![\"Kuva-asetelma.](\"https:\/\/blogs.uef.fi\/karjalanelvytys\/wp-content\/uploads\/sites\/155\/2022\/02\/Blogi_etusivu_4mt-300x225.jpg\")
<\/p>\n<\/p>\n
Meij\u00e4n pakinaklupi ruatau pakkaiskuu\u0161ta 2022 alkuan karjalan kielen elvyty\u0161projektin innottamana. Vet\u00e4j\u00e4n\u00e4 on Olga Karlova<\/strong>. Tahtonet liitty\u00f6, kirjuta: olga.karlova@uef.fi<\/p>\n T\u00e4ll\u00e4 \u0161ivulla julkaisemma pakinaklupilaisien kirjutuk\u0161ie, runoja, starinoja ta meij\u00e4n kuulumisie.<\/p>\n Vienankarjalaini pakinaklupi Facebookissa: linkki fb:n joukkoh<\/a><\/p>\n *<\/p>\n Kevy\u00e4ll\u00e4 2026<\/strong> Zoom-pirtit ollah: 22.1., 19.2., 19.3., 16.4. ta 21.5 \u010d 16.30\u201318.00. <\/strong>Tule pakajamah-pagizemah, et malttane viel\u00e4 paissa karjalak\u0161i olet tervehtullut kuuntelomah! Zoom-linkin \u0161uat ty\u00f6nt\u00e4m\u00e4ll\u00e4 viestie Olgalla: olga.karlova@uef.fi<\/p>\n *<\/p>\n 20.3.2026<\/p>\n Kevy\u00e4seh Zoom-pakinapirttih tuli iltua istumah 13 imehnist\u00e4. Lumet \u0161uletah \u0161uurella vauhilla, hiihtosel\u2019l\u2019a ei en\u00e4mpi ku\u010du, ka sportuija voipi ho\u0161 pirtiss\u00e4 lakie remonttien tahi jumppasluatniekkojen keralla uuvvikkaista sporttisrikumenttie kuotellen. Toiset ollah vaivuttu ruatokiirehih, ka hyv\u00e4k\u0161i mielek\u0161i karjalaiset himoruavot potrissetah. Net\u00e4linlopuk\u0161iki on pluanie: lap\u0161ienkerhon pienty\u00e4 vienankarjalak\u0161i. On \u0161e vessel\u00e4 kuulla tavallisen elok\u0161en kuulumisie omilta klupilaisilta. Mi\u00e4n joukkoh on yhtyn kak\u0161i uutta ristikan\u0161ua, tulkua terveh pakinoilla toi\u010d\u010diki!<\/p>\n V\u00e4ll\u00e4n p\u00e4lp\u00e4t\u00e4nn\u00e4n j\u00e4lkie kuuntelima m\u00e4nn\u00e4 net\u00e4lin Ylen karjalankielisie uutisie, niih oli pi\u00e4\u0161\u0161yn en\u0161imm\u00e4ist\u00e4 kertua tiijotu\u0161 vienankarjalak\u0161i. Ke\u0161\u00e4ll\u00e4 Kainuun vienalaiskyliss\u00e4 piett\u00e4v\u00e4n vienankarjalaisen kielileirin ilmottautumini on kahallah 15.4.2026 \u0161uaten. Tule terveh keralla \u0161ieki! Ta toivomma, jotta uutismaterijalie vienankarjalak\u0161i \u0161ais olla jatkuva\u0161tiki Ylell\u00e4.<\/p>\n Yle uudizet karjalakse, 12.3.2026: linkki<\/a><\/p>\n Pakajamma onnakko! Vienankarjalaini kielileiri, 5.3.2026: linkki<\/a><\/p>\n Lopuk\u0161i ka\u010d\u010delima uuvvistunutta Karjalan \u0160ivissy\u0161\u0161euran pit\u00e4my\u00e4 Uutis\u010duppuo. \u0160iin\u00e4 pi\u00e4\u0161\u00f6y nyttein vali\u010d\u010domah kirjutuk\u0161ie karjalan eri murtehilla, t\u00e4t\u00e4 on toivottu, \u0161ulkkuset passipot!<\/p>\n Uutis\u010duppu \u2013 Uudis\u010duppu -ajankohtaiskanavamme on uudistunut! 13.3.2026: linkki<\/a><\/p>\n Teksti: Olga Karlova<\/p>\n 20.2.2026<\/strong><\/p>\n Kainuun vienalaiskyl\u00e4t. Kuvakolla\u0161i: Ella Karttimo<\/p><\/div>\n Eklein n\u00e4keytym\u00e4 tua\u0161\u0161en loito\u010d\u010di, meit\u00e4 oli parahittuan 12 o\u0161allistujua alkanuon vuuvven toise\u0161\u0161a va\u0161tauvunna\u0161\u0161a. Alkuh pakinakan\u0161an ker\u00e4yty\u00f6ss\u00e4 vaihtelima kuulumiset \u0161i\u00e4h n\u00e4hen. Koti-\u0160uome\u0161\u0161a toista kuuta pakkani paukkau, ka er\u00e4hiss\u00e4 Euroupan maissa, vot hoti Belgija\u0161\u0161a, ei viluloista ni tietuo. Ta kun la\u0161kenou l\u00e4mp\u00f6tila miinussalla, \u0161ekalutta \u0161iel\u00e4 asiet ollah, parempi pisy\u00f6 koissa ta vuottua, kon\u0161a \u0161e ilma tua\u0161 l\u00e4mpen\u00f6y.<\/p>\n M\u00e4nn\u00e4 kevy\u00e4n\u00e4 mi\u00e4n pakinaklupissa rotiutu ajatu\u0161 kielileirist\u00e4, ta eklein oli ilo ilmottua, jotta pluanit aletah stuaniutuo. Ke\u0161\u00e4kuu\u0161\u0161a Iivananp\u00e4iv\u00e4n net\u00e4linlopun j\u00e4lkeh 24.\u201328.6.2026 vienankarjalaini kielileiri Pakajamma onnakko! piet\u00e4h Domnanpirtill\u00e4 Kuivaj\u00e4rve\u0161\u0161\u00e4. Pi\u00e4idejana on \u010dukeltua kieleh ta kulttuurih toiminnan kautti. Mit\u00e4 leirin oloh rupiemma ruatamahki, ruamma karjalak\u0161i. Yhe\u0161\u0161\u00e4 olenta, opa\u0161\u0161unta ta elok\u0161en kotvasien juanta ollah ne t\u00e4rkiet tavotettavat. Tarkemmat tiijot ke\u0161\u00e4ll\u00e4 piett\u00e4v\u00e4\u0161t\u00e4 kielileirist\u00e4 \u0161ek\u00e4 ilmottautumini avauvutah Uutis\u010duppuh tulijalla net\u00e4lill\u00e4. Leiri kuuluu Karjalan \u0160ivissy\u0161\u0161euran 120-vuotispruasniekkavuuvven programmah.<\/p>\n Linkki uutiseh Uutis\u010dupu\u0161\u0161a<\/a>.<\/p>\n Otimma niise pakinak\u0161i Olga Karlovan<\/strong> ta Mari Rajamaan<\/strong> tikutanta\u0161ana\u0161\u0161on, kumpani julattih karjalan elvytyk\u0161en blogissa t\u00e4ll\u00e4 net\u00e4lill\u00e4. Ka\u010d\u010delima yhe\u0161\u0161\u00e4 er\u00e4hie tikutu\u0161\u0161anoja ta ihualimma kuvissa olijie tikutuk\u0161ie. Pakasima \u0161iit\u00e4, jotta tikutu\u0161kur\u0161\u0161iloilla ta k\u00e4siruatopajoissa vois hyvinki k\u00e4ytty\u00e4 karjalan kielt\u00e4. Tikuttuas\u2019s\u2019a voipi opa\u0161tuo karjalaisih kaunikirjoih ta \u0161amoten niijen nimil\u00f6ih karjalak\u0161i tai tikutannan peru\u0161asiet p\u00e4t\u00f6y paissa karjalak\u0161i. Oli pakinua \u0161iit\u00e4, jotta tikutu\u0161kuavat niise \u00e4ij\u00e4lti autettais tikuttajie. Er\u00e4h\u00e4t karjalaisien kirjatikutuk\u0161ien kuavat l\u00f6yvyt\u00e4h Mary Olen<\/strong> 1970-luvun k\u00e4siruatokirjoissa (Mary Olki, Kirjokintaista kauneimmat ja muita neulet\u00f6it\u00e4). Passipo neuvomua, Heidi<\/strong>!<\/p>\n Linkki tikutu\u0161\u0161ana\u0161toh.<\/a><\/p>\n 1970-luvun k\u00e4siruatokirjoista l\u00f6ytyy karjalaisien tikutuk\u0161ien kuavua (Mary Olki, Kirjokintaista kauneimmat ja muita neulet\u00f6it\u00e4)<\/p><\/div>\n Loittopakinapirtin tulija Zoom-va\u0161tauvuntakerta on 19. kev\u00e4tkuuta \u010d 16.30\u201318.00, tule terveh \u0161ieki!