{"id":22618,"date":"2025-10-28T13:05:19","date_gmt":"2025-10-28T11:05:19","guid":{"rendered":"https:\/\/blogs.uef.fi\/karjalanelvytys\/?page_id=22618"},"modified":"2025-10-28T13:05:20","modified_gmt":"2025-10-28T11:05:20","slug":"eras-puijol-kavyndy","status":"publish","type":"page","link":"https:\/\/blogs.uef.fi\/karjalanelvytys\/eras-puijol-kavyndy\/","title":{"rendered":"Er\u00e4s Puijol k\u00e4vyndy"},"content":{"rendered":"\n

Ki\u00e4nn\u00f6s: Marja Kopeli<\/strong>, Heli Palviainen<\/strong>, Laura Orta<\/strong> da Olli Kiikin<\/strong><\/p>\n\n\n\n

Kielentarkistus: Natalia Giloeva<\/strong><\/p>\n\n\n\n

Linku Minna Canthan kirjutettuh algutekstah Er\u00e4s Puijolla k\u00e4ynti Wikiaineisto-sivul.<\/a><\/p>\n\n\n\n

*<\/p>\n\n\n\n

Aina jo talvel sai omassah vahnembil luvan ku\u010d\u010duo Hilman gostih kez\u00e4n aijakse. H\u00e4i oli sit rajattoman hyv\u00e4s mieles, ku nyg\u00f6i hy\u00f6 oldih kogo vuvven eri\u017ee toine toizes, aiven sit algajen, konzu hy\u00f6 kevi\u00e4l loppiettih \u0161kolan. Hy\u00f6, ket muga \u00e4ij\u00e4l toine tostu suvaittih da ket pieny\u00f6s algajen oldih joga p\u00e4ivi\u00e4 yhtes.<\/p>\n\n\n\n

Hy\u00f6 toven sanuo t\u00e4l aigua ahkerah ty\u00f6ttih kirjazii toine toizele, v\u00e4himy\u00f6lleh kerran ned\u00e4lis. Olih\u00e4i segi kudamittumahgi luaduh viritt\u00e4i dielo, ga se ei yhtell\u00e4h olluh sama kui yhtesolendu, ei ni l\u00e4h\u00e4l! Send\u00e4h gu kirjazes et yhtell\u00e4h voinnuh muga tarkah kerduo kaikkie, sit oldas vai v\u00f6nytty pitk\u00e4t bumuagumi\u00e4r\u00e4t. Segi vie varaitti, a gu la po\u0161tas avattas kirjaine, libo se vois h\u00e4vit\u00e4 kogonah, libo mihtah muuh tabah puuttuo muijien ristikanzoin k\u00e4zih. Sit kai heij\u00e4n peito\u010dukset tuldas julgi! Moine ajatus ihan kauheitti Ainua!<\/p>\n\n\n\n

Hilma oli tulemas gostih kez\u00e4kuun viijendenny p\u00e4iv\u00e4nny. Aina jo iellemb\u00e4zel ned\u00e4lil kabrasti da pani kundoh omassah kammarin moizekse \u010domakse, mittumannu sid\u00e4 vie nikonzu ei ole n\u00e4hty. H\u00e4i ezimerkikse sai uvvet valgiet \u017eanavieskat ikkunah, da sit vie hyv\u00e4kse ozakse h\u00e4nen oma kellert\u00e4vy rouzu kukki ihan t\u00e4vvelleh. H\u00e4i pani sen stolale divanan edeh, gu divanal hy\u00f6 tiett\u00e4v\u00e4ine enimite istuttas.  Sit oli muga\u017eu istuo sell\u00e4l divanah nojaten, yksi yhtes pi\u00e4s, toine toizes. Hy\u00f6 voidih ka\u010d\u010duo toine tostu silmih da paista muga hil\u2019l\u2019azeh, gu ei kuulus nimid\u00e4 vieres olijah lapsien kammarih.<\/p>\n\n\n\n

Mid\u00e4h\u00e4i kaikkie Hilmal onnuako olis kerrottavua? Ainal starinua t\u00e4ydys ihan kaikekse kezi\u00e4. Hy\u00f6 toven paistas l\u00e4bi kai dielot.<\/p>\n\n\n\n

Aina moneh kerdah kerdai omas mieles kai dielot, gu nimid\u00e4gi ei vai unohtus. H\u00e4i se\u017eo oli pi\u00e4tt\u00e4nyh, mit dielot h\u00e4i sanelis ezm\u00e4zikse da mit j\u00e4tt\u00e4s my\u00f6hemb\u00e4kse. \u00c4ij\u00e4n t\u00e4l aigua tapahtuigi, gu h\u00e4i sid\u00e4 toven duumai\u010d\u010di; mid\u00e4 Hilma sanonou, konzu kuulou. H\u00e4i onnuako diivui\u010d\u010dou!<\/p>\n\n\n\n

