalan kielen viikko (23.–29.11.2026)
Karjalan kielen viikkoa vietetään marraskuussa 2026 jo seitsemättä kertaa. Viikon järjestää Itä-Suomen yliopisto yhteistyössä Karjalan Sivistysseuran kanssa. Lisäksi viikon juhlintaan osallistuvat lukuisat karjalaisyhdistykset ja karjalankielinen yhteisö.
Karjalan kielen viikolla juhlitaan elävää, rikasta ja nykyaikaista karjalaa, ja tuttuun tapaan keräämme kieliyhteisöltä aihetta käsitteleviä videoita, tekstejä ja muita materiaaleja. Tänä vuonna keskitymme keväällä Itä-Suomen yliopistossa käynnistyneen verkkosanakirjahankkeen hengessä erityisesti karjalan alati kehittyvään ja monipuolistuvaan sanastoon. Kutsummekin kieliyhteisön jäsenet ja kaikki karjalasta kiinnostuneet pohtimaan omia mahdollisuuksiaan kehittää karjalan sanastoa ja toisaalta kertomaan, millaista sanastoa he ovat itse luoneet. Toivomme viikon voivan lisätä tietoisuutta siitä, että järjestelmällisen sanakirjatyön lisäksi sanastoa voidaan kehittää esimerkiksi karjalankielisessä vapaa-ajan toiminnassa, akuuttiin käytännön tarpeeseen. Kaikenlainen sanastotyö leventää karjalan käyttöyhteyksiä, ja elpyvä kieli on käyttäjiensä näköinen. Tule mukaan tekemään elin- ja ilmaisuvoimaisempaa karjalaa ja osallistu karjalan kielen verkkosanakirjan kehittämiseen!
Tarkemmat osallistumisohjeet voit lukea karjalaksi alla. Tekstissä käytetään vuorotellen karjalan eri päämurteita.
Karjalan kielen netäli
27. pimiekuuta Šuomešša pruasnuijah karjalan kielen päivyä. Šen kunnivokši piemmä 23.–29.11. karjalan kielen netälin, kumpasen jokahisešta päiväštä tulou karjalan kielen päivä. Netälin oloh esimerkiksi Päivännoušu-Šuomen yliopisto ta Karjalan Šivissyššeura järeššetäh eriluatuista tempaušta ta pituo šekä julatah netälin tiemah liittyjyä karjalankielistä materijalie Päivännoušu-Šuomen yliopisson karjalan elvytännän blogissa ta Uutisčuppu-aijankohtaiskanavalla.
Vuuvven 2026 tiemakši on valittu miun šanakniikani karjalakši/miun sanakniigane karjalaksi/minun sanakniigaine karjalakse. Tiema kuččuu smiettimäh, keryämäh tukkuh ta dokumentiiruimah kokemušta karjalan kielen šanaštoruavošta. Ei šiula vielä olle kokemušta šanaššon luajinnašta, voit kuotella šitä kielinetälin aikah tahi tuumaija, mityttä šanaštuo iče tarviččisit, jotta voisit käyttyä karjalan kieltä joka päivä, ta kuin šitä eččie lipo kehittyä. Tiemua voitta smiettie yheššäki karjalaisien tovarissojen kera. Voit muitenki ottua ošua netälin pruasnuintah eri tavoin. Täh kirjutukšeh on kerätty niistä tärkeimmät.
Video- da tekstamaterijualoin keriändä
Päivännouzu-Suomen yliopisto keriäy karjalan kielen nedälillä jullattavaksi karjalan sanastoh da sanasson luadimizeh liittyjiä video- da tekstamaterijualua. Videoloissa da tekstoissa voibi kačella sanoi, kumbazie olet luadin, sanoi, kumbazie vielä pidäis luadie karjalah, libo sanoi, kumbazie on käytetty juuri siun suvussa da perehessä ga kumbazie et ole löydän jo jullattuloista karjalan sanakirjoista. Kontekstana voibi pidiä uutta karjalan kielen verkkosanakniigua, kumbaista luajitah yliopissolla: mibä sana siun mielestä pidäis lizätä uudeh sanakniigah? Voit kerätä sen-tämän sanan tekstan tuveksi libo ylehizellä tazolla paissa sanastotiemua. Piätä iče!