<\/p>\n teksti: Olga Karlova<\/p>\n 23.1.2026<\/strong><\/p>\n Tervehyisie eklise\u0161t\u00e4 loittopakinapirtist\u00e4! Meit\u00e4 oli yhtehe\u0161 17 henkie. Ruttoh aika paisse\u0161\u0161a m\u00e4ni, kon\u0161a kierro\u0161ta luatima ta omua elo\u0161ta ta asieloita jokahini \u0161anelima. Himoruatuo ta pluanie kaikilla on, er\u00e4hill\u00e4 \u0161ei\u010d\u010demen p\u00e4ivy\u00e4 net\u00e4liss\u00e4 on v\u00e4h\u00e4tt\u00e4v\u00e4 aika, kun ei kaikki karjalaiset pivot tahota mahtuo niih. Noo, v\u00e4h\u00e4n p\u00e4iv\u00e4\u0161\u0161\u00e4, \u00e4ij\u00e4n net\u00e4liss\u00e4..<\/p>\n Kak\u0161i ilmotu\u0161taki olis juattavana:<\/p>\n Starinakirja vienankarjalak\u0161i -projektilaiset ker\u00e4t\u00e4h iell\u00e4h kirjutuk\u0161ie karjalak\u0161i. Runuo, kertomu\u0161ta, starinua, mit pa\u0161\u0161attais koko perehell\u00e4 luvettavak\u0161i. Tekstit voipi ty\u00f6nty\u00e4 Heidi Gilhoolyn<\/strong> \u0161-po\u0161tiadressih: heidipgilhooly@gmail.com<\/a> El\u00e4 \u010duipota omua kielenmalttuo, kielentarkissuk\u0161en luatiu vienankarjalan opa\u0161taja Olga Karlova<\/strong>. Lisy\u00e4 tietuo kirjaprojektista, linkki<\/a><\/p>\n Gallerija Lutsissa Lohjalla on vienalaisen taituolijan \u010cikko Pajarin<\/strong> Maisema, muissot, ristikan\u0161at<\/em> -n\u00e4yttely\u0161 pakkaiskuun 2026 loppuh. Ken ei pi\u00e4\u0161e n\u00e4yttelyk\u0161eh, voipi ka\u010d\u010duo kinon, kumpase\u0161\u0161a taituolija pakajau karjalak\u0161i.<\/p>\n Elias was (not) here<\/em> -videotevo\u0161, linkki<\/a><\/p>\n Videon peitto\u0161ana Vimeo\u0161\u0161a: vienalaiset<\/p>\n Videota voipi v\u00e4ll\u00e4h k\u00e4ytty\u00e4 karjalan kielen ta kulttuurin opa\u0161\u0161unna\u0161\u0161a.<\/p>\n N\u00e4yttely: Vienalaistaiteilija puhuu L\u00f6nnrotille -kirjutu\u0161 Uutis\u010dupu\u0161\u0161a, linkki<\/a><\/p>\n Tule pakinoilla mi\u00e4n Zoom-pirttih 19.2. \u010d 16.30\u201318.00!\u00a0<\/p>\n 7.1.2026<\/strong><\/p>\n Ku\u010dumma kaikkie pakinoilla karjalak\u0161i Zoom-pirttih. Loittopakinapirtin vet\u00e4j\u00e4n\u00e4 on Olga Karlova<\/strong>, ta va\u0161tauvunnat piet\u00e4h kerran kuu\u0161\u0161a 22.1., 19.2., 19.3., 16.4. ta 21.5 \u010d 16.30\u201318.00<\/strong>. Tule pakajamah-pagizemah, et malttane viel\u00e4 paissa karjalak\u0161i olet tervehtullut kuuntelomah!<\/p>\n Zoom-linkin \u0161uat ty\u00f6nt\u00e4m\u00e4ll\u00e4 viestie Olgalla: olga.karlova@uef.fi<\/p>\n Tule pakinoilla i\u010de ta ku\u010du tovarissua matkah<\/p><\/div>\n 27.11.2025<\/strong><\/p>\n Olipa l\u00e4mminhenkini ta karjalan pakinua t\u00e4y\u0161i Zoom-pirtti, \u0161ulkkuset passipot kaikilla tulomua!<\/p>\n Eklein karjalan kielen va\u0161tuantap\u00e4iv\u00e4n pakinoilla ker\u00e4yty meit\u00e4 yksitoista kuulumisie vaihtamah ta vessely\u00e4 iltakotvua yhe\u0161\u0161\u00e4 viett\u00e4m\u00e4h. Tiiju\u0161tima mit\u00e4 kell\u00e4ki kuuluu. Lentiera\u0161\u0161a lunta on t\u00e4h palah kokonaista 15 senttie hurahtan, jotta lumilapieta on jo puisseltu, a Oulun \u010dupukka per\u00e4\u0161\u0161\u00e4 matkuau ta eklein \u0161iel\u00e4 on jo tokatittu \u0161uksittajie. Helsink\u00f6veh ollah ruavo\u0161\u0161a korvineh p\u00e4ivineh, totkun vaivuk\u0161issa juuri tuku\u0161\u0161a pisyt\u00e4h. Vua\u0161alaiset \u0161uoritah liitolent\u00e4m\u00e4h Kolumbijah, Belgija\u0161ta m\u00e4nn\u00e4h Japanih ro\u0161tuonlomua pit\u00e4m\u00e4h.. niin jotta ei mi\u00e4n rahva\u0161 ka\u010do ki\u00e4t rississ\u00e4 issuta.<\/p>\n Karjalan kielt\u00e4 ta kulttuurie molo\u010dat no\u0161\u0161etah, t\u00e4t\u00e4 mie nyt \u0161uutkitta mutkitta \u0161anelen.<\/p>\n Virity\u0161t\u00e4 iell\u00e4hki n\u00e4ih t\u00e4rkeih ruatoloih!<\/p>\n Vienankarjalaini loittopakinaklupi jatkau va\u0161tauvuntoja kevy\u00e4ll\u00e4 2026, \u0161iit\u00e4 tulou mi\u00e4n viije\u0161 kev\u00e4t. Tule terveh joukkoh \u0161ieki!<\/p>\n T\u00e4n\u00e4pi\u00e4n\u00e4 27.11. piet\u00e4h karjalan kielen p\u00e4ivy\u00e4, toivotamma hyvy\u00e4 pruasniekkua!<\/p>\n Vienankarjalaise\u0161\u0161a pakinaklupissa on kisattu eklein Karjalan kielen net\u00e4li -tiemaista \u0161anakisua.<\/p><\/div>\n Teksti ta kuva: Olga Karlova<\/p>\n 13.11.2025<\/strong><\/p>\n Vienankarjalaise\u0161\u0161a pakinaklupissa<\/strong> on pietty loittova\u0161tauvuntoja jo er\u00e4h\u00e4n vuuvven aijan. Pakinaklupi ruatau paginperti-konseptin mukah, n\u00e4keyvymm\u00e4 ta pakajamma karjalak\u0161i<\/strong>. Tulija va\u0161tauvunta piet\u00e4h karjalan kielen net\u00e4lin<\/strong> serotana 26.11. \u010d 16\u201318<\/strong>. Klupin vet\u00e4j\u00e4n\u00e4 on Olga Karlova<\/strong> ta h\u00e4nelt\u00e4 voipi tiiju\u0161tua Zoom-linkin<\/strong>, olga.karlova(at)uef.fi.<\/p>\n Tule i\u010de ta ku\u010du tovarissak\u0161i ket\u00e4nih, ken tahtou hivuo omua karjalan pakinua! Voipi tulla kuuntelomahki.<\/p>\n 9.5.2025<\/strong><\/p>\n Eklise\u0161\u0161\u00e4 va\u0161tauvunna\u0161\u0161a meit\u00e4 oli 18, ta pakina ka\u010do juoksi. Alkuh oli ilo kuulla kolmen uuvven tulokkahan i\u010de\u0161t\u00e4 \u0161anelomiset, tulkua vain terveh mi\u00e4n joukkoh! Loittopirtti on kummalieka\u0161 tila, kumpani yhist\u00e4y karjalak\u0161i pakasijie \u0160uomen eri \u010dupukoista tai ulkomualla el\u00e4jie karjalaisie niise, kaikilla on hyv\u00e4 mahto olla keralla. \u0160anak\u0161i karjalan pakinua \u0161uvaijah kuunnella neki, ket ei malteta i\u010de paissa nivousu imehnisen kielt\u00e4. Eklein juuri mi\u00e4n ke\u0161e\u0161\u0161\u00e4 oli moini tarkkaseh kuuntelija, hi\u00e4n on pikkaraini Walesissa \u0161yntynyt Cari-koira. Totta\u0161e mi\u00e4n pakinat hellittih karvaista korvua, tiiju\u0161tima muiten, jotta h\u00e4nell\u00e4 koissa paissah karjalak\u0161i.<\/p>\n Kotvan aikua pakasima Oulu\u0161\u0161a Virpopyh\u00e4np\u00e4iv\u00e4n aikah piety\u0161t\u00e4 karjalaise\u0161ta Pruasnieka\u0161ta, kumpani oli kak\u0161ip\u00e4iv\u00e4ni ta eriluatuista pituo \u0161iin\u00e4 oli v\u00e4kitukku. Ihan hiki pi\u00e4\u0161\u0161\u00e4 \u0161ai pruasnuija, kun pivo\u0161ta toiseh piti juok\u0161ujalkua m\u00e4nn\u00e4, niin himotti olla o\u0161ana mukavua programmua. Iloi\u010d\u010dima yhe\u0161\u0161\u00e4, jotta karjalan kieli oli kuulun kaikkiella. Ta ei moini \u201cpruasniekkakarjala\u201d, kon\u0161a virketah \u0161ana-toini ta ki\u00e4nnyt\u00e4h ter\u00e4v\u00e4h valtakieleh, a ihan tavallini kommunikointikieli muijen kielien ke\u0161en. Yhe\u0161\u0161\u00e4olenta oli l\u00e4mminhenkini ta ruatoloih viritt\u00e4j\u00e4. \u0160uuri passipo, Karjalan \u0160ivissy\u0161\u0161eura!