Ah, mittuine ilo on, gu juna puhkujen tuli azemale. Hilman ilo\u017eu ilme ozuttihes ezm\u00e4zikse ikkunas da sit n\u00e4gyi jo kogo inehmine vagonan veri\u00e4l. Aina kirgai, Hilma nagroi i\u00e4neh da ihan j\u00e4rgieh hy\u00f6 p\u00f6r\u00e4htettihes toine tostu sebi\u00e4m\u00e4h. Hy\u00f6 h\u00e4tken ei maltettu paista, nagrettih vai, annettih toizien hommata \u010damodat da muut dielot kodih, da l\u00e4htiettih i\u010de kyng\u00e4kk\u00e4i astumah kohti linnua. Hy\u00f6 tovengi v\u00e4lteltih, gu niken ei li\u010d\u010davus heij\u00e4nke yhteh k\u00e4velem\u00e4h, heile himoitti olla kahteikeskei, enne kaikkie n\u00e4mm\u00e4 enzim\u00e4zet kodvazet.<\/p>\n\n\n\n

Hy\u00f6 toven oldih ylen hyv\u00e4s mieles sit, gu pi\u00e4stih nyg\u00f6i azettumah divanale rinnakkai da suadih ruveta sanelemah kaikkii dieloloi ihan allus algajen. Ainan pienet vellet kiuzattih heidy v\u00e4h\u00e4zen, availtih ustu piiluzelleh da kurkisteltih. Aina \u00e4r\u00e4htihes heile moneh kerdah da salbai uksen. Ei avvutannuh, kodvazen per\u00e4s hy\u00f6 uvvessah oldih sit. Vellil\u00f6ile oli yksisama, hos pandu oli malittuugi.  Ga sit Aina keksi yhten dielon. Konzu heile tuodih koufeidu, h\u00e4i otti tari\u010d\u010dimelp\u00e4i zuaharipalua da pri\u00e4dniekki\u00e4 da meni lapsien kammarih. H\u00e4i ozutti, mid\u00e4 h\u00e4nel oli k\u00e4is da kyzyi, maltetanneh hy\u00f6 olla hyv\u00e4zilleh, sit suadas net. Moine ehoitus j\u00e4lgim\u00e4i vaikutti. Vellet l\u00e4htiettih l\u00e4htend\u00e4lleh i\u00e4reh ukselp\u00e4i da annettih heile olla sen eht\u00e4n rauhas.<\/p>\n\n\n\n

Tulien pi\u00e4n tyt\u00f6t mendih gostih Tyyran luo, kudai se\u017eo oli heij\u00e4n endizii dovari\u0161\u0161oi da li\u017e\u00e4kse hyv\u00e4 yst\u00e4vy. Hy\u00f6 yhtell\u00e4h ei ihan hyvin luadivuttu h\u00e4nenke, gu Tyyra puaksuh heih n\u00e4hte ozuttihes ylen kunnollizekse da voi sanuo haldivoi\u010d\u010dijakse. H\u00e4i ainos sellitti, mi on p\u00e4tt\u00e4vy, mi ei ole, da h\u00e4i tiezi putilleh, mid\u00e4 ristikanzat mistah dieloh n\u00e4h sanottas. H\u00e4i pidi p\u00e4tt\u00e4vytty ylen t\u00e4rgienny merki\u010dyksen puoles da ainos pidi sid\u00e4 mi\u00e4rykepinny dieloloi arvosteltes.<\/p>\n\n\n\n

Nikudamal heis, ni Hilmal, ni Ainal, ei voinnuh olla eri mieli sih n\u00e4h. Yhtehine mieli, se oli tiett\u00e4v\u00e4ine per\u00e4vytt\u00e4m\u00e4t\u00f6i suudo, mih enne kaikkie naizil pidi v\u00e4ltt\u00e4m\u00e4tt\u00e4h alistuo.<\/p>\n\n\n\n

Ga ylen jygei se alistumine heile toi\u010di oli. Heil mollembil oli puaksuh hiilavu himo ruadamah mid\u00e4gi mostu, mis hy\u00f6 tiettih, \u0161to yhtehine mieli ei ni yhty pid\u00e4nyh sid\u00e4 hyv\u00e4ksytynny. Konzu hy\u00f6 ozituttih ruadamah mostu peito\u010di, gu niken ei tiijustannuh, vastebo se oli lumuoju! Moizet ruavot heidy parahite toine toizeh sivottih.<\/p>\n\n\n\n

