Paginpertiläzien pikniekku Utransuares Jovensuus: yhtes, välläh da vesseläh

Hos pertis Paginpertilöi sygyzyssäh ei rodei, ga luonnon helmas vie oli yksi paginpertiläzien vastavundu. Nuorien dai Kaikkien Paginpertilöin kävijät kerävyttih yhtehizele pikniekale Jovensuun Utransuareh 11.6. Sih niškoi oli vuograttu koda č 17–20. Ozakse koda oli suuri da synnytti kai pikniekkuniekat: meidyhäi oli piäl 20. Kerras passiboičemmo äijäl Karjalan Sivistysseurua Jovensuun Paginpertile annettulois dengois, kudamien vuoh ongi ozitunnuh kogo pido.

Pikniekku-Paginpertis ei olluh nimittumua tiettyy programmua, mieleh oli vai olla yhtes, paista ken mis tahtoigi, syvvä-juvva da šuuttie-nagrua. Moizet vällymuodohizet vastavundat ollah ylen tärgiet: nenga ihan luonnollizeh tabah pagizet karjalakse kaikkii dieloloi, kyzelet tostu da vastuat iče. Kieli eläy, konzu sidä pietäh elävänny pagizijat!

Pidäy mainita, gu moizes pikniekkumuvvos Jovensuun Paginpertit kerävyttih enzimästy kerdua da tuliel aigua vois duumaija vie kaikenjyttymiä muudugi vastavundumuoduo. Ollou sinul midä hyviä ehoitustu Paginpertilöin piendäh niškoi, ga kirjuta meile: karjalanelvytys@uef.fi.

Paginpertit jatketah omassah ruandua syvyskuus algajen, ga jo elokuun lopul kerävymmö Mustu kyly -Paginpertih Timoi Munnelluo Viinijärvel. Tarkah päiväh da aigah näh ilmoittelemmo myöhembä.

Hyviä keziä!

Kirjutus: Natalia Giloeva (Hiloin Natoi)