<\/p>\n Loito\u010d\u010di on hyv\u00e4 paissa, ka on meil\u00e4 huaveh n\u00e4keyty\u00f6 joukolla n\u00e4v\u00f6kk\u00e4h. T\u00e4m\u00e4n eteh kuottelemma ruatua ta eisty\u00e4 idejua etehp\u00e4in. El\u00e4mm\u00e4-ka\u010domma, mit\u00e4 tulou. Pluanie tulijak\u0161i aikua on, \u0161e hyv\u00e4.<\/p>\n \u0160uarnallini matkalipa\u0161 on kahallah karjalaise\u0161\u0161a pruasnieka\u0161\u0161a Oulu\u0161\u0161a, 2025. Luatin lap\u0161ie ta karjalan kielt\u00e4 \u0161uvai\u010d\u010dija poikkoi nuori Manu. Kuva: Olga Karlova<\/p><\/div>\n 5.5.2025<\/strong><\/p>\n Muissat vet tulla klupin t\u00e4m\u00e4n kevy\u00e4n j\u00e4lkimm\u00e4isell\u00e4 pakinakerralla, kumpani piet\u00e4h nell\u00e4n\u00e4pi\u00e4n\u00e4 8.5. \u010d 16\u201317<\/strong>. Vanhat tai uuvvet o\u0161allistujat, kaikin oletta tervehtulluot!<\/p>\n M\u00e4nn\u00e4 pakinakerralla ker\u00e4ytym\u00e4 \u0161ulakuun 10. p\u00e4iv\u00e4n\u00e4 ta \u0161iin\u00e4 meit\u00e4 oli 13. En\u0161imen kuulima Sirpa M\u00e4nnyn<\/strong> kuulumiset h\u00e4nen uuvve\u0161ta Kotvaniekka<\/em>-projektistah. Kotvaniekka on YouTube-kanava, kumpasen luatija on Sirpa ta kumpasella hi\u00e4n pakajau vienankarjalak\u0161i. Kanava on ruatan kuun aikua ta \u0161iin\u00e4 on jo kymmenisen videota jokap\u00e4iv\u00e4sen elok\u0161en kotvasista. Sirpa ty\u00f6ntel\u00f6y videoloita YouTubeh, \u0161ent\u00e4h kun tahtou paissa kell\u00e4nih karjalak\u0161i. Vot moini motora hi\u00e4n on! Kon\u0161a ei ole viere\u0161\u0161\u00e4 karjalaista pakinatovarissua, voipi ruveta i\u010den pakajamah ta \u0161uurellaki ka\u010d\u010dojakunnalla. K\u00e4yky\u00e4 ka\u010d\u010domah Kotvaniekan videoloita ta muistakkua tilata kanava ta panna videoloih peikaloisie, n\u00e4in no\u0161\u0161amma yhe\u0161\u0161\u00e4 karjalankielisen kanavan n\u00e4k\u00f6v\u00e4mm\u00e4k\u0161i.<\/p>\n Linkki Kotvaniekka-videoloih YouTube\u0161\u0161a<\/a>.<\/p>\n Oli meil\u00e4 ravieta pakinua ni karjalan kieleh liiittyjist\u00e4 projektiloista, kumpasie vois totevuttua yhtehisruavo\u0161\u0161a P\u00e4iv\u00e4nnou\u0161u-\u0160uomen yliopisson karjalan kielen elvytyk\u0161en kera. Oli hyvy\u00e4 idejua ta etehp\u00e4in vet\u00e4jie n\u00e4ytt\u00e4y l\u00f6ytyv\u00e4n. Ruavonhimon virity\u0161t\u00e4 iell\u00e4hki kaikilla meil\u00e4! Pakinan pakinan jatkau ta uuvven ruavon savotiu.<\/p>\n N\u00e4keyvymm\u00e4 ter\u00e4v\u00e4h! Ei olle \u0161iula Zoom-linkkie<\/strong>, ky\u0161y<\/strong> klupin vet\u00e4j\u00e4lt\u00e4 Olgalta<\/strong>: olga.karlova@uef.fi<\/p>\n 9.4.2025<\/strong><\/p>\n T\u00e4m\u00e4n kevy\u00e4n en\u0161imm\u00e4ise\u0161t\u00e4 vienankarjalaisen pakinaklupin va\u0161tauvunna\u0161ta on hurahtan kolme net\u00e4lie. Aika lent\u00e4y, et kerkie ni pi\u00e4t\u00e4 ki\u00e4nty\u00e4, kun ka\u010do\u0161 ke\u0161\u00e4 pihah viuhahtau.<\/p>\n Kev\u00e4tkuun 20. p\u00e4iv\u00e4n\u00e4 pakinaklupin Zoom-va\u0161tauvuntah ker\u00e4yty 15 henkie. Alkuh muistelima, jotta t\u00e4m\u00e4 on klupin nell\u00e4\u0161 kev\u00e4t, kon\u0161a ker\u00e4yvymm\u00e4 yhteh ta pakajamma omua elo\u0161ta karjalak\u0161i. Kolme vuotta takaperin klupin alkukertoih tuli niise karjalaista aina\u0161ki Vienan Uhtuon ta Nisan \u010dupukoilta, ka pahak\u0161i mielek\u0161i \u0161in\u00e4 \u0161amasena kevy\u00e4n\u00e4 yhteyvet raja\u0161ta pi\u00e4li\u010d\u010di ter\u00e4v\u00e4h katettih. Ylirajani yhtehisruato pietty \u0161iih, ka klupin karjalaini toiminta on jatkun.<\/p>\n Klupissa \u0161uat n\u00e4h\u00e4 vanhua tuttavua ta tuttavu\u0161tuo uu\u0161ih ihmisih. M\u00e4nn\u00e4 kev\u00e4tkuun pakinoilla tuli onnakko nell\u00e4 en\u0161ikertalaista. \u010cuassu m\u00e4ni ruttoh, jokahini kerto v\u00e4h\u00e4sen i\u010de\u0161t\u00e4 ta \u0161iin\u00e4 \u0161amalla vaihtoma kuulumisiena. Ei voi olla maini\u010d\u010dematta, jotta \u0161aima k\u00e4yv\u00e4 virtualise\u0161ti vienalaiseh Rimminkyl\u00e4h. \u0160iih mi\u00e4t k\u00e4ytti oman telefonin kameran kautti Ul\u2019l\u2019a\u0161kan pirtin em\u00e4nt\u00e4 Pirjo Kyll\u00f6nen<\/strong>; \u0161anomma h\u00e4nell\u00e4 \u0161ulkkuset passipot vessel\u00e4\u0161t\u00e4 mata\u0161ta. P\u00e4ivy\u00e4 \u0161iel\u00e4 oli kaunehe\u0161ti paistan, ta varu\u0161\u0161annat ke\u0161\u00e4vierahien va\u0161tahottamiseh oltih t\u00e4yve\u0161\u0161\u00e4 vauhissa.<\/p>\n Vienankarjalaini pakinaklupi on avonaini kaikilla, ket \u0161uvaijah karjalua. Ei pie v\u00e4ltt\u00e4m\u00e4tt\u00e4 malttua paissa karjalak\u0161i tahi olla karjalaini. \u201dEl\u00e4m\u00e4 on luatin miu\u0161ta karjalaisen\u201d, kerto yksi klupilaini viime pakinakerralla. T\u00e4h virkkeheh vois viel\u00e4 lis\u00e4t\u00e4, jotta karjala on tarttuja tauti, kumpaista on ly\u0161ti l\u00e4sie. Mi\u00e4n joukkoh kaikin mahutah. Tule terveh klupih \u0161ieki huomena 10. \u0161ulakuuta \u00a0\u010d 16\u201317!<\/p>\n Zoom-linkki on koko kevy\u00e4n \u0161ama. Ei olle \u0161iula viel\u00e4 linkkie, ky\u0161y klupin vet\u00e4j\u00e4lt\u00e4 Olgalta: olga.karlova@uef.fi<\/p>\n 2.4.2025<\/p>\n Vienalaisen kulttuurin tiet\u00e4j\u00e4n Jussi Huovisen<\/strong> \u0161yntym\u00e4\u0161t\u00e4 t\u00e4n\u00e4pi\u00e4n\u00e4 tulou kulunuok\u0161i 101 vuotta. Tuattoh merkkip\u00e4ivy\u00e4 va\u0161\u0161en Pirjo S<\/strong>chwarz<\/strong> muisteli runuo, kumpasen hi\u00e4n kirjutti ta laulo Hietaj\u00e4rve\u0161\u0161\u00e4, kon\u0161a piettih Jussin 90-vuotisp\u00e4ivy\u00e4.<\/span><\/p>\n \u0160uuret passipot Pirjolla kallehen muisson jakamua!<\/p>\n Linkki Runo is\u00e4ll\u00e4 -tekstih<\/a>.<\/p>\n 13.3.2025<\/strong><\/p>\n Kevy\u00e4ll\u00e4 2024 pakinaklupi ker\u00e4yty nell\u00e4 kertua. Kaikista Zoom-va\u0161tauvunnoista on luajittu lyhy\u010d\u010d\u00e4iset stolakirjat. Alahana ni\u00e4t linkit jokahiseh stolakirjah erikseh. K\u00e4y lukomah, \u0161uat tiiju\u0161tua, mit\u00e4 on paistu ta ruattu.