Suvikarjalan opassusmaterijualoin julguandapruazniekka 12.1.2023

Katerina Paalamo da Levoin Miša (Mika Saatsi) ollah luajittu 10-ozazen Katerina da Miša opassetah suvikarjalua -opassusvideosarjan. Videoloissa hyö opassetah suvikarjalan perustehie, ezimerkiksi tervehyksie, värilöi, perehsanastuo segö syömizih da linnah liittyjiä sanastuo. Videosarjan ollah tilattu Karjalan Liitto da Päivännouzu-Suomen yliopisson karjalan kielen elvytysprojekta.

Yhtehisruavossa karjalan elvytysprojektan kera on valmistun muudagi suvikarjalan materijualua. Levoin Miša da karjalan elvytysprojekta ollah tuotettu yhessä Gostis-nimizen podcastan. Podcastassa Miša käy gostih karjalazien luo da pagizou hiän kera karjalazuoh liittyjistä tiemoista. Lizäksi Suistaman Perinnehsebran kieliruadojoukko on litteroinun suistamalazen Ilja Kotikallion (karjalaksi allun perin Il’l’a Sinda) SKS:n iäniteharhiivassa säilytettävie karjalankielizie pagizutteluloi da luadin niistä Suistamon paginua -videosarjan.

Näijen suvikarjalan materijualoin julguandapruazniekka pietäh 12. pakkaiskuuda.

Kuva: Katerina da Miša opassetah suvikarjalua -videot

Julguandapruazniekka Jovensuussa 12. pakkaiskuuda 

Katerina da Miša opassetah suvikarjalua -opassusvideoloin, Gostis-podcastan da Suistamon paginua -videoloin julguandapruazniekka pietäh nellänäpiänä 12. pakkaiskuuda 14.00–16.00 aigah Päivännouzu-Suomen yliopisson Jovensuun kampuksella Agora-rakennuksen zualassa AG101. Kučumma julguandapruazniekkah kaikkie suvikarjalan materijualoista kiinnostunuzie.

Programmassa on paginua Katerina da Miša opassetah suvikarjalua -opassusvideoloista, Loimolan Voimastagi tundietun Levoin Mišan muuzikkua, Gostis-podcastan da Suistamon paginua -videoloin ezittelendä dai koufit-čuajut.

Tule terveh!

Et piässe paikan piällä, voit kaččuo julguandapruazniekkua Zooman kautti.

Ilmottauduo voit tästä: linkka.