Nuorien Paginperti 13.3.

Mustoitammo, gu Jovensuus kerävyy karjalazih nuorih niškoi avattu karjalankieline Paginperti-paginkluubu. Nuorien Paginpertin tulii vastavundu on nellänpiän 13.3. č 16.30–18.30. Vastavundukohtu on Päivännouzu-Suomen Jovensuun kampuksel Aurora-huonukses olii kaminperti. Et tiedäne, kus kaminperti on, voit työndiä sähköpoštua kluuban vedäjäle Niko Tynnyrizele (niko.tynnyrinen@uef.fi) libo tulla viitty minuuttua enne Paginpertin avuandua Algukivet-paččahan viereh, Agora-huonuksen da yliopiston kirjaston välizele pihale. Astummo kaminpertih yhtes!

Paginpertih voit ottua ozua omah kielenmaltoh da kielimuodoh kaččomattah. Vuotammo Nuorien Paginpertih kaikkien murdehien pagizijoi da suvaiččijoi. Voit käyttiä avukse toizii kielii da piättiä iče, mih luaduh otat ozua paginah. Koufeit da čuajut keitämmo sego taričemmo midätahto piendy väliveruo.

Tavan mugah Nuorien Paginpertis ei ole tiettyy tiemua. Tälgi kerdua pagizemmo ezimerkikse aijankohtazii dieloloi da keviän pluanoi sego kižuammo mittumahtahto karjalan sanastuo koskijah kižah. Ližäkse tuttavummo Muzeivirraston ja Suomen Kul’tuuruperindökazvatussebran luajitun Perindöjura-ruadobrujan (perintöhyrrä) karjalankielizeh kiännökseh.

Tulgua terveh pagizemah karjalakse! Keräle voit tulla vaigu kuundelemahgi.