<\/p>\n Linkki en\u0161imm\u00e4sen pakinakerran stolakirjah 23.1.2024<\/a><\/p>\n Linkki toisen pakinakerran stolakirjah 5.2.2024<\/a><\/p>\n Linkki kolmannen pakinakerran stolakirjah 19.2.2024<\/a><\/p>\n Linkki nell\u00e4nen pakinakerran stolakirjah 11.3.2024<\/a><\/p>\n 10.2.2025<\/p>\n Terveh teil\u00e4! T\u00e4m\u00e4n kevy\u00e4n oloh vienankarjalaini pakinaklupi ker\u00e4ytyy Zoomissa 20.3.<\/strong>, 10.4.<\/strong> ta 8.5.<\/strong> Kaikki kolme va\u0161tauvuntua piet\u00e4h \u010d 16\u201317<\/strong>. Programma\u0161\u0161a on v\u00e4lly\u00e4 pakinua karjalak\u0161i. Zoom-linkin<\/strong> \u0161uat klupin vet\u00e4j\u00e4lt\u00e4 Olga Karlovalta (<\/strong>olga.karlova@uef.fi).<\/p>\n 16.5.2024<\/p>\n Nyt elvyty\u0161projektin blogissa on Olemma, el\u00e4mm\u00e4, pakajamma\u00a0\u2013 Kieli matkuau mi\u00e4n keralla<\/em> -taiton\u00e4yttelyn verkkoversija. Taiton\u00e4yttely esitt\u00e4y kuvallista ta \u0161anallista taituo, ta \u0161e on moni-i\u00e4nini. K\u00e4y ka\u010d\u010domah tai kuuntelomah!<\/p>\n Linkki verkkotaiton\u00e4yttelyh<\/a><\/p>\n 2.4.2024<\/p>\n T\u00e4n\u00e4pi\u00e4n\u00e4 2. \u0161ulakuuta tulou 100 vuotta vienankarjalaisen kulttuurin tiet\u00e4j\u00e4n Ju\u0161\u0161i Huovisen <\/strong>(1924\u20132017)\u00a0\u0161ynnynn\u00e4\u0161t\u00e4. \u0160en kunnivok\u0161i Vienankarjalaise\u0161\u0161a pakinaklupissa on luajittu blogin \u0161ivu, miss\u00e4 voipi lukie Ju\u0161\u0161in muissok\u0161i kirjutettuja tekstij\u00e4 karjalak\u0161i, ka\u010della kuvie ta l\u00f6yty\u00e4 linkkij\u00e4 \u0160uomen vienalaiskylist\u00e4 ta rahvaha\u0161ta kertojih videoloih, podcastiloih ta tekstil\u00f6ih.<\/p>\n Linkki Ju\u0161\u0161i Huovisen muissolla \u2013\u0161ivulla<\/a><\/p>\n 10.1.2024<\/p>\n Kirjuttan: Olga Karlova<\/p>\n Planui\u010demma Vienankarjalaisen pakinaklupin talvi-kevy\u00e4n 2024 Zoom-ker\u00e4hm\u00f6j\u00e4. P\u00e4iv\u00e4t voitais olla en\u0161imm\u00e4isaret 22.1., 5.2., 19.2.<\/strong>,11.3<\/strong> ta aika 16.40-17.40<\/strong>. Pakajamma entiseh tapah jokap\u00e4iv\u00e4ist\u00e4 tieluo, mit\u00e4 kenki meist\u00e4 el\u00e4y ta ruatau. Pi\u00e4asie on, jotta karjalak\u0161i harjautuisima pakajamah. Ta var\u0161inaisek\u0161i tiemak\u0161i vois smiettie: \u0160uomen Vienan kyl\u00e4t, rahva\u0161 ta kieli<\/em>. Voisima tuttavu\u0161tuo paremmin Rimmin, Kuivaj\u00e4rven ta Hietaj\u00e4rven kylih. Pertti Virtarannan<\/strong> Polku sammui<\/em> ta Vienan kansa muistelee<\/em> meil\u00e4 kaikilla kotiluvennak\u0161i. Tiett\u00e4v\u00e4ini muutaki vere\u0161t\u00e4 luvettavua on oloma\u0161\u0161a, pakajamma ta vajehamma tiet\u00e4misien\u00e4.\u00a0<\/p>\n Tule terveh Vienankarjalaiseh klupih ta ku\u010du tovarissuaki keralla! Zoom-linkin voit ky\u0161y\u00f6: olga.karlova@uef.fi<\/p>\n Uutta opa\u0161\u0161u\u0161materijalie \u0161ek\u00e4 taijehta vienankarjalak\u0161i<\/strong><\/p>\n Pakinaklupissa ta vienankarjalan kielikur\u0161\u0161iloilla, kumpaset piet\u00e4h P\u00e4iv\u00e4nnou\u0161u-\u0160uomen yliopisso\u0161\u0161a, on \u0161yntyn \u00e4ij\u00e4 uutta tekstie karjalak\u0161i, niih voipi tuttavu\u0161tuo alempana t\u00e4ll\u00e4 \u0161ivulla. Ti\u00e4lt\u00e4 l\u00f6yv\u00e4t niise tietuo \u0161iit\u00e4, mit\u00e4 on pakinaklupin va\u0161tauvunnoissa paistu ta smietitty. Tekstien kautti opa\u0161\u0161ut \u0161amoten karjalan kielt\u00e4.<\/p>\n Er\u00e4h\u00e4t tekstil\u00f6ist\u00e4 ollah o\u0161ana Sirpa M\u00e4nnyn<\/strong> ta Olga Karlovan <\/strong>Olemma, el\u00e4mm\u00e4, pakajamma \u2013 Kieli matkuau mi\u00e4n keralla <\/em>-n\u00e4yttelyn taijollista kokonaisutta. Taiton\u00e4yttely on ollun esill\u00e4 Kuhmo\u0161\u0161a \u0160ommelon musiikkipruasnieka\u0161\u0161a ke\u0161\u00e4ll\u00e4 2023 ta yliopisso\u0161\u0161a m\u00e4nn\u00e4 \u0161yky\u0161yn\u00e4 karjalan kielen net\u00e4lin aikana. \u0160yky\u0161yn n\u00e4yttely\u00f6 varoin pakinaklupilaiset luajittih i\u00e4nitallentehet, jokahini kirjuttaja luki oman tekstin i\u00e4neh. Taiton\u00e4yttelyh oli otettu keralla qr-koodit, kumpasien kautti n\u00e4yttelyn kost’at \u0161uatih kuulla moni-i\u00e4nist\u00e4 vienankarjalua. N\u00e4yttely\u0161t\u00e4 voipi lukie lisy\u00e4: linkki taiton\u00e4yttelyn tiijotteheh<\/a>.\u00a0\u00a0<\/p>\n Pakinaklupilaiset on oltu niise luatima\u0161\u0161a Milan perehen p\u00e4iv\u00e4<\/em> -opa\u0161\u0161u\u0161videoloita. On i\u00e4nitetty 17 dialogie, kumpasista on luajittu erilliset opa\u0161\u0161u\u0161videot. Linkki Uu\u0161i verkko-opa\u0161\u0161u\u0161materijali vienankarjalak\u0161i julkaistu -tiijotteheh<\/a>.<\/p>\n Karjalaiset \u0161anotah: Pakina pakinan jatkau. Ka pakina ka\u010do ni ruavon savotiu.<\/p>\n Lisy\u00e4 tietuo: linkki tiijotteheh.<\/a><\/p>\n Kevy\u00e4ll\u00e4 2023 vienankarjalaini pakinaklupi ker\u00e4yty nell\u00e4 kertua. Alahana voipi lukie pakinaklupin va\u0161tauvuntojen stolakirjoja, kumpasi\u0161ta \u0161uau tiiju\u0161tua, mit\u00e4 oli ruattu ta paistu Zoom-ker\u00e4hm\u00f6l\u00f6iss\u00e4:<\/p>\n Linkki starinah, kumpasen kirjuttamista pakinaklupilaiset on alotettu yhe\u0161\u0161\u00e4 kevy\u00e4ll\u00e4 2023<\/a><\/p>\n 7.6.2022<\/strong><\/p>\n Vienankarjalaini pakinaklupi on avautun pakkaiskuu\u0161\u0161a 2022 ta on o\u0161a karjalan kielen elvyty\u0161projektie, kumpaista vet\u00e4y P\u00e4iv\u00e4nnou\u0161u-\u0160uomen yliopisto. Klupi ei ole kuitenkis \u0161yntyn tyhj\u00e4n pi\u00e4ll\u00e4, \u0161en ruanta on Vienankarjalan pakina- ta lukukur\u0161\u0161in jatkuo. Pakinakur\u0161\u0161i oli pietty iellisen\u00e4 \u0161yky\u0161yn\u00e4 loittokur\u0161\u0161ina verko\u0161\u0161a, j\u00e4rje\u0161t\u00e4j\u00e4 Karjalan \u0160ivissy\u0161\u0161eura (linkki Vienankarjalan pakinakur\u0161\u0161i jatkau ruantua pakinaklupina -kirjutuk\u0161eh).