Videoloin kieldä ei tarkisseta. Kielihairavoloi libo eri murdehien libo kielien sevotandua ei pie varata! Videot voijah ozuttua nygyaigaista, luonnollista karjalua.
Tekstoin kieli tarkissetah. Kirjuttajan oma murreh suau nägyö tekstassa, ga elvytännän blogassa jullattuloi tekstoi voijah käyttiä seže opassannassa. Sentäh tekstat pidäy kirjuttua nouvattuan karjalan nygöistä kielioppi- da oigeinkirjutusnormua. Otamma vastah puolen sivun-sivun piduhuzie tekstoi. Liitäthän omah kirjutukseh kuvan.
Videot da tekstat voibi työndiä sähköpoštačči ([email protected]) 16.11.2026 suaten. Niidä voijah jullata Päivännouzu-Suomen yliopisson karjalan elvytännän blogassa da somekanavoilla segö Karjalan Sivissysseuran Uudisčuppu-aijankohtaiskanavalla da somekanavoilla.
Toiset materijalit
Meilä voipi työntyä muitaki tiemua koškijie, blogissa tahi somekanavoilla julattaviksi paššuajie materijalija. Iellisinä vuosina olemma julannun esimerkiksi runohutta, komiksua ta fotokuvua. Näijenki tekstimaterijalien pättävä pituhuš on puolisen šivuo tahi šivu. Työntämis- ta julkuantaohjiet ollah šamat kuin videoloilla ta kirjutukšilla.
Sinun sana keräle uudeh karjalan sanakniigah?
Tahtonet, ga voit omassas kirjutuksen ližäkse työndiä meile kirjutukses mainitut sanat da tahtonet, erähät toizet sanat allustajas sanakniigumuvvos. Tarkistammo kai ehoitukset da otammo niilöis pättävät keräle karjalan uudeh verkosanakniigah, kuduadu luajitah Päivännouzu-Suomen yliopistos Suomen Kul’tuurufondan dengoituksel.
Työnnä meile sanoinke nämmä tiijot: sana vähimyölleh yhtel karjalan piämurdehel, sanan ylehizembät taivutusmuvvot (genetiivu kui kezä-kezän sego yksikön da monikon partitiivu kui kezä-keziä da kezä-kezii, verbilöin kohtal minä-, häi- da hyö-muvvot kui paista-verbin kohtal pagizen, pagizou, paistah), sanan suomenkieline vastineh sego ezimerkivirkeh suomekse da karjalakse. Hyvä ezimerkivirkeh ozuttau sanan luonnollistu, idiomuattistu käyttyö. Ližäkse hyvä roih, käytetänneh sanua virkehes mittumastahto taivutusmuvvos.
Perussanastuo sanakniigas jo on da ližiä on tulemas. Täs ečimmö enne muudu uuttu da kreatiivistu sanua. Tahtojes voit enne sanoin työnnändiä tarkistua, gu niilöi ei ole käytetty ezimerkikse meijän blogas jullattulois sanastomaterjualois libo Markianovan da Pyölin luajittulois livvinkarjalan sanakniigois, kuduat lövvytäh pdf-muvvos Karjalan Sivistysseuran verkosaital.
Tapahtumat
Päivännouzu-Suomen yliopiston karjalan elvytändän blogah kerätäh tieduo karjalan kielen nedälin aigua Suomen eri čuril da internetas piettylöis karjalankielizis tapahtumis. Tapahtumien luvetteluo päivitetäh, da voit työndiä meile sähköpoštači tieduo karjalankielizih pidoloih da tembavuksih näh. Niilöi voimmo ližätä luvetteloh. Pidoloile ei vältämättäh pie liittyö kielinedälin tiemah, ga rakkahal juammo tieduo kaikis karjalankielizis da karjalan kieleh liittyjis tapahtumis!