Lauri Luukkonen: Tankaruno da erähii haikuloi

Pihal lämmin siä.

Vie pidäs eräs sana

täh kirjuttua,

ga minun mieli on kui

räjähtännyh gribaine.

*

Bolničan pihal

kezä – omas syväimes

kui kylmykuu siä.

*

Puaksuh tädägi

dieluo olen duumainnuh:

yksi kezä vie?

*

Tigru puunoksal

vihandoin lehtien peitos –

unis vai ilmis?

*

Maltanhäi minä

kudamidä kirjuttua

puuloi kačeltes.

*

Pidi tämägi

päivy nähtä: iloija

taivahan harmuas!

Kielentarkistandu: Natalia Giloeva

Kuva: Pixabay