Irina Karvonen: Šipainiekat

L’uba Pašken luadii piiruat, Irina-tytär avutti da kuvai. Irinan poigu Anton, 15 vuottu, söi piiruat.

Karjalan piiruat kartohkanke

Kävy enzimäi laukkah, musta ottua čomaine da hyvä sumkaine.

Osta laukas kartohkua, kannatestu, voidu, jäiččiä, täyzijyvähisty jauhuo da suolua, ei olle niidy kois.

Pane päčči lämbiemäh 275 gruadussah. Kuorita kartohkat da pane kiehumah, 1.5 kiluo, täs tulou 45 piiruadu. Keitä hyvin kartohkat pehmiekse. Kua vezi iäres da survo hyvin maijonke da suolanke. Käytä vägie.

Sit luaji tahtas. Pane astieh 3 dezilitrua vetty, suolua 4 piendy luzikkastu da sit jauhuo 7 da puoli dezilitrua. Survo kai ylen hyvin. Kua tahtas stolale da survo vie ližäkse. Rubie luadimah pienii päppilöi. Jua tahtas, 45 piiruadu tulou. Musta tämä. Pyöritä hyvin da sit täpyttele kämmenel.

Ajele piiruat värtinäl.

Sit rubie panemah survotuu kartohkua da rypyttämäh.

Luaji juodazeh sevos kannatekses da jäičis. 175 grammua kannatestu da kaksi jäiččiä. Sevoita hyvin. Voidele da pane piiruat päččih. Sulata voidu da voidele piiruat hyvin. Syö piiruat maijonke libo čuajunke.