Pajot – Karjalazet muuzikkupäivät Kondiilahtel 19.–20.5.2023

Elvytyshankkeen blogissa voidaan jakaa tietoa karjalan kieleen ja karjalaisuuteen liittyvistä tapahtumista. Oheisen Pajot – Karjalazet muuzikkupäivät -tapahtumaa koskevan tiedotteen on kääntänyt livvinkarjalaksi Natalia Giloeva.

Pajot – Karjalazet Muuzikkupäivät taritah nuorien taidoilijoin modernoidu nygösty rahvahanmuuzikkua, päivännouzusuomelazii rahvahanperindehii da erijyttysty ruandua tävven ilmazen suovatan Piha da Peldopäivän. Karjalazet Pajot Kondiilahten Kodirandukeskuksel 19.–20.5.2023.

Pajoloih kuuluu perindehellizii ruadoloi, päivypläsniä, lapsienkonsertua, karjalazii tansiloi, karjalan kieldy, tervanpoltandua, ehtykonsertua, kalevalažuttu, paikallizii sego muailmankuulužoi pajattajii da ozuttajii, rahvahanrunoloi da loihtieloi, kylypajoloi, kylyhkäyndiä, ponilajelendua, ”Mezikäbälät” Kanadaspäi i muga ielleh.

Pajoloin ehtykonsertas kuuluu endisty lujembah uuzi nygöine rahvahanmuuzikku da nägyy nuorien muuzikan luadijoin rohkevus kaivua ozutettavakse vahnu da luadie vahnua säilyttäjen uuttu da modernoidu rahvahanmuuzikkua – Pauanne-yhtyveh taga-aloittau omassah muuzikkua ilmanigäzil arhiivupl’onkoil. Vilma Jään juondupajos tuvvah karjalazet kuččukirrundat nygözeh päiväh da nenga kučutah dovariššoi juomah. Elektro-folkduo Junna tariččou vahnan soitinmuuzikan soittajas da rahvahanrunohuos ammuldajua nerokkahasti ritmattuu synthwave-elektro-folkua. Kaikin kierrätetäh omassah muuzikas rahvahanperindehellizii tekstoi da rahvahanrunohuttu.

Enzimästy kerdua Pajolois on sežo romanimuuzikkua. Terväh piätteničän Moniääninen Karjala -tiemal piettävän avuandupanielin jälles ozuttelehes Kai Åberg ja Karjalan Kaaleet -duo.

Karjalan kieldy kuulemmo paiči muudu KarjalaBrihat-duolpäi sego Bes’odat – karjalazen tansin da pajon ruadopajan aigua. Oman kylän Isto Hiltunen pläšittäy Pajoloin päivypläsnäh tulijoi da Piättökonsertan allukse Kupliva Swing tariččou džazua, bossa novua da ainosvihandoi pajoloi.

Tulgua terveh kaikin karjalazet dai karjalazen kul’tuuran suvaiččijat! Pajoloin tavoittehennu on suaja tundietukse karjalan kieldy da karjalastu kul’tuurua, kannattua karjalazien ristikanzoin kielellisty da kul’tuurallistu identitiettua dai eistiä edehpäi karjalan kielen elvytändyruaduo.

Yhtevyöt:

Pajot/Karelia Folk ry: Jari Pekka Kinnunen 0505844018, jiipe.kinnunen@gmail.com