Lauri Luukkonen: Yheksä haikuu

Oligo minun

lapsuon kezil enämbi

liipukkastu?

*

”Vie hengis olet?”,

diivuičči dovariššu,

ku ehtäl zvoniin.

*

Hos yksinäine

olen, čičiliuškun ker

en vie pagize.

*

Šlöpöi hyppelöy

kezäyön mugavunnuol

pihanurmikol.

*

Elän kuolijas

kyläs, ga ruadokohtu

pidäs hommata.

*

Nikonzu ei sua

tiediä, minä piän

puutut šeikkailuh.

*

Puadari pihas.

Lämmin čuajukuppine

harmai kui ilmu.

*

Sygyzys talveh,

keviäs kezäh pahuttu

da čomuttu näin.

*

Yhty sunustu

sinuspäi vie pakičen,

urhakko piirdin.