\u2013 Ga mustatgo?<\/p>\n\n\n\n

\u2013 Muga, mustatgo? Juuri sid\u00e4, sid\u00e4 kerdua!<\/p>\n\n\n\n

\u2013 Smieti, gu kentah tied\u00e4s!<\/p>\n\n\n\n

Nenga hy\u00f6 jo \u0161kolas olles vihjailtih moizeh dieloh, kudamas vaiku hy\u00f6 mollembat tiettih. Dovari\u0161\u0161oi se ylen \u00e4ij\u00e4l tabavutti.<\/p>\n\n\n\n

\u2013 Nuat ollah moizet ylbiet. Tiett\u00e4v\u00e4ine heil ei ole nimid\u00e4gi, hy\u00f6 vaiku opitah suaja meidy nen\u00e4nsydij\u00f6ikse.<\/p>\n\n\n\n

\u2013 Ei pie duumaija, \u0161to my\u00f6 huolizimmo teij\u00e4n peito\u010duksis. Eh, meil i\u010delgi on kyll\u00e4l suurembua da t\u00e4rgiembi\u00e4.<\/p>\n\n\n\n

Muga hy\u00f6 tavan mugah purrettih omua vihua sanailemal, n\u2019urpistettih neni\u00e4 da buitegu ei ni oldu en\u00e4mbi\u00e4 kuundelemazilleh, hos oldihgi korvat tarkoinnu kuulemah, pal\u2019l\u2019astunnou toinah yhtell\u00e4h mid\u00e4tah.<\/p>\n\n\n\n

Dovari\u0161\u0161oi oli ylen vessel muga ni\u00e4ritti\u00e4. Ga Tyyrah n\u00e4h hy\u00f6 ruattih toizeh luaduh. Hy\u00f6 libo opittih pidi\u00e4 kogo dielon peitos, libo gu hy\u00f6 varattih, \u0161to h\u00e4i yhtell\u00e4h tiijustas mid\u00e4tah, da send\u00e4h hy\u00f6 jo edukyndeh ravieh kerrottih h\u00e4nele, \u0161tobi hy\u00f6 voidas andua dielos mahton mugah \u010domembazen kuvan.<\/p>\n\n\n\n

Hilma oli nenga yhten ned\u00e4lin olluh Kuopios, konzu hy\u00f6 Ainanke pi\u00e4tettih l\u00e4htie Puijole. Ihan kahteikeskei, gu se oli \u00e4iji\u00e4 vesselembi nenga. Hy\u00f6 ni Tyyrale ei sanottu omah duumah n\u00e4h nimid\u00e4. Peito\u010di hy\u00f6 l\u00e4htiettih koisp\u00e4i, da Aina ei kyzynyh lubua ni omal muamal. Omas mieles hy\u00f6 oldih nyg\u00f6i aiguhizet, sei\u010d\u010dietostuvuodizet. Hy\u00f6 duumaittih, \u0161to heidy piettih vie ihan liijan lapsinnu, da oli alendujua heidy kohtah ainos vai kyzy\u00f6 lubua. Mikse heidy tytt\u00f6l\u00f6i muga kovah piettih? Herman, kudamal oli igi\u00e4 vaste kaksitostu vuottu, sai jo liikkuo muga v\u00e4ll\u00e4h. H\u00e4ndy puaksuh monii \u010duassuloi ei olluh kois, da konzu muamo kyzyi: \u201ckusbo olit?\u201d h\u00e4i sai vastavuksekse vaiku lyhy\u010d\u010d\u00e4zeh: \u201colinh\u00e4i kudakusgi\u201d. Mind\u00e4h hy\u00f6 ei voidas ruadua samah tabah? Hy\u00f6, ket oldih viitty vuottu vahnembi, migu Herman, jo v\u00e4hi\u00e4 vajai t\u00e4yzi-ig\u00e4hizet. No, ei ihan, ga v\u00e4hi\u00e4 vajai, ei \u00e4iji\u00e4 vajai olluh.<\/p>\n\n\n\n

Tyt\u00f6t otettihes duumas toimeh.<\/p>\n\n\n\n

Ba\u0161n\u2019an \u010duassuloin mugah aigua oli v\u00e4h\u00e4ine kuvvettu, gu hy\u00f6 l\u00e4htiettih linnan veri\u00e4lp\u00e4i. Hy\u00f6 kerritt\u00e4s muga aijoin aijal j\u00e4rilleh enne ehti\u00e4.<\/p>\n\n\n\n

