Ylen karjalankielizet uudizet 10 vuottu
Kirjutannuh Natalia Giloeva (Hiloin Natoi)
Tänäpäi Yle uudizile karjalakse rodih jo 10 vuottu. Aigu on lendänyh ylen terväh. Lykkyy uudizile iellehgi! Net ollah äijäl kehitetty nygösty karjalan kieldy sego ližätty kielen prestiižua. Uudizet roitah kiändämäl da neččih kiännösruadoh kuuluu sežo sanastoruaduo.
Yle uudizii kiändäjes karjalakse puaksuh pidäy piättiä, mittustu uuttu sanua libo rakendehtu luajit da kui se menöygi. Pidäy järgieh mainita, gu karjalan kielen sanasto on monipuoline, čoma da bohattu, kaikenualastu rakendehtu on jo valehite olemas. Ga yhtelläh puaksuzeh olettelou nengagi, gu sanakniigas annettu variantu ei ihan päi juuri tiettyh uudizeh libo se variantu on sellityskiännös, kudai vähimyölleh toiči on probliemahine karjalankielizih uudispodkastoih näh. Täs on pieni luvettelo verbilöis, kudamat on luajittu juuri uudizih niškoi da net ollah käytös kontektas rippujen. Tiettäväine endiziigi voit käyttiä iellehgi.
Uvvet verbit
edellyttää – iellyttiä (on olluh: olla predposilkannu)
juhlistaa – pruazniekallistua (on olluh: luadie pruazniekallizembakse)
palauttaa – järildiä (Sanna Myllärile ehoitettu erähäh KNŠ:n tekstah näh; käytetty uudizis; on olluh: tuvva järilleh, andua järilleh imi.)
palautua – järildyö
poistaa – iärestiä (Santtu Karhun ehoitus; on olluh: ottua iäres imi.)
poistua – iärestyö (on olluh: lähtie iäres imi.)
poistattaa – iärestyttiä
Uuzien verbilöin käyttö virkehis
Taide- ja kulttuurifestivaali juhlistaa ikääntymistä monipuolisten tapahtumien, näyttelyiden ja esitysten kautta.
Taido- da kul’tuurufestivuali pruazniekallistau vahnenendua eriluaduzien pidoloin, ozutteluloin da ozutuksien vuoh.
Lähteh: linku kogo uudistekstah.
*
Piispainkokous tekee esityksen kirkolliskokoukselle, jossa esityksen hyväksyminen edellyttää tukea kolmelta neljäsosalta edustajista.
Jepiskopoin kerähmö luadiu moizen ezityksen kirikkökerähmöle, kuduas ezityksen hyväksyndy iellyttäy tugie kolmel nelläsvuitil evustajis.
Lähteh: Ylen karjalankielizet uudizet, 14.3.2024
*
Arvioiden mukaan Rautavaaralla palaudutaan kyberhyökkäyksen aiheuttamista vahingoista noin viikossa.
Arvivoloin mugah Rauduvuaral järildytäh kiberhyökkävyksen täh roinnuzis vahingolois nenga nedälis.
Lähteh: Ylen karjalankielizet uudizet, 26.10.2023
*
Metalla on marraskuuhun asti aikaa poistaa tai siirtää takaisin EU:n alueella Yhdysvaltain palvelimille siirretyt käyttäjätiedot.
Metalla on kylmykuussah aigua iärestiä libo siirdiä järilleh EU:n alovehel Yhtysvalloin palvelimile siirtyt käyttäjäntiijot.
Lähteh: linku kogo uudistekstah.
*
PKS Sähkönsiirto poistattaa helikopterilla oksia sähkölinjan läheltä Liperissä viikolla 20.
PKS Sähkönsiirto iärestyttäy vertol’otal oksii sähköliinielöin lähäl Liberis nedälil 20.
Lähteh: linku kogo uudistekstah.