Karjalan paras talvisana on vallittu

Elvytysprojektan luajitus kyzelys on alguvuvven aigua voinnuh iänestiä parastu karjalankielisty talvisanastu. Sanua kyzelyh oli kerätty kaikil karjalan piämurdehil da ližäkse vastates on voinnuh ehoittua armahan sanan, kudamua kyzelyh ei vie olluh vallittu.

Kyzelyn mugah karjalan parahikse talvisanoikse on vallittu ”jiäkruuživo” (jääkukka, jääpitsi ikkunassa) da ”tuučču” (lumituisku), kudamis mollembat suadih 10 iändy. Toizele sijale ollah piästy kuvvel iänel ”alazet” (lapaset) da ”kičakka keli” (kirpsakka keli, kova pakkanen). Juatul kolmandel sijal on äijy sanua, da kyzely oli ylen tazaine.

Karjalan kielen bohatuttu ozutetah kyzelyn loppuh jätetyt omat ehoitukset. Erähät ollah ehoitettu kyzelyn al sanua toizil murdehil: ezimerkikse livvinkarjalan tuučču-sanan rinnale on annettu ližäkse armas suvikarjalan muodo ”tuučča”. Kuatančoile on sežo annettu toine variantu, ”vualenžat”. Ližäkse on ehoitettu vie nengomua sanua: röččä (räntä), sinikodvaine (sininen hetki), uhku (vetinen jääsohjo), kidie (kireä, ankara, esim. pakkanen), talvisovat (talvivaatteet) da lumi (lumi). Ylen čomat!