<\/a> \u0160yky\u0161yn karjalan pakinat innotettih peru\u0161tamah pakinaklupie, ta elvyty\u0161projekti hyvill\u00e4 mielin otti alottehen va\u0161tah. Vienankarjalaini pakinaklupi on ker\u00e4ytyn Zoom-illanistujaisih loito\u010d\u010di, ta \u0161en vet\u00e4j\u00e4n\u00e4 on ollun projektin ruataja Olga Karlova<\/strong>.<\/p>\n Klupin ker\u00e4hm\u00f6l\u00f6iss\u00e4 kaikin on \u0161uatu hivuo omua karjalan pakinaneruo, \u0161eh\u00e4n onki \u0161e pi\u00e4tavoteh \u2013 olla yhe\u0161\u0161\u00e4 ta paissa karjalak\u0161i. On vajeheltu oman perehen kuulumisie tai paistu muailman m\u00e4ny\u00f6, on luvettu erimoista tekstie tai kirjutettu omua \u0161omua. Klupilaisien hyv\u00e4\u0161t\u00e4 taho\u0161ta on \u0161uatu hyv\u00e4\u010d\u010d\u00e4ini lipa\u0161 uutta starinua, kertomu\u0161ta, reseptie, kirjaista, vuoropakinua, runuo vienankarjalak\u0161i, kumpasie voipi lukie elvyty\u0161projektin blogissa Vienankarjalaisen pakinaklupin \u0161ivulla. Pakinaklupilaisen Sirpa M\u00e4nnyn<\/strong> piiru\u0161\u0161uk\u0161et on oltu monen tekstin kaunehuk\u0161ena, \u0161iit\u00e4 \u0161ulkkuset passipot taitoilijalla! Klupilla on \u0161amannimini julkini joukko Facebookissaki. Tulkua terveh liittym\u00e4h mi\u00e4n \u0161eprah!<\/p>\n Kevy\u00e4n aikana on pietty yksitoista yhtehist\u00e4 Zoom-va\u0161tauvuntua viijentoista o\u0161anottajan joukolla ta viel\u00e4 erikseh kak\u0161i ker\u00e4hm\u00f6ist\u00e4 pienemm\u00e4ll\u00e4 joukolla. Ne erilliset kerrat m\u00e4ntih uu\u0161ien opa\u0161\u0161u\u0161materijalien luatimise\u0161\u0161a. I\u00e4nittim\u00e4 vienankarjalak\u0161i pakinavideoloita, mit pi\u00e4\u0161\u0161\u00e4h verkkoh kaikkien k\u00e4ytt\u00f6h matkuajan ke\u0161\u00e4n j\u00e4lkeh.<\/p>\n Himottais erikseh mainita, jotta klupilaiset on oltu ylen aktiivisie \u0161ana\u0161toruavo\u0161\u0161a. Karjalan kieli el\u00e4y nyt ta t\u00e4\u0161\u0161\u00e4 meij\u00e4n kera, \u0161ent\u00e4h my\u00f6 kehit\u00e4mm\u00e4 kielt\u00e4 yhe\u0161\u0161\u00e4. Pakinaklupin \u0161ualista ollah ni eriteemaset vienankarjala-\u0161uomi-\u0161ana\u0161\u0161ot (sri\u00e4pn\u00e4\u0161ana\u0161to, \u00e4ij\u00e4p\u00e4iv\u00e4\u0161ana\u0161to, vappu\u0161ana\u0161to), kaikkih n\u00e4ih voipi tuttavu\u0161tuo elvyty\u0161projektin blogissa.<\/p>\n Palauttehet klupin ruavo\u0161ta oltih posiitiviset:<\/p>\n \u201cPakinaklupissa \u0161ain tuttavu\u0161tuo uu\u0161ih tovarissoih ta opa\u0161tuo \u00e4ij\u00e4n uutta \u0161ana\u0161tuo. Kielt\u00e4 voi opa\u0161tuo parahittuan pakajamalla ta \u0161iih mie tarvi\u010den teit\u00e4 kaikkie. \u0160uuret passipot, Olga! Ta niise ty\u00f6 muut. Hyvy\u00e4 ke\u0161y\u00e4 teil\u00e4 kaikilla!\u201d<\/p>\n \u201cMukava ta tarpehillini klupi. Ylen oli mukava ker\u00e4yty\u00f6 yhteh, ihan \u0161it\u00e4 vuotti serotua, kon\u0161a pi\u00e4\u0161emm\u00e4 pakajamah, opa\u0161tumah ta ihan muitein vain olomah yhe\u0161\u0161\u00e4. Jotta n\u00e4it\u00e4 kaikkie aseita \u0161iin\u00e4 tuli, neh\u00e4n ollah ylen t\u00e4rkiet elementit kaikki. Vuotamma jatkuo!\u201d<\/p>\n \u201cHyv\u00e4 inspiroija: \u0161ai kirjuttamah, vaikka ei tuntun, jotta asie i\u010d\u010die ko\u0161kou. Mie en nikon\u0161a viet\u00e4 y\u0161t\u00e4v\u00e4np\u00e4ivy\u00e4 tahi vappuo… Miun miele\u0161t\u00e4 on hyv\u00e4 oppie uu\u0161ie \u0161anoja ta niise ehottua i\u010deki. Kaikkie \u0161anoja ei ole Kotuksen \u0161anakirja\u0161\u0161a taikka muissa l\u00e4htehiss\u00e4. Teemoittain kovotut \u0161anat l\u00f6yt\u00e4y ta voipi kerrata i\u010de.\u201d<\/p>\n \u201cPakinaklupi oli ylen hieno kokemus. Minulle pakinaklupi oli ensikosketus karjalan kieleen. Nautin siit\u00e4, ett\u00e4 sain kuunnella sit\u00e4, sanat ta miten ne muodostuvat j\u00e4iv\u00e4t py\u00f6rim\u00e4\u00e4n pi\u00e4h\u00e4n. Pakinaa riitti aiheesta kuin aiheesta, Olga on hyv\u00e4 \u010duppuohjaaja, syd\u00e4mellinen, huomioiva ta vessel\u00e4. Minulle oli t\u00e4rke\u00e4\u00e4 n\u00e4hd\u00e4 ta tutustuo muihin, toivottavasti voimma joskus tavata el\u00e4v\u00e4n\u00e4. Olin eilen tapahtumassa, jossa ty\u00f6nneltih uutta opassusvideomateriaalia karjalan kielen elvytt\u00e4miseen. Tosi hienoja videoita, l\u00f6ytyy t\u00e4\u00e4lt\u00e4:\u00a0linkki Karjalan kieli el\u00e4y -video\u0161arjan videoloih<\/a> .\u201d<\/p>\n \u201cPakinaklupi on t\u00e4rkie meil\u00e4 kaikilla. Mie arvo\u0161\u0161an karjalan kielen opa\u0161tajien ta kehitt\u00e4jien ruatuo ylen \u00e4ij\u00e4n. Zoomi toi meit\u00e4 \u010duppuh. Kielen ta opa\u0161\u0161uk\u0161en \u0161uavutettavu\u0161 on t\u00e4rkie elvytyk\u0161en t\u00e4hen. Pakinaklupissa mie tykk\u00e4sin, kon\u0161a mie n\u00e4vin ta tuttavu\u0161\u0161uin Karjala\u0161\u0161a el\u00e4jih vienalaisih. Mie en ole k\u00e4ynyn nikon\u0161a Karjala\u0161\u0161a. Miun pit\u00e4y opa\u0161tuo lisy\u00e4 vienankarjalua. T\u00e4mm\u00f6sie klupija ta kurssiloita tarvitah! Passipo teil\u00e4 kaikilla ta hyvy\u00e4 kesy\u00e4!\u201d<\/p>\n \u201cMie tykky\u00e4n pakinaklupista. Miu\u0161ta pakinaklupi on ylen hyv\u00e4 opa\u0161\u0161u\u0161muoto kielie varoin. Kon\u0161a my\u00f6 puajimma, my\u00f6 niise opimma. Olgalla \u0161uuret passipot. Hi\u00e4n on ylen hyv\u00e4 opa\u0161taja, luatiu mukavie harjotuk\u0161ie ta ruatau arvoka\u0161ta ty\u00f6t\u00e4 vienankarjalan puole\u0161ta. Mie er\u00e4h\u00e4n\u00e4 p\u00e4iv\u00e4n\u00e4 tuumai\u010din, jotta mou\u0161ot vanhemmilla lap\u0161illa ta nuorilla (kouluik\u00e4sill\u00e4) vois j\u00e4rje\u0161ty\u00e4 t\u00e4mm\u00f6ni pakinaklupi tahi kerho \u2013 mik\u00e4 lien\u00f6y nimelt\u00e4h \u2013 hy\u00f6 voitais istuo koissa tietokonehen ie\u0161\u0161\u00e4 ta kuunnella starinua, ka\u010d\u010duo kuvie ta videoita, opa\u0161tuo ta lukie \u0161anoja, tekstie tni. opa\u0161\u0161uk\u0161e\u0161\u0161a olis \u0161elkie j\u00e4rje\u0161\u0161y\u0161. Hy\u00f6 voitais \u0161amalla n\u00e4h\u00e4 toisie lapsie muista kylist\u00e4 ta kaupunkiloista… Smietin vain \u2013 t\u00e4rkie olis \u0161uaha lap\u0161ie keralla.