Kodi-igävy

Ruutu 1: Mirja-baba lähti tuonilmazih tuhukuus. / Baba oli minule kui toine muamo, toine vahnembi.

Ruutu 2: Vietin aigua baban vieres bol’ničas

Ruutu 3: Toiči baba kadoi syväle omih mielih… / Midäbo duumaičet?

Ruutu 4: Kodii? / A Nurmuo? / Ei…

Ruutu 5: Kodii Karjalas, Kägisalmie… / A ku la olizin suannuh eliä iččeni eloksen sie.

Ruutu 1: Konzu olin pieni, mustan kui buabo gostitti vahnoinkodin karjalazii evakkobuaboloi.

Ruutu 2: Buabot itkiettih da pajatettih yhtes / Jagajen saman kodi-igävän

Ruutu 3: Ei sidä lapsennu voinnuh ni ellendiä, mil nämmis buabolois tundui… / Voittogo sanella minule Karjalah näh? / Ga olin nenänsydii lapsi, ainos valmehennu kuundelemah buaboloin paginoi!

Ruutu 4: Baba kerdoi meile puaksuh Kägisalmen kois, rodnis, da meijän juuris… / Starinois puaksuh oli pikkarazii linduzii

Ruutu 1: Baba kerdoi meile omas muamas, kudai andoi sanan, što häi myöstyy kuolendan jälgeh kodih linduzennu / Jälles muahpanejazii lounuan keskel ikkunah pörähtit pikkaraine lindu! Neče istui hätken kaččelemas atkaloiččijua omahistu, enne gu lendi iäreh…

Ruutu 2: Baba… / Nu? / Tuletgo sinägi sit järilleh linduzennu?

Ruutu 3: Tiettäväine, tulen teijän luo! / GA MINÄ EN TAHTO, GU SINÄ MENIZIT TUONILMAZIH! / A voi voi, kukkipikkarazeni…

Ruutu 4: Ei hädiä lapskuldu / Baba pajattau pajozen, sit enämbiä ei itketä!

Ruutu 1: Vuotan viegi, konzu baba tulis järilleh linduzennu… / Ečin babua jogahizes linnus, kudaman näin

Ruutu 2: Ga toinah baba siivet suaduu jälgimäi lendi kodih… / Luadogan rannale, Karjalan Kägisalmeh