Ainal oli varavo va\u010das \u2013 h\u00e4i ni linnah vie ei k\u00e4ynnyh nikonzu ilmai lubua da nyg\u00f6i -! Nyg\u00f6i hy\u00f6 kaksi nuordu tytty\u00f6 mend\u00e4s yksin\u00e4h da oman mielen mugah Puijole suate. Ne\u010de oli ihan hirvei dielo – no moine varaittavus ihan muanitteli heidy. Rohkevuttu hy\u00f6 tarvittih, ga sid\u00e4 heil taki oli kyll\u00e4l.<\/p>\n\n\n\n

M\u00f6lli\u0161k\u00f6-Kaisa kergii omas butkasp\u00e4i ullos avuamah heile jygiedu tamo\u017en\u2019uveri\u00e4dy. H\u00e4i avai sen ihan sell\u00e4lleh da salbai sit hil\u2019l\u2019ah heij\u00e4n j\u00e4lgeh.<\/p>\n\n\n\n

Toko vai toko, hy\u00f6 nyg\u00f6i oldih linnan ulgopuolel! Joga kohtas n\u00e4gyi vaiku pelduo, niitty\u00f6 da me\u010d\u010di\u00e4.  Hurual oli pienembii m\u00e4gil\u00f6i da alandehii, ga v\u00e4h\u00e4sty loitombannu oigiel kohoi Puijon ylen suuri m\u00e4gi, kuopiolazien ylbevys.<\/p>\n\n\n\n

Sit meni kaksi dorogua, levei ajotie, kudai kerras sit aijan tagan ki\u00e4ndihes oigiele, da troppu, kudamale ki\u00e4nnyttih vaste my\u00f6hemb\u00e4h Julkulan tie\u0161uaras. Tropan hy\u00f6 tiett\u00e4v\u00e4ine vallittih.<\/p>\n\n\n\n

P\u00e4iv\u00e4ine pastoi, ilmu oli kirkas, mieli kebjei da jallat raviet. Terv\u00e4h haihtui heis j\u00e4lgim\u00e4inegi varavo, ga yhtell\u00e4h oli sid\u00e4 pikoi v\u00e4h\u00e4ine peitellyhes sie syd\u00e4men pohjal, hos hy\u00f6 ei tahtottu ne\u010did\u00e4 tunnustua. A nyg\u00f6i hy\u00f6 unohtettih Tyyrat da muamat da koit da kogo muailman. Hy\u00f6 tundiettih rynd\u00e4h\u00e4s mid\u00e4tah mostu, mid\u00e4 onnuako linnunpoigazet tundietah, konzu enzim\u00e4sty kerdua pi\u00e4st\u00e4h lendoh.<\/p>\n\n\n\n

Ei hy\u00f6 maltettu ni paista, kirrahteltihes vai viriten:<\/p>\n\n\n\n

\u2013 Eigo t\u00e4m\u00e4 ole vessel, Hilma, sano!<\/p>\n\n\n\n

\u2013 Muga, ylen vessel, rajattomasti!<\/p>\n\n\n\n

\u2013 Minul el\u00e4iss\u00e4h vie ei ole olluh nenga diivitt\u00e4v\u00e4n vessel.<\/p>\n\n\n\n

\u2013 Minul se\u017eo ei.<\/p>\n\n\n\n

\u2013 A kuule\u2013!<\/p>\n\n\n\n

Aina seizahtih, h\u00e4nelleh pi\u00e4h i\u0161ki merkilline duumu.<\/p>\n\n\n\n

\u2013 Kuule, Hilma!<\/p>\n\n\n\n

\u2013 Kuulenh\u00e4i min\u00e4.<\/p>\n\n\n\n

\u2013 Emmogo heit\u00e4 kengii da sukkii jallas i\u00e4re?<\/p>\n\n\n\n

\u2013 Ruaju \u2013 mid\u00e4bo duumai\u010det?<\/p>\n\n\n\n

\u2013 \u0160to menemm\u00f6 pal\u2019l\u2019ahin jalloin yl\u00e4h ba\u0161n\u2019ah?<\/p>\n\n\n\n

Hilma kuundeli diivuijen, ei maltanuh ihan vie ellendi\u00e4.<\/p>\n\n\n\n

\u2013 Pal\u2019l\u2019ahin jalloin yl\u00e4h ba\u0161n\u2019ah?<\/p>\n\n\n\n

\u2013 Ga juuri muga!<\/p>\n\n\n\n

\u2013 A kuibo sukat da keng\u00e4t? Kandazimmogo niil\u00f6i k\u00e4zis?<\/p>\n\n\n\n