\u201d<\/p>\n \u201cPassipo Olga ta P\u00e4iv\u00e4nnou\u0161u-\u0160uomen yliopisto, jotta olemma \u0161uanun paissa yhe\u0161\u0161\u00e4 vienankarjalua. Omassa pi\u00e4\u0161\u0161\u00e4 voipi inehmini lau\u0161ehie luatie, vain viel\u00e4 parempi on pi\u00e4\u0161ty\u00e4 \u0161anat \u0161uu\u0161ta ulo\u0161 ta antua muijen korvilla kuulla. Ta niise i\u010den kuulla, kun toiset paissah. \u0160iin\u00e4 my\u00f6 tuttavu\u0161\u0161umma, opimma ta rohkenemma pakajamah.\u00a0 \u0160anojen e\u010d\u010do on i vessely\u00e4. Moni \u0161uomelaini \u0161anaki voipi \u0161uaha alun. Ka\u010d\u010dokkua \u0161anakirjasta, mit\u00e4 tarkottau \u0161ana tulkki (linkki tulkki-\u0161anah, Karjalan kielen verkkosanakirja)<\/a> vienak\u0161i.\u00a0 ”Tulkitsenko” vi\u00e4rin? U\u0161on, jotta pakajamalla \u0161uomen ta vienan \u0161anat l\u00f6yvet\u00e4h oikiet paikat. A hil’l’akkaiseh vienankarjalaini pakajamini\u00a0 tulou tavak\u0161i. T\u00e4m\u00e4 pakinaklupi on miula ollun net\u00e4lin lakka! T\u00e4t\u00e4 mie tahon lisy\u00e4! Miun oma vienankarjalaini tunto i ka\u0161vau ta lujittuu. Passipo kaikilla klupin tovarissoilla. Hyvy\u00e4 ke\u0161y\u00e4!\u201d<\/p>\n Mualau\u0161: Sirpa M\u00e4nty<\/p>\n Kak\u0161i jou\u010denta. Kak\u0161i y\u0161t\u00e4vy\u00e4.<\/p><\/div>\n 29.4.2022<\/strong><\/p>\n T\u00e4ll\u00e4 net\u00e4lill\u00e4 pakinaklupissa on paistu Vapun pruasniekkua, mitein \u0161it\u00e4 piet\u00e4h nykyj\u00e4h \u0160uome\u0161\u0161a. Ka\u010d\u010delima Vappuh liittyjy\u00e4 \u0161anua, jotta kuin t\u00e4t\u00e4 kevy\u00e4n juhlua vois kuvata karjalan kielell\u00e4.<\/p>\n Ven\u00e4j\u00e4n Karjala\u0161\u0161a Vappuo ku\u010dutah ni nimil\u00f6ill\u00e4: Pervomai<\/em> ta Pervomaija<\/em>. N\u00e4m\u00e4 tullah ven\u00e4j\u00e4n kiele\u0161t\u00e4 ta \u0161uomelaisen korvih voijah kuulo\u0161tua v\u00e4himytt\u00e4h outoloilta. T\u00e4m\u00e4 \u0161eikka \u0161ai aikah kirjutuk\u0161en.\u00a0 Linkki: Olgan \u010duppuni, 29.4.2022, Pervomai, Maija vain Vappu?<\/a><\/p>\n Meij\u00e4n klupilaini Sirpa M\u00e4nty on piiru\u0161tan kuvan ta \u0161it\u00e4 ka\u010d\u010duos’s’a on \u0161yntyn eriluatuista tekstie: kertomu\u0161ta, runuo, vuoropakinua.<\/p>\n Mukavie lukukotvasie teil\u00e4!<\/p>\n Pirjo-Liisa Kotiranta<\/strong><\/p>\n Pikku Maikin Pervomaija<\/p>\n Maikki pikun pikkaraini Pervomaijua viett\u00e4y,<\/p>\n knippu ilmapalloja mou\u0161ot taivahalla heitt\u00e4y!<\/p>\n Kun ei t\u00e4yvy pallon voima,<\/p>\n v\u00e4kk\u00e4r\u00e4 on apu oiva!<\/p>\n Kohta nou\u0161ou Maikin mieli!<\/p>\n Mihi k\u00e4ypi miun tieni?<\/p>\n \u0160it\u00e4 ei nikenk\u00e4n\u2019 tiij\u00e4!<\/p>\n Annan mie vain tuulen viij\u00e4!<\/p>\n Maikki pikun pikkaraini Pervomaijua viett\u00e4y!<\/p>\n Helvi, Hanna, Aila-Liisa <\/strong>ta Mari <\/strong><\/p>\n Maija, muamo ta tuatto m\u00e4nn\u00e4h torilla vappukulkovehta ka\u010d\u010domah. Maija tahtou i\u010dell\u00e4h kaunehen ilmapallon ta vessel\u00e4n v\u00e4kk\u00e4r\u00e4n.<\/p>\n Maija<\/strong>: Muamo ta tuatto, miula himottais \u0161uaha tuommoni ilmapallo ta v\u00e4kk\u00e4r\u00e4. O\u0161takkua miula \u0161emmoset.<\/p>\n Muamo<\/strong>: Emm\u00e4 my\u00f6 o\u0161\u0161a. Meil\u00e4 ei ole tenkua. My\u00f6 o\u0161\u0161amma keitinp\u00e4pit ta vappuvua\u0161\u0161ua.<\/p>\n Tuatto<\/strong>: Pit\u00e4yh\u00e4n tytt\u00e4rell\u00e4 ainohuolla vappupallo ta v\u00e4kk\u00e4r\u00e4 olla. My\u00f6 o\u0161\u0161amma.<\/p>\n Kauppie<\/strong>\u0161<\/strong>: T\u00e4\u0161\u0161\u00e4h\u00e4n ollah hyv\u00e4\u010d\u010d\u00e4iset potarkat. Hyvy\u00e4 Pervomaijua!<\/p>\n Maija, muamo ta tuatto<\/strong>: Hyvy\u00e4 Vappuo!<\/p>\n Pirjo Schwarz<\/strong><\/p>\n Vappu<\/p>\n Pikku pikkaraini Pirkko,<\/p>\n \u0161ei\u010d\u010demen on t\u00e4ytt\u00e4n va\u0161ta,<\/p>\n \u0161yky\u0161yk\u0161i kouluh pi\u00e4\u0161\u00f6y.<\/p>\n Hery\u00e4y kevy\u00e4n juhlap\u00e4iv\u00e4h,<\/p>\n Vapun viettoh p\u00e4iv\u00e4 ku\u010d\u010duu.<\/p>\n Unihiekat \u0161ilmist\u00e4h hi\u00e4n hierou.<\/p>\n N\u00e4kisink\u00f6 pienen linnun,<\/p>\n kuulisinko kiurun kielen?<\/p>\n Pilkottaisko minih p\u00e4lvi,<\/p>\n pak\u0161un talven lumen alta?<\/p>\n Kantau kiirehe\u0161ti muamo,<\/p>\n pruasniekkavuattiet uuvvet,<\/p>\n kaunehen ke\u0161\u00e4hiset \u0161ovat h\u00e4ll\u00e4.<\/p>\n \u0160uorieu ru\u0161kieh ke\u0161\u00e4mekkoh,<\/p>\n valkein kukkasin \u0161omisseltuh.<\/p>\n Jalkah \u010domat pikkukenk\u00e4t<\/p>\n n\u00e4peill\u00e4 nuorasilla laittau.<\/p>\n Muamo o\u0161tan raita\u0161ukat,<\/p>\n uuvven vihrien juhlapaijan.<\/p>\n Viel\u00e4 kak\u0161i ka\u0161\u0161alenttua<\/p>\n pieneh pi\u00e4h hi\u00e4n kampuau.<\/p>\n K\u00e4teh kolme ilmapalluo,<\/p>\n keltani, ru\u0161kie tai vihrie.<\/p>\n V\u00e4kk\u00e4r\u00e4ini toiseh k\u00e4teh,<\/p>\n vinkkah tuuleh py\u00f6rij\u00e4ini.<\/p>\n Hyv\u00e4 miun on nyt l\u00e4htie,<\/p>\n hyvie y\u0161t\u00e4vie miun e\u010d\u010die.<\/p>\n vappuvua\u0161\u0161ua maisselle\u0161\u0161a,<\/p>\n tippaleipy\u00e4 \u0161uuhu pisselle\u0161\u0161\u00e4.<\/p>\n Pirjo, Anja, Pirjo-Liisa <\/strong>ta Irma<\/strong><\/p>\n Maikki \u0161ai lahjak\u0161i kolme ilmapalluo. H\u00e4nen \u0161yv\u00e4in pakahtau ilo\u0161ta. Kohta hi\u00e4n n\u00e4k\u00f6y yhen y\u0161t\u00e4v\u00e4n ta heilahuttau py\u00f6rij\u00e4ist\u00e4. Maikki huutelou \u0161uure\u0161\u0161a riemu\u0161\u0161a: Katti, Katti, tule \u00e4kkie pihalla! L\u00e4hemm\u00e4 leikkim\u00e4h ta n\u00e4ytt\u00e4m\u00e4h py\u00f6rij\u00e4ist\u00e4.<\/p>\n Katti huutau: Pie naruloista kiini, jotta pallot ei l\u00e4hett\u00e4is karkuh. A voi voi! Mi lien\u00f6y on tullun. Keltasen pallon vihurini vei ilmah. Katti ruttoseh juoksi pihalla, ka pallo jo on korkiella.<\/p>\n Tyt\u00f6t ka\u010dotah, kuin keltani pallo lent\u00e4y loitommak\u0161i ta loitommak\u0161i. \u0160iit\u00e4 pallo muuttuu pienek\u0161i t\u00e4pl\u00e4k\u0161i ta kohta i kokonah katou.<\/p>\n Maikki i \u0161anou: Keltani pallo nyt onnakko on jo nuapurikyl\u00e4\u0161\u0161\u00e4. Kyl\u00e4n lap\u0161et naverno \u0161uatih \u0161en kiini ta jo leikit\u00e4h \u0161en kera. \u0160iit\u00e4h\u00e4n tuli vappupotarkka heil\u00e4. Hy\u00f6 ollah nyt varma\u0161ti ruati \u0161ill\u00e4.