Paginkluubu avavuu karjalan kielen elvytysprojektan hantuzis

Sygyzyn aigua on pietty livvinkarjalan kaksi luvendokursua, perus- da jatkokursu, kudualoile oli tulluh opastumah rekordumiäry opastujua. Äijät opastujat opastuttih Zoomači da luvendotallendehien vuoh. Keräl silloi oli kui Päivännouzu-Suomen yliopiston omii opastujii, mugai avvonazen yliopiston kauti tulluzii.

Pakkaskuun 11. päivänny algau livvinkarjalan paginkursu, kudamale pahakse mielekse ei piästä avvonazen yliopiston opastujat. Monet heis tahtottas jatkua opastundua karjalan kieleh da juuri karjalazeh paginah. Myö emmo voinnuh jättiä opastujien tahtuo huomuamattah da avuammo elvytysprojektan hantuzis paginkluuban. Kluuban vedäjäkse roih livvinkarjalan jatkokursan opastai, Natalia Giloeva (Hiloin Natoi). Kursan da kluuban enimät materjualat roitah yhtenjyttymät, ga opastujat ičegi voijah ehoittua, midä hyö tahtottas paginkluubas ruadua.

Tulgua paginkluubah kaikin, ket tahtozitto opastuo pagizemah karjalakse! Kluubu rubieu ruadamah Zoomas da enzimäine vastavundu roih 13. pakkaskuudu 16.00 aigah.  Ylen vuotammo paginkluubah juuri sinuu! Linkan suat Natalia Giloevalpäi natalia.giloeva(at)uef.fi

Hyviä Rastavua da lykkyy uudeh vuodeh!