Oodi Karjalale -tapahtumu Helsingis

Helsingin keskilinnan Oodi-kirjastos pietäh 10.6.2023 č 11–15.15 kaikile avvonaine Oodi Karjalale -tapahtumu. Tapahtumu pruaznuiččou karjalastu kul’tuurua, da sen piävedäjät ollah Karjalainen Nuorisoliitto, Karjalan Liitto, Karjalaisten Pitäjäyhdistysten Liitto da Suomalaisen Kansantanssin Ystävät.

Tapahtumas ozutellah moneh tabah kui perindöllisty, mugai nygyaigastu karjalažuttu. Programmah kuuluu ezimerkikse panielipagin, kirjuttajien paginua, kinon ozutandua, rahvahantansii piiruanluajindua piirualoin pastandupajua. Päivännouzu-Suomen karjalan kielen elvytysprojektu ottau ozua tapahtumah da pidäy Oodin joukkopertis 7 kolme karjalankielisty suarnukodvastu. Kodvazii pietäh č 11.30, 12.30 da 13.30, da niilöil starinua lugietah karjalazet nuoret. Ližäkse elvytysprojektal on bibliotiekas ozutandustola, kudaman ies projektan ruadajanke voit vastavuo kogo tapahtuman aigua.

Tapahtumu pädöy kogo perehele da sih on välly piäzy. Tulgua terveh!

Ližiä tieduo tapahtumas annetah Marianne Valola (marianne.valola@karjalainennuorisoliitto.fi) da Mervi Piipponen (mervi.piipponen@karjalanliitto.fi).

Oodi Karjalalle -tapahtuman ohjelma