Tikutantašanašto vienankarjalakši ta kuvua karjalaisista tikutušmalliloista

Päivännoušu-Šuomen yliopisson karjalan kielen elvytykšen blogissa on julattu Olga Karlovan ta Mari Rajamaan luatima tikutantašanašto. Šanaštoh on kerätty väkitukku tikutuššanua, kumpasien avulla voit ruveta tikuttamah karjalakši. On perintehellistä rahvahan käytöššä olijua šanua, ka on ni uutta šanua, mitä on kehitetty tätä šanaštuo varoin.

Šanaštoh on kovottu niise arvokašta kuvamaterijalie, kumpani esittäy karjalaisie tikutušmallija ta tikutukšissa käytettyjä kaunikirjoja. Kuvissa on vanhua arhiivoih tallennettuo käsiruatuo tai nykyaijan tikutukšie. Niistä käsimuasterit voijah šuaha virityštä perintehisen tikutantaneron noštamiseh ta ielläh kehittämiseh. Karjalaiset kaunikirjat nimineh ta kuvineh ollah vorssa ta kallis perintö.

Šanaštuo voipi täyventyä työntämällä ehotukšie Olga Karlovalla š-poštih ([email protected]). Passipo!

Linkki Neulontasanasto (suomi-vienankarjala) -sivulle.