<\/p>\n Katti tu\u0161\u0161iutu: \u0161e pallo oli niin kaunis. Mint\u00e4h tuuli \u0161en vei\u2026 Maikki i va\u0161tuau: El\u00e4 \u0161e pere\u0161ivai\u010de. Hyv\u00e4, jotta \u0161e lenti pois. Meil\u00e4 nyt on kak\u0161i palluo: yksi miula ta toini \u0161iula. L\u00e4kk\u00e4 py\u00f6rij\u00e4ist\u00e4 py\u00f6ritt\u00e4m\u00e4h. Onko \u0161iulaki \u0161emmoista? Katti ilose\u0161ti va\u0161tuau: Onhan miula! Vuota t\u00e4\u0161\u0161\u00e4 ta pie nyt naruloista kunnolla kiini. Mie ruttoseh juok\u0161en kotih ta otan oman py\u00f6rij\u00e4isen. Katti ter\u00e4v\u00e4h k\u00e4vi py\u00f6rij\u00e4isen ta tyt\u00f6t vessel\u00e4\u0161ti l\u00e4hettih kul\u2019aimah kyly\u00e4 my\u00f6ten.<\/p>\n 12.4.2022<\/p>\n Pirjo Schwarz<\/strong> (o\u0161. Huovinen) on \u0161yntysin Hietaj\u00e4rve\u0161t\u00e4, \u0160uomen Viena\u0161ta. Hi\u00e4n el\u00e4y perehineh \u0160ak\u0161a\u0161\u0161a ta ty\u00f6nt\u00e4y \u00c4ij\u00e4np\u00e4iv\u00e4n aijan tervehyisie:<\/p>\n \u201dVirvon \u0161ilma kuin miun \u00e4mm\u00f6, Oksenie-mummo:<\/p>\n Virvon, varvon,<\/p>\n tuorehek\u0161i, tervehek\u0161i,<\/p>\n vuuvvek\u0161i vapahak\u0161i,<\/p>\n net\u00e4liksi velkape\u00e4k\u0161i,<\/p>\n \u0161iula vi\u010d\u010da, miula kakkara!<\/p>\n \u00c4mm\u00f6 tuli term\u00e4lt\u00e4 uamusella ta virpo me\u00e4t kirjavilla \u0161ulkkupaperiloilla korisselluilla pajunok\u0161illa, kumpasi\u0161\u0161a oli tup\u0161ut. My\u00f6ki \u00e4p\u00e4rehin\u00e4 koristelima pajunok\u0161ie.<\/p>\n \u00c4ij\u00e4np\u00e4iv\u00e4n uamuna aikaseh he\u00e4n niise tuli ta luki: ”Kristos voskres!” \u0160iih piti va\u0161\u0161ata jotta: ” Voissennoi voskres!” Hy\u00f6 \u0161anottih voissennoi, eik\u00e4 voistennoi. My\u00f6hemp\u00e4h tuatto \u0161oitti puhelimella \u0160aksah ta mieki, kumpani vain en\u0161ik\u0161i kerkisi.<\/p>\n Meil\u00e4 ei sanottu pajunok\u0161ie ukonlampahik\u0161i. Ukonlamma\u0161 oli lintu, taivaanvuohi.<\/p>\n Rahka\u0161ankit ta krassitut \u00e4ij\u00e4np\u00e4iv\u00e4nji\u00e4li\u010d\u00e4t<\/p><\/div>\n Miula tulou jo t\u00e4n\u00e4pi\u00e4n\u00e4 \u00c4ij\u00e4np\u00e4iv\u00e4n vierahat M\u00fcnchenist\u00e4, poika perehineh. Olen sri\u00e4ppin rahkapiirakkoja ta korvapuustie. Ji\u00e4li\u010d\u010d\u00e4puu jo valmehena vuottau.<\/p>\n Ji\u00e4li\u010d\u010d\u00e4puu<\/p><\/div>\n P.S. K\u00e4ytin \u0161anoja \u0161iin\u00e4 muovo\u0161\u0161a kuin Hietarvie\u0161\u0161\u00e4. My\u00f6hemp\u00e4h kun \u0161aima kaupa\u0161ta valmehie h\u00f6yhenill\u00e4 korisseltuja virpovi\u010d\u010doja, o\u0161tima niit\u00e4. Ok\u0161a pantih ikonin eteh.<\/p>\n Tervehyisin, Pirjo\u201d.<\/p>\n 11.4.2022<\/p>\n Helvi Alaviitala<\/strong><\/p>\n \u0160iivatat<\/p>\n Meij\u00e4n tuatolla oli heponi nimelt\u00e4h Laukki, \u0161ent\u00e4h kun \u0161en pi\u00e4\u0161\u0161\u00e4 oli levie valkie laukki, juoni, o\u010da\u0161ta turpah \u0161uaten. Oli pyh\u00e4p\u00e4iv\u00e4 ta \u0161eukku tuli ativoih polkupy\u00f6r\u00e4ll\u00e4 nuapurikyl\u00e4\u0161t\u00e4.<\/p>\n Hi\u00e4n tykk\u00e4i heposie. My\u00f6 m\u00e4nim\u00e4 tallih ta toima Laukin ulo\u0161. \u0160e pakoh turnu\u0161peltoh, hirnu ta piehtaroi\u010d\u010di \u0161iel\u00e4. Multa ta turnuk\u0161et lenneltih ilmah.<\/p>\n My\u00f6 juoksima \u0161anomah kip\u0161ahu\u0161ta tuatolla. Hi\u00e4n ku\u010d\u010du hevoista ta vei \u0161en aituuk\u0161eh.<\/p>\n Mie n\u00e4vin, jotta tuatto muhahteli.<\/p>\n Koissa miun nimikk\u00f6lehm\u00e4 oli Terhikki. \u0160e oli \u0161uurikokoni lehm\u00e4, vain ei \u0161e antan maituo \u0161amua mi\u00e4ry\u00e4 kuin em\u00e4h. Mie vein \u0161ill\u00e4 heinie ta \u0161ienie \u0161yky\u0161yke\u0161\u00e4ll\u00e4, kon\u0161a \u0161e poiki. Toinah mie olin l\u00e4\u0161\u0161\u00e4 poijinnassa. Mie maltoin lyp\u0161y\u00e4 \u0161it\u00e4. Uuvve\u0161ta maijo\u0161ta mie \u0161uatoin paistua juu\u0161tuo l\u00e4mpiej\u00e4n, palavan kiukuan ie\u0161\u0161\u00e4 juu\u0161tolauvalla.<\/p>\n Pihan ke\u0161ell\u00e4 li\u00e4v\u00e4 ta aituu\u0161<\/p><\/div>\n Kuva: Sirpa M\u00e4nty \/ Alkutevok\u0161e\u0161ta: Matti Morottaja; Oahpa s\u00e1niid \u2013 Oop\u00e2 saanijd \u2013 Mattu saa\u02b9nid<\/p>\n 8.4.2022<\/strong><\/p>\n Pirjo-Liisa Kotiranta<\/strong><\/p>\n Meij\u00e4n pruuni heponi Virkku, meij\u00e4n ru\u0161kiepilkkani lehm\u00e4 Pi\u00e4kk\u00f6 kylekk\u00e4h nurmella \u0161eisotah. Hy\u00f6 yli\u010d\u010di kummun ka\u010dotah, yhe\u0161\u0161\u00e4 muhitah: ”Meij\u00e4n lehm\u00e4t, meij\u00e4n lampahat!\u00a0 Meij\u00e4n pellot heit\u00e4 hyv\u00e4\u010d\u010d\u00e4ise\u0161ti ruokitah!”. Jaloissah ru\u0161kiekarvani Ki\u0161\u0161a Kasilaini makuau, raukiena lepy\u00e4y. U\u0161ie hiiri va\u010dan t\u00e4ytt\u00e4y, kuor\u0161ata jo kasi \u0161uorieu. Niink\u00f6 meij\u00e4n karjua vartei\u010d\u010dou?<\/p>\n Kotielukat tahi \u0161iivatat<\/p><\/div>\n Kontie kuu\u0161ikon komissu\u0161, karva kiilt\u00e4y, k\u00e4p\u00e4l\u00e4t kovat, kynnet kaklavat, kinttuloillah kallisteliutuu, kykry\u0161\u0161\u00e4 kauvo\u0161 ka\u010d\u010dou, korvat kuulo\u0161\u0161a, kir\u0161ua kut\u2019kuttau. Kulkenouko ken kontien kojin kyli\u010d\u010di?<\/p>\n Kontie<\/p><\/div>\n Kuvat: Sirpa M\u00e4nty. Alkutevok\u0161e\u0161ta: Matti Morottaja; Oahpa s\u00e1niid \u2013 Oop\u00e2 saanijd \u2013 Mattu saa\u02b9nid<\/p>\n 31.03.2022<\/strong><\/p>\n Eklein pakinaklupilaiset k\u00e4ytih \u0161ana\u0161uarella. \u0160ananeruo on hivottu ta t\u00e4mm\u00f6ist\u00e4 uarrehta yhtehise\u0161\u0161\u00e4 ruavo\u0161\u0161a on rotiutun:<\/p>\n Kai Peksujeff <\/strong>ta Mari Rajamaa<\/strong><\/p>\n Runo net\u00e4linp\u00e4ivist\u00e4<\/p>\n En\u0161iarkena elukkoja e\u010dittih.<\/p>\n Toisarkena toi\u010d\u010di kotih tuotih.<\/p>\n Serotana \u0161ev\u00e4ttih.<\/p>\n Nell\u00e4nten\u00e4pi\u00e4n\u00e4 neruo nieklottih.<\/p>\n Pi\u00e4tin\u010d\u010d\u00e4n\u00e4 pello\u0161ta pi\u00e4li\u010d\u010di m\u00e4ntih.<\/p>\n \u0160uovattana \u0161uut makiek\u0161i \u0161uatih.