Lauri Luukkonen: tankarunoloi

1.11.2021

Lauri Luukkonen on työndänyh täl kerdua tankarunoloi:

Muga äijy muah

kirvonnuzii lehtii tiä

sinun koin pihas.

Toinah voizimmo huomei

yhtes haravoija net?

****

Muarjutuhjos vie

se-tämä käbristynnyh

keldaine lehti;

tuuli vihmanke kovah

rozgittau niidy.

****

Televiizoras

Kaukazan korgiet gorat.

Tahtozin lähtie

Armenieh, ga en piäze

pogostua loitombakse.

****

”Proššai, Kat’uša!”

sanoin silloi, a kuibo

voizin unohtua?

Varmah viegi tundizin

hänen vesselän nagron.

****

Et kahteh vuodeh

ole unilois nähnyh

sidä armastu

naistu. Joga huondestu

havačut toven muailmah.

****

Sudre olengo

runoloi kirjutannuh

yölöin hil’l’ažuos?

En. Äijät humalniekat

ollah niidy kiitetty.

****

Valpahanharmai

taivas – nelli joučendu

lendi suvehpäi.

Kodvazen aigua kuuluu

vie siibilöin šuhineh.

****

Jouččenet

Kuva: Pixabay