Karjalan kielen viikko (24.–30.11.2025)
Karjalan kielen viikkoa vietetään marraskuussa 2025 kuudetta kertaa. Viikon järjestävät yhteistyössä Karjalan Sivistysseura ja Itä-Suomen yliopisto.
Karjalan kielen viikolla juhlitaan elävää, rikasta ja nykyaikaista karjalaa, ja tuttuun tapaan keräämme kieliyhteisöltä aihetta käsitteleviä videoita, tekstejä ja muita materiaaleja. Tänä vuonna keskitytään erityisesti karjalan suulliseen käyttöön. Kutsummekin kieliyhteisön jäsenet ja kaikki karjalan kielestä kiinnostuneet pohtimaan omia mahdollisuuksiaan käyttää ja kuulla puhuttua karjalaa. Haastamme erityisesti yhteisöt ja yhdistykset pohtimaan myös sitä, miten näitä mahdollisuuksia voisi tarjota entistä enemmän. Suullisten kielenkäyttöympäristöjen luominen ja tukeminen ovat kielenelvytyksessä avainasemassa, ja karjalaisessa kielikylyssä aloittelijankin kielitaito kasvaa kohisten. Tule mukaan, sillä pagin paginua jatkau!
Tarkemmat osallistumisohjeet voit lukea karjalaksi alla.
Karjalan kielen netäli
27. pimiekuuta Šuomešša pruasnuijah karjalan kielen päivyä. Šen kunnivokši piemmä 24.–30.11. karjalan kielen netälin, kumpasen jokahisešta päiväštä tulou karjalan kielen päivä. Netälin oloh Karjalan Šivissyššeura ta Päivännoušu-Šuomen yliopisto järeššetäh eriluatuista tempaušta ta pituo šekä julatah netälin tiemah liittyjyä karjalankielistä materijalie Uutisčuppu-aijankohtaiskanavalla ta Päivännoušu-Šuomen yliopisson karjalan elvytännän blogissa.
Vuuvven 2025 tiemakši on valittu Pakinapirtti–Paginapertti–Paginperti. Tiema kuččuu smiettimäh omua šijettä paistuh karjalah šekä jakamah muistuo ta kokemušta karjalankielisistä pakinaklupiloista. Ei šiula vielä olle kokemušta karjalankielisistä pakinaklupiloista, ka virittäyvy ta lähe vain moiseh ennen kielinetälie lipo šen aikua. Voit niise kuotella fantasiiruija omien huavehien karjalankielistä pakinaympäristyö tahi järeštyä oman pakinapirtin pop up -projektina ta dokumentiiruija kokemušta. Voit ottua ošua netälin pruasnuintah eri tavoin. Täh kirjutukšeh on kerätty niistä tärkeimmät.
Videomaterijualoin keriändä
Karjalan Sivissysseura da Päivännouzu-Suomen yliopisto kerätäh karjalan kielen nedälillä jullattavaksi paginakluuboih liittyjiä videomaterijualua. Meilä voibi työndiä ezimerkiksi paginakluuboin vedäjien da paginakluubalazien videotervehyzie, videomaterijualua toizista karjalankielizistä (pagina)tapahtumista segö toizie nedälin tiemah liittyjie videoloi.
Videoloin kieldä ei tarkisseta, ga paistu nygykarjala suau kuuluo niijen syväindölöissä. Kielihairavoloi libo eri murdehien libo kielien sevotandua ei pie varata! Videon voibi työndiä sähköpoštačči ([email protected]) 17.11.2025 suaten. Videoloi voijah jullata Päivännouzu-Suomen yliopisson karjalan elvytännän blogassa da somekanavoilla segö Karjalan Sivissysseuran Uudisčuppu-aijankohtaiskanavalla da somekanavoilla.
Kirjutuksien keriändy
Otammo tänägi vuon vastah sežo nedälin tiemua koskijua kirjutustu. Voit duumaija kirjutukses ezimerkikse paginkluuboin roulii omassah elokses libo smiettie, mittuine vois olla paginpertilöin tulii aigu. Kuibo kehittäzit paginperti-paginkluuboi? Mittuine olis sinun huavehien paginperti?
Pättävy piduhus on max 300 sanua. Tekstuainehistot tarkistetah. Kirjuttajan oma murreh suau nägyö tekstas, ga elvytysprojektan blogas jullattuloi tekstoi voijah käyttiä sežo opastandas. Sendäh tekstat pidäy olla kirjutettu novvattajen karjalan nygösty kielioppii da oigiehkirjutusnormua. Liitäthäi omassah kirjutukseh kuvan.
Kirjutustu voi työndiä sähköpoštači ([email protected]) 17.11.2025 sah. Kirjutuksii voijah jullata Päivännouzu-Suomen yliopiston karjalan elvytändän blogas da somekanualoil sego Karjalan Sivistysseuran Uudisčuppu-aijankohtaskanualal da somekanualoil.
Toiset materijalit
Meilä voipi työntyä toisieki tiemua koškijie, blogissa tahi somekanavoilla julattaviksi paššuajie materijalija. Iellisinä vuosina olemma julannun esimerkiksi runohutta, komiksua ta fotokuvua. Näijenki tekstimaterijalien pättävä pituhuš on max 300 šanua. Työntämis- ta julkuantaohjiet ollah šamat kuin videoloilla ta kirjutukšilla.
Tapahtumat
Päivännouzu-Suomen yliopisson karjalan elvytännän blogah on kerätty tieduo karjalan kielen nedälin aigua Suomen eri čurilla da internetassa järjessettävistä karjalankielizistä tapahtumista. Luvetteluo päivitetäh, da voit työndiä meilä sähköpoštačči tieduo karjalankielizistä pidoloista da tembauksista. Niidä voijah lizätä luvetteloh.
Linkka karjalankielizien tapahtumien luvetteloh.
Lizäksi lähillä karjalan kielen nedälie keräyvytäh äijät karjalankielizet paginakluubat. Nedälin aigua keräydyjät kluubat on kerätty tapahtumien luvetteloh, da pimiekuun toizien paginakluuboin tiijot löyvät erillizestä julgavosta karjalan elvytännän blogasta.
Linkka Paginaperttilöin kogo syyskauven pluanah elvytyksen blogassa.
Kehoitammo pidämäh nedälin aigua uuzii, hos yhten kerran vastavujii paginkluuboi. Päivännouzu-Suomen karjalan elvytändän blogas on jullattu ohjavot paginkluuban avuamizen tuvekse suomekse da livvinkarjalakse. Ohjavot on kirjutettu alallizien vastavundoin tuvekse, ga niilöi voi hyvin käyttiä avukse sežo yksittäzien tapahtumien planiiruičendas.