{"id":3002,"date":"2021-12-07T14:55:29","date_gmt":"2021-12-07T12:55:29","guid":{"rendered":"https:\/\/blogs.uef.fi\/karjalanelvytys\/?page_id=3002"},"modified":"2021-12-08T10:34:38","modified_gmt":"2021-12-08T08:34:38","slug":"luukku-8","status":"publish","type":"page","link":"https:\/\/blogs.uef.fi\/karjalanelvytys\/luukku-8\/","title":{"rendered":"Luukku 8"},"content":{"rendered":"

Karjalaini ro\u0161tuonkalenteri ~ Karjalane ra\u0161tavankalendari ~ Karjalaine rastavankalenduaru<\/h1>\n

8. talvikuuta ~ 8. ra\u0161tavankuuda ~ 8. talvikuudu<\/h2>\n

Kirjuttan Olga Karlova<\/p>\n

\"rostuonkuusi\"<\/p>\n

Jean Sibeliuksen p\u00e4iv\u00e4n\u00e4 tari\u010demma En etsi valtaa loistoa<\/em> -laulun vienankarjalak\u0161i ki\u00e4nnettyn\u00e4 tai laulettuna. T\u00e4m\u00e4n ro\u0161tuonlaulun karjalaini versija on vain vuuvven vanha. Tahot totta\u0161 tiiju\u0161tua, kuin \u0161e on rotiutun?<\/p>\n

\u0160uomelaisen musiikin p\u00e4iv\u00e4n\u00e4 himotti \u0161uaha kahallah ro\u0161tuonkalenterin ikkunaista, miss\u00e4 olis mit\u00e4nih musiikkih liittyjy\u00e4 ta karjalan kielell\u00e4. Ro\u0161tuonlaululoista karjalak\u0161i on \u0161uuri tarveh. Ka\u010d\u010delin ki\u00e4nnett\u00e4v\u00e4k\u0161i erimoista ro\u0161tuonlaulun tekstie, kuni ei tullun va\u0161tah kaunis kaikilla \u0161uomelaisilla tuttava En etsi valtaa loistoa<\/em>. Ki\u00e4nty\u00e4ss\u00e4 kuuntelin \u0161it\u00e4 moneh kertah laulettuna ta hivoin ki\u00e4nnett\u00e4v\u00e4n\u00e4 olijua tekstie melodijan mukah. Ky\u0161yin mie\u0161t\u00e4ni laulamah loppuversijua ta kohentima tekstie viel\u00e4i ni yhtehisruavo\u0161\u0161a h\u00e4nen kera.<\/p>\n

8.12.2020 oli julkaistu En e\u010di valtua, kiiltuo<\/em> karjalak\u0161i. Kahen p\u00e4iv\u00e4n pi\u00e4\u0161t\u00e4 \u0161ain Facebookissa viessin, miss\u00e4 kiitettih ki\u00e4nn\u00f6k\u0161e\u0161t\u00e4 ta ky\u0161yttih luatimah i\u00e4niteht\u00e4, lukomah tekstie i\u00e4neh, kun \u201csuhu\u00e4ss\u00e4t\u201d oltih va\u0161\u0161uk\u0161ena. \u0160uome\u0161\u0161a el\u00e4j\u00e4 vienalaispakolaisen j\u00e4lkil\u00e4ini, kumpasen muamon tuatto oli Jyvy\u00e4lahe\u0161ta, tahto laulua t\u00e4t\u00e4 ro\u0161tuonlauluo karjalak\u0161i omilla \u0161ukulaisillah. Oli my\u00f6h\u00e4ni ilta ta kotiv\u00e4ki oli jo makuama\u0161\u0161a. Mie issuin keittij\u00f6n stola\u0161\u0161a ta hil\u2019l\u2019asella i\u00e4nell\u00e4 luvin laulun tekstie telefonissa olijah i\u00e4nitallettimeh. Ta smietin, jotta ty\u00f6t\u00e4 ruatajalla piisuau.<\/p>\n

Ei m\u00e4nnyn monta p\u00e4ivy\u00e4, kun tulla plinkahutti viesti YouTube-linkkineh videoh, miss\u00e4 En e\u010di valtua, kiiltuo -ro\u0161tuonlauluo laulettih karjalak\u0161i. Tuli ki\u00e4nt\u00e4j\u00e4n vuoro kiitty\u00e4 laulajua ta videon luatijie: Para\u0161 ro\u0161tuonlahla kaikkie karjalankielisie varoin! Ro\u0161tuo tulou joka taloh!<\/p>\n

En e\u010di valtua, kiiltuo<\/h3>\n

 <\/p>\n

En e\u010di valtua, kiiltuo<\/p>\n

Ei himota kultua<\/p>\n

mie tahon taivahan valuo<\/p>\n

ta rauhua pi\u00e4ll\u00e4 muan.<\/p>\n

Nyt Ro\u0161tuo, o\u0161an \u0161uuren tuou<\/p>\n

ta mielet no\u0161tau Spuassun luo.<\/p>\n

Ei valtua, ei ni kultua,<\/p>\n

vain rauhua pi\u00e4ll\u00e4 muan.<\/p>\n

 <\/p>\n

Kun koissa ollou \u0161opuo<\/p>\n

ta lap\u0161illa kuu\u0161ihut,<\/p>\n

Jumalan \u0161anan valuo,<\/p>\n

mis\u2019 \u0161i\u00e4mi kajo\u0161tuu.<\/p>\n

Tuo kotihi, hot pienehki,<\/p>\n

nyt ro\u0161tuonjuhla hyv\u00e4ni,<\/p>\n

Jumalan \u0161anan valuo<\/p>\n

ta mieleh iluo.<\/p>\n

 <\/p>\n

Luo k\u00f6yh\u00e4n ta i pohatan<\/p>\n

tuloupi Ro\u0161tuo.<\/p>\n

Pimevytehe muailman<\/p>\n

tuou taivahan valuo.<\/p>\n

\u0160iut\u2019 haluon, \u0161ilma vuotan,<\/p>\n

\u0161ie Hospoti muan ta taivahan!<\/p>\n

Nyt k\u00f6yh\u00e4n ta pohatan luo<\/p>\n

ihala Ro\u0161tuo\u0161 tuo!<\/p>\n

 <\/p>\n

\u0160\u00e4v. Jean Sibelius<\/p>\n

\u0160an. Sakari Topelius<\/p>\n

\u0160uom. Tuntematoin<\/p>\n

Karj. Olga Karlova<\/p>\n

 <\/p>\n