Lorukotvani karjalakši -mobiilivideot

Lorukotvani karjalakši -projekti on šuanun jatkuo ta lorukortit eleyvyttih videoloissa, kumpasie voipi kaččuo šamannimisellä YouTube-kanavalla (@lorukotvani).

Mobiilivideot on juattu kolmeh joukkoh karjalan kielen murtehien mukah, ta niissä loruset on luvettu peräkkäh yhtenä kielimuotokokonaisuona. Lisäkši jokahini lorukortti löytyy erikseh omalla lyhyččäisellä videolla. Videot on luajittu mobiiliformattih, parahiten telefonilla kačottavakši ta kuunneltavakši.

Lorut vienankarjalakši luvetah Olga Karlova ta Jussi Sinkkonen. Šuvikarjalakši iänehlukijana on Elena Rapa. Livvinkarjalaiset lukuset lukou Pentti Mäkkeli. Lorusien očikkotekstit vesseläšti lapšien luatuh iännetäh Matvi ta Miitrei. Kitaraintron alkukadriloih ta Tuu tuu tupakkirulla -uinotušlaulun on šoittan Pekka Suutari. Šulkkuset passipot šanomma teilä talkoholla ruatajilla, oman iänen ta šoitannan tallentahilla antajilla! Iänittämini on tapahtun Päivännoušu-Šuomen yliopisson LogoLab-iänityštiloissa.

Projektin video- ta iänituottajana on ruatan Jussi Sinkkonen, kumpani yheššä kuvittaja Sirpa Männyn keralla ollah hivottu mobiilikorttien visual’noita ilmettä.

Lorukotvani karjalakši -mobiilivideot on luajittu Karjalan Šivissyššeuran tuvella yhtehisruavošša karjalan kielen elvytyšprojektin kera.

Juohatamma, jotta šamaset lorukortit karjalakši on aikasempah julattu karjalan kielen elvyttämisen blogissa ta niitä voipi ottua talteh ta printata omah käyttöh.

Lorukotvasen videot löyvytäh nyt niise Instagramista (instagram.com/lorukotvani). Tili jatkau karjalan kielen elvyttämisen ruatuo keryämällä loruvideot ta niih liittyjät materijalit kepieh šuavutettavah muotoh. Tavottehena on šuaha matalammakši kynnyštä ruveta järještämäh lorukotvasie, mahollistamah šitä, jotta ken vain tahtouki piäsis loruttelomah karjalakši.

Tulija ohjattu lorukotvani karjalakši järješšetäh Jovenšuun Eliel-museissa šuovattana 29.11.2025 č 11.30. Tulkua terveh!

Lorukotvani karjalakši -mobiilivideot YouTubessa: linkki

Lorukotvani karjalakši Instagramissa: linkki

Lorukotvani karjalakši -kortit ta lisyä tietuo koko projektista: linkki