Komissien pakinanvet\u00e4j\u00e4k\u0161i on nimitetty professori Riho Gr\u00fcnthal<\/strong> Helsinkin yliopisso\u0161ta ta varapakinanvet\u00e4j\u00e4k\u0161i yliopissonlehtori Ilja Moshnikov<\/strong> P\u00e4iv\u00e4nnou\u0161u-\u0160uomen yliopisso\u0161ta. Toisie o\u0161anottajie ollah Olga Karlova<\/strong>, Eeva-Kaisa Linna<\/strong>, Elena Rapa<\/strong>, Markku Suksi<\/strong>, Martti Talja<\/strong> ta Outi T\u00e1nczos<\/strong>. Komissien kokohpano yhist\u00e4y kokemu\u0161ta esimerkiksi karjalan kiele\u0161t\u00e4, \u0161en \u0161ana\u0161\u0161o\u0161ta ta nimiss\u00f6\u0161t\u00e4, kielen kehit\u00e4nn\u00e4\u0161t\u00e4 ta elvyt\u00e4nn\u00e4\u0161t\u00e4, k\u00e4yt\u00f6\u0161t\u00e4 ta opa\u0161\u0161anna\u0161ta eriluatusissa ymp\u00e4rist\u00f6l\u00f6iss\u00e4, l\u00e4hisukukielien kontekstista, kielellisiss\u00e4 oikevuk\u0161ista \u0161ek\u00e4 \u0160uomen karjalankielisiss\u00e4 yhtehis\u00f6l\u00f6ist\u00e4 ta verko\u0161toloista.<\/p>\n\n\n\n Kielikomissieloin k\u00e4yt\u00e4nn\u00f6n ruado on j\u00e4rjessetty yhtehizess\u00e4 ruavossa jogahizen kielen spesialistaorganizatsien kera. Karjalan kielen kehit\u00e4nn\u00e4st\u00e4 da k\u00e4yt\u00e4nn\u00f6n kieliruavosta vastuau P\u00e4iv\u00e4nnouzu-Suomen yliopisto, kumbazen valdakunnalline eri\u010dysruado koskou karjalan kielen tutkimusta, opassusta da elvytyst\u00e4.<\/p>\n\n\n\n Komissien k\u00e4yt\u00e4nn\u00f6n ruaduo rubieu sekretarina koordiniiruimah yliopisto-opastaja Niko Tynnyrinen<\/strong> P\u00e4iv\u00e4nnouzu-Suomen yliopissosta. Tynnyrinen on ruadan karjalan kielen elvytysprojektan koordinuattorana da vuodena 2025 jullatun karjalan kielen elvytysprogramman kirjuttajana.<\/p>\n\n\n\n Tynnyrinen arvivoi\u010d\u010dou, jotta karjalan kielen komissielda vuotetah \u00e4ij\u00e4n: \u201dKomissie zavodiu oman ruavon tilandehessa, kumbazessa karjalankieline kentt\u00e4 on aktiivine da muuttuja: elvytysprogramma on juuri jullattu, muuzikka, kirjallizus da taido liz\u00e4t\u00e4h tieduo karjalan kielest\u00e4 da karjala suau uutta pagizijua ennen kaikkie ruavahista opastujista.\u201d<\/p>\n\n\n\n Tynnyrizen mielest\u00e4 komissien perustamine on suuri kehitysassel. \u201dJo kodvan karjalan kielen dieloloi ollah aktivistoin liz\u00e4ksi ka\u010dottu mi\u00e4r\u00e4aigazet ruadojoukot da projektat, da sent\u00e4h virralline kielikomissie da karjalan elvytysruavon sidouttamine P\u00e4iv\u00e4nnouzu-Suomen yliopistoh annetah uskuo tulijah aigah\u201d, Tynnyrinen sanou. H\u00e4nen mugah alallizemmat rakendehet mahollissetah kest\u00e4j\u00e4n kieliruavon da kehotetah tavottelemah tulijoi pit\u00e4n aigav\u00e4lin tavottehie, kumbazie ollah ezimerkiksi karjalankieline opassus \u0161kolassa seg\u00e4 karjalan kielizakona. Liz\u00e4ksi oma komissie andau karjalan kielell\u00e4 painoarvuo da sanou, jotta se on kieli, kumbazen kehitt\u00e4mizeh Suomessa on sidouvuttu.<\/p>\n\n\n\n Karjalan kielen komissien perustandu liittyy vuvvennu 2022 valdivonevvoston princippupi\u00e4t\u00f6ksenny jullattuh kielipoliitiekallizeh programmah, kudai ka\u010d\u010delou karjalan kieldy yhtenny Suomen kodoper\u00e4zis v\u00e4hembist\u00f6kielis. Programman tavoittehennu on kielien vardoi\u010dendu, elvyt\u00e4ndy da tuvendu.<\/p>\n\n\n\n Kielipoliitiekallizes programmas nostettih n\u00e4g\u00f6vih, gu karjalan kielele pid\u00e4y institucionualistu tugie sego oma elvytyspluanu da toimenpidehprogrammu. Net azui vuozinnu 2023\u20132025 Kotuksen koordiniiruittu da opastus- da kul\u2019tuuruministerstvan nimitetty karjalan kielen specialistujoukko, kudai ezitti ministerstvale karjalan kielen komissien perustandua Kotuksen yhtevy\u00f6h. Mahto uvven kielikomissien perustandah avavui, konzu Kodimualazien kielien keskustu koskijua zakonua voidih tarkistua ministerstvan hallindoalah kuulujien virrastoloin rakendehuvvistuksen yhtevy\u00f6s.<\/p>\n\n\n\n Karjalan kieldy on vaste j\u00e4lgivuozinnu ruvettu ylehizesti tunnustamah yhtekse Suomen kodoper\u00e4hizis kielis. Azeman nouzendah on johtanuh karjalankielizen yhtehist\u00f6n da tutkijoin jatkui ruado kielen k\u00e4yt\u00f6n li\u017ei\u00e4mizekse da sen n\u00e4gyvy\u00f6n parandamizekse.<\/p>\n\n\n\n Komissien sekretari Niko Tynnyrinen juohattau, gu komissieh perustandas maksau olla ylbei da ozakas: \u201dSe sanou karjalan kielen elvynd\u00e4s, mis pid\u00e4y tiett\u00e4v\u00e4ine passiboija se\u017eo da enne kaikkie kieliyhtehisty\u00f6. Karjalankielizien aktivistoin, opastajien, tutkijoin da toizien kielen suvai\u010d\u010dijoin ruado on viennyh t\u00e4h tilandeheh, da vie viizi vuottu tagaperin olis olluh jygei kuvitella karjalan kielen komissiedu.\u201d<\/p>\n\n\n\n *<\/p>\n\n\n\n![\"\"](\"https:\/\/blogs.uef.fi\/karjalanelvytys\/wp-content\/uploads\/sites\/155\/2026\/01\/Karjalan_kieli_kuvituskuva.19.9.2025_NJ-8-1024x569.jpg\")
Yhtehine ruado P\u00e4iv\u00e4nnouzu-Suomen yliopisson kera<\/h4>\n\n\n\n
Vuitikse pitk\u00e4n ti\u00e4ht\u00e4imen kielipoliitiekkua<\/h4>\n\n\n\n