<\/p>\n Pyh\u00e4n\u00e4pi\u00e4n\u00e4 pyry pi\u00e4ll\u00e4 pyll\u00e4hti.<\/p>\n Helvi Alaviitala, Pirjo-Liisa Kotiranta, Kerttu Nurmela<\/strong> ta Anja Suvanto<\/strong><\/p>\n Runo net\u00e4linp\u00e4ivist\u00e4<\/p>\n En\u0161iarkena ev\u00e4\u0161t\u00e4 e\u010dit\u00e4h,<\/p>\n toisarkena tortut taritah,<\/p>\n serotana sakuskat sri\u00e4pit\u00e4h,<\/p>\n nell\u00e4n\u00e4pi\u00e4n\u00e4 nakrista niell\u00e4h,<\/p>\n pi\u00e4tin\u010d\u010d\u00e4n\u00e4 pullat paissetah,<\/p>\n \u0161uovattana \u0161okolatit \u0161yyvv\u00e4h,<\/p>\n pyh\u00e4n\u00e4pi\u00e4n\u00e4 pruasniekka piet\u00e4h.<\/p>\n \u0160uarukkaini<\/p><\/div>\n Kuva: Sirpa M\u00e4nty. Alkutevok\u0161e\u0161ta: Matti Morottaja; Oahpa s\u00e1niid \u2013 Oop\u00e2 saanijd \u2013 Mattu saa\u02b9nid<\/p>\n Neroniemeh neruo nieklomah!<\/em><\/p>\n Rahvahan viisahutta Karjalan kielen verkko\u0161anakirjan mukah:<\/p>\n neroniemi-sanasuari<\/a><\/p>\n 29.03.2022<\/strong><\/p>\n Klupissa on tahottu paissa elukoista ta lintuloista. \u0160en j\u00e4lkie on \u0161yntyn ni runoista. Olkua hyv\u00e4t!<\/p>\n Helvi Alaviitala<\/strong><\/p>\n Tetriparvi<\/p>\n Iltah\u00e4m\u00e4r\u00e4, hiiht\u00e4j\u00e4 hiihtosel\u2019l\u2019alla.<\/p>\n Tetriparvi kuvut t\u00e4yvet urpoja<\/p>\n vuotetah y\u00f6t\u00e4 kieppil\u00f6iss\u00e4h.<\/p>\n Kuultih outo \u0161uihkeh ta \u0161uhina.<\/p>\n Juohattaja tetri rynt\u00e4i lentoh, parvi nousi \u0161iipil\u00f6ill\u00e4h.<\/p>\n Yksi nuori tetri ei.<\/p>\n Kieppi oli l\u00e4mmin ta pehmie,<\/p>\n kupu oli t\u00e4y\u0161i urpoja<\/p>\n I\u00e4net loitottih, oli hil\u2019l\u2019ani.<\/p>\n Nuori tetri oli unika\u0161.<\/p>\n Huomenek\u0161ella \u0161e lenteli ka\u010d\u010delomah,<\/p>\n miss\u00e4 parvi \u0161y\u00f6pi urpoja.<\/p>\n \u201dEr\u00e4hy\u00e4n\u00e4 p\u00e4iv\u00e4n\u00e4 olen preda\u201d, pi\u00e4tti nuori tetri.<\/p>\n Koppala ta me\u010d\u010do<\/p><\/div>\n Kuva: Sirpa M\u00e4nty. Alkutevo\u0161: Matti Morottaja; Oahpa s\u00e1niid \u2013 Oop\u00e2 saanijd \u2013 Mattu saa\u02b9nid<\/p>\n Opa\u0161\u0161u\u0161materijalie lintuloista ta elukoista:<\/p>\nKarjalaini loittopakinapirtti: t\u00e4ytt\u00e4 vauhtie kev\u00e4tt\u00e4y, ka karjalan pakinoilla ho\u0161 kuin pi\u00e4\u0161\u0161\u00e4 himottau<\/h2>\n
Karjalaini loittopakinapirtti: kielileiri \u0160uomen Viena\u0161\u0161a ta pakinua tikutuk\u0161ista<\/h2>\n
![\"\"](\"https:\/\/blogs.uef.fi\/karjalanelvytys\/wp-content\/uploads\/sites\/155\/2026\/02\/kielileiri_Ella-Karttimo.-jpg-1024x542.jpg\")
![\"\"](\"https:\/\/blogs.uef.fi\/karjalanelvytys\/wp-content\/uploads\/sites\/155\/2026\/02\/mary-olki_kirjokintaista-kauneimmat.jpg\")
Karjalaini loittopakinapirtti, en\u0161imm\u00e4ini va\u0161tauvunta 2026<\/h2>\n
Vienankarjalaini pakinaklupi pit\u00e4y karjalaista loittopakinapirttie kevy\u00e4ll\u00e4 2026<\/h2>\n
![\"Kutsu](\"https:\/\/blogs.uef.fi\/karjalanelvytys\/wp-content\/uploads\/sites\/155\/2026\/01\/loittopakinapirtti2026-819x1024.png\")
Vienankarjalaini pakinaklupi 26.11.: karjalan kielen net\u00e4lin pruasnuintua<\/h2>\n
\n
![\"Karjalankielisi\u00e4](\"https:\/\/blogs.uef.fi\/karjalanelvytys\/wp-content\/uploads\/sites\/155\/2025\/11\/sanakisa_karjalan-kielen-netali-1024x461.png\")
Vienankarjalaini pakinaklupi ker\u00e4ytyy karjalan kielen net\u00e4lill\u00e4<\/h2>\n
![\"Kutsu](\"https:\/\/blogs.uef.fi\/karjalanelvytys\/wp-content\/uploads\/sites\/155\/2025\/11\/20251110_152810-1024x768.jpg\")
<\/p>\n![\"Kutsu](\"https:\/\/blogs.uef.fi\/karjalanelvytys\/wp-content\/uploads\/sites\/155\/2025\/03\/Vienankarjalaisen-pakinaklupi-kevyalla-2025-1-300x200.png\")
<\/p>\nVienankarjalaini pakinaklupi, 8.5.2025<\/h2>\n
![\"Matkalaukku.](\"https:\/\/blogs.uef.fi\/karjalanelvytys\/wp-content\/uploads\/sites\/155\/2025\/05\/20250412_122645-768x1024.jpg\")
Vienankarjalaini pakinaklupi, 10.4.2025<\/h2>\n
Vienankarjalaini pakinaklupi, 20.3.2025<\/h2>\n
Runo tuatolla<\/h2>\n
Pakinaklupin Zoom-va\u0161tauvuntojen stolakirjat vuuvvelta 2024<\/strong><\/h2>\n
Vienankarjalaini pakinaklupi kevy\u00e4ll\u00e4 2025<\/strong><\/h2>\n
Ju\u0161\u0161i Huovisen muissok\u0161i<\/strong><\/h2>\n
Pluanit kevy\u00e4k\u0161i 2024<\/strong><\/h2>\n
Pakina ruavon savotiu<\/strong><\/h2>\n
Lyhy\u010d\u010d\u00e4ini yhtehveto Vienankarjalaisen pakinaklupin vuosien 2022 ta 2023 ruannan \u0161ualehista<\/strong><\/h3>\n
Pakinaklupin Zoom-ker\u00e4hm\u00f6t kevy\u00e4ll\u00e4 2023<\/strong><\/h2>\n
\n
\u00a0\u201dHyvy\u00e4 ke\u0161y\u00e4 ta vuotamma jatkuo!\u201d<\/strong><\/h3>\n
Vienankarjalaini pakinaklupi toivottau kaikilla hyvy\u00e4 ke\u0161\u00e4lomua<\/strong><\/h4>\n
![\"Joutsenet.](\"https:\/\/blogs.uef.fi\/karjalanelvytys\/wp-content\/uploads\/sites\/155\/2022\/06\/ystavyys_sirpa-manty-300x209.jpg\")
![\"Vappu\"](\"https:\/\/blogs.uef.fi\/karjalanelvytys\/wp-content\/uploads\/sites\/155\/2022\/04\/ilmapallot_tytto_SManty-216x300.jpg\")
<\/p>\n![\"Rahkapiirakat\"](\"https:\/\/blogs.uef.fi\/karjalanelvytys\/wp-content\/uploads\/sites\/155\/2022\/04\/rahkapiirakat_pirjo-300x169.jpg\")
![\"P\u00e4\u00e4si\u00e4ispuu\"](\"https:\/\/blogs.uef.fi\/karjalanelvytys\/wp-content\/uploads\/sites\/155\/2022\/04\/virpovitsat_pirjo-225x300.jpg\")
![\"Pihapiiri.](\"https:\/\/blogs.uef.fi\/karjalanelvytys\/wp-content\/uploads\/sites\/155\/2022\/04\/pihapiiri-ja-navetta-300x154.jpg\")
![\"Kotiel\u00e4imet\"](\"https:\/\/blogs.uef.fi\/karjalanelvytys\/wp-content\/uploads\/sites\/155\/2022\/04\/kotielukat_sirpa-300x212.jpg\")
![\"Karhu\"](\"https:\/\/blogs.uef.fi\/karjalanelvytys\/wp-content\/uploads\/sites\/155\/2022\/04\/kontie_sirpa-279x300.jpg\")
![\"Saari.](\"https:\/\/blogs.uef.fi\/karjalanelvytys\/wp-content\/uploads\/sites\/155\/2022\/03\/suari_sirpa-300x164.jpg\")
![\"Koppala](\"https:\/\/blogs.uef.fi\/karjalanelvytys\/wp-content\/uploads\/sites\/155\/2022\/03\/koppelo-ja-metso-300x172.jpg\")
![\"Koirien](\"https:\/\/blogs.uef.fi\/karjalanelvytys\/wp-content\/uploads\/sites\/155\/2022\/03\/Koirien-kalevala-vienankarjalaksi-220x300.jpg\")
<\/p>\n