{"id":23560,"date":"2026-03-30T10:02:55","date_gmt":"2026-03-30T07:02:55","guid":{"rendered":"https:\/\/blogs.uef.fi\/karjalanelvytys\/?p=23560"},"modified":"2026-04-07T09:59:03","modified_gmt":"2026-04-07T06:59:03","slug":"karjalan-da-voronkielisty-toimindua-jovensuus-7-9-oraskuudu","status":"publish","type":"post","link":"https:\/\/blogs.uef.fi\/karjalanelvytys\/2026\/03\/30\/karjalan-da-voronkielisty-toimindua-jovensuus-7-9-oraskuudu\/","title":{"rendered":"Karjalan- da v\u00f5ronkielisty toimindua Jovensuus 7.\u20139. oraskuudu"},"content":{"rendered":"\n

Jovensuus todevutetah 7.\u20139. oraskuudu projektu, kudai tari\u010d\u010dou karjalan da v\u00f5ron pagizijoile mahtoloi tuttavuo toine toizen kielih da niil\u00f6in kehit\u00e4nd\u00e4h. Projektu on tarkoitettu pai\u010di muudu nuorile da nuorile aiguhizile, da sen aigua joukko nuordu v\u00f5ron (kudai on eri kieli, migu eestin kieli) pagizijua matkuau Jovensuuh tuttavumah karjalan kielen elvyt\u00e4nd\u00e4h. Projektua kordiniirui\u010d\u010dou Instagraman @segasugukiel-projektan kehitt\u00e4i Nico Hannes <\/strong>yhtes v\u00f5ron- da karjalankielizien yhtehist\u00f6l\u00f6inke.<\/p>\n\n\n\n

P\u00e4iv\u00e4nnouzu-Suomen yliopisto on ker\u00e4l projektas da j\u00e4rjest\u00e4y karjalan kieleh liittyj\u00e4n tapahtuman Jovensuun kampuksel pi\u00e4tteni\u010d\u010d\u00e4n 8. oraskuudu. Tapahtumu piet\u00e4h \u010d 12\u201316 Agora-huonukses. Tarkemban programman l\u00f6vv\u00e4t t\u00e4m\u00e4n tekstan lopus. Tapahtumu on ilmaine da kaikile avvonaine, da ku\u010dummo matkujoukon li\u017e\u00e4kse ker\u00e4le kaikkii niil\u00f6i ristikanzoi, kudualoin elokseh karjalan kieli vaikuttau. Tapahtumah voijah ottua ozua se\u017eo net, kenen mielii karjalah libo v\u00f5roh opastundu kiinnitt\u00e4y, ga tapahtuman verdavustuvellizen perusluondehen vuoh toivommo, gu ozanottajat kuulutah kieliyhtehist\u00f6h libo muite alalleh k\u00e4ytet\u00e4h karjalan kieldy.<\/p>\n\n\n\n

Tapahtumas kuultah ezitelmii karjalan da v\u00f5ron kielih n\u00e4h sego jagavutah ruadopajoih, kudualois paistah ezimerkikse kielen elvyt\u00e4nd\u00e4s da v\u00e4hembist\u00f6kielen k\u00e4yt\u00e4nd\u00e4s. Tarkoituksennu on, gu eri kielien pagizijat voidas vaihtua kogemustu da tuttavuo toine toizenke. Ezitelmis k\u00e4ytetyt kielet ollah karjala, v\u00f5ro, suomi da anglii, da ruadopajois k\u00e4ytet\u00e4h yhtehizenny kielenny angliedu. V\u00f5ro da karjala yhtell\u00e4h ollah sugukielii, da send\u00e4h rakkahal kehoitamme se\u017eo niil\u00f6in k\u00e4ytt\u00f6h da monikielizeh kommunikacieh. Voit ottua ozua tapahtumah, hos angliekse pagizendu olis sinule jygei. Joukot voijah muvvostua nenga, \u0161to jogahizes olis kyll\u00e4l hyvin angliekse pagizijua libo tarvites tulkuajua ristikanzua.<\/p>\n\n\n\n

Ezm\u00e4ssargen 27.4. \u010d 16.30\u201318.30 piet\u00e4h matkah valmistai Zoom-tapahtumu, kuduas matkujoukon ozanottajat da P\u00e4iv\u00e4nnouzu-Suomen yliopiston karjalan kielen elvytt\u00e4j\u00e4t kerrotah perusdieloloi omassah kielih n\u00e4h. Nenga varmistammo, gu varzinazennu tapahtumup\u00e4iv\u00e4nny ehtimm\u00f6 kielitiijon li\u017e\u00e4kse paista kogemuksii da aijankohtazii dieloloi. Zoom-tapahtuman ezitelmien kieli on anglii, ga toiziigi kielii suau k\u00e4ytti\u00e4.<\/p>\n\n\n\n

Mollembih tapahtumih voit ilmoittuakseh Webropol-ankietal. Linku Zoom-tapahtumah ty\u00f6t\u00e4h i\u010d\u010die ilmoitannuzile s\u00e4hk\u00f6po\u0161ta\u010di. Ilmoittavundu pi\u00e4tapahtumah on omatahtoine. Voit se\u017eo vaigu tulla ker\u00e4le, ga ilmoittavundu avvuttau meidy planiiruimah tapahtumua tarkembah. Send\u00e4h toivommo, gu ilmoitat ankietal se\u017eo, mittumii kielii voit da tahtot k\u00e4ytti\u00e4 ruadopajas.<\/p>\n\n\n\n

Linku Webropol-ankietale.<\/a><\/p>\n\n\n\n

Ka\u010do programmu alemba.<\/p>\n\n\n\t

\n\t\t\t\t\t
\n\t\t\t\t