\u2013 Emmo taki kandas. Peitt\u00e4zimm\u00f6 t\u00e4nne mihtah tuhjoh, ei niil\u00f6i sie niken ovvosta, da tulles j\u00e4rilleh,  panemmo net my\u00f6s jalgah.<\/p>\n\n\n\n

\u2013 Olish\u00e4i se mid\u00e4tah \u2013 a rohkenemmogo? A ku la pi\u00e4dyn\u00f6y ked\u00e4 rahvastu ba\u0161n\u2019as olemah?<\/p>\n\n\n\n

\u2013 Vie mid\u00e4. Eibo ti\u00e4 n\u00e4vy niked\u00e4.<\/p>\n\n\n\n

Aina jo istui kivel da oli heitt\u00e4m\u00e4s jalla\u010d\u010dii.<\/p>\n\n\n\n

\u2013 Ihango tovengi tahtozit?<\/p>\n\n\n\n

\u2013 Min\u00e4 en vaigu tahto, min\u00e4 muga ruan. \u2013 Kuibo sin\u00e4?<\/p>\n\n\n\n

\u2013 Min\u00e4 se\u017eo. Tiett\u00e4v\u00e4ine, kuibo muite.<\/p>\n\n\n\n

Ga kummua sanot\u2013! Kui se \u010duuru \u010d\u00f6kitteligi jalgoi! Oli moine kibei, ga pidi kai kirrahtellakseh silloi-toi\u010di, nagrua, da my\u00f6s kirrahtuakseh. Ga vastebo se oligi suurdu iluo! Ku oletteli muailmas mostu suuren suurdu ihalmuo!<\/p>\n\n\n\n

Hy\u00f6 mendih tropputien allus v\u00e4h\u00e4zen me\u010d\u010d\u00e4h, l\u00f6yttih sit suuren kiven da sen vieres tuhjon. Niil\u00f6in v\u00e4lih hy\u00f6 kannettih sukat da keng\u00e4t sikse aigua. Eigo niil\u00f6i sie niken voinnuh l\u00f6ydi\u00e4, osoubenno ku ei ni tied\u00e4nyh e\u010d\u010die. Varmuon t\u00e4h hy\u00f6 vie kurkisteltih kaikkih \u010durih ymb\u00e4ri heis, a ei n\u00e4hty niked\u00e4 nikus. Da nimid\u00e4 eb\u00e4ilt\u00e4vi\u00e4 ei kuulunuh. Lindu vid\u017eerdi l\u00e4h\u00e4zes puus, toine vastai v\u00e4h\u00e4sty loitombi da loitton kustah haukui koiru. Muite kai ymb\u00e4ri oli hil\u2019l\u2019u.<\/p>\n\n\n\n

Hy\u00f6 ruvettih astumah troppua my\u00f6te yl\u00e4h. Varovazeh da ilo\u017einnu burbettajen.<\/p>\n\n\n\n

\u2013 A-voi-voi Hilma kuldoi! Kibei on, kibei.<\/p>\n\n\n\n

\u2013 Minulgi se\u017eo on kibei \u00e4ij\u00e4l. Spuassu-sy\u00f6tt\u00e4i\u017eeni\u2013!<\/p>\n\n\n\n

\u2013 Mibo rodih?<\/p>\n\n\n\n

\u2013 Toinah se oli st\u2018oklupalaine?<\/p>\n\n\n\n

\u2013 Ei taki? Tulougo verdy?<\/p>\n\n\n\n

\u2013 Ei tule. \u2013 A duumai\u010de, ti\u00e4h\u00e4i on maduo.<\/p>\n\n\n\n

\u2013 Pyzyttelemm\u00f6kseh keskel troppua, sit my\u00f6 net yhtell\u00e4h n\u00e4imm\u00f6.<\/p>\n\n\n\n

\u2013 Emmo my\u00f6 varua.<\/p>\n\n\n\n

\u2013 Emmo ni vouse. Hui, hai!<\/p>\n\n\n\n

Da sen j\u00e4lles hy\u00f6 jo otettih rohkiembii askelii yl\u00e4h. Hyp\u00e4ttih kivelp\u00e4i kivele, kus niil\u00f6i vai l\u00f6ydyigi, ku \u010duuru \u010d\u00f6kitteli jallanpohjii, a kivi ozuttihes siliekse da hyv\u00e4kse.<\/p>\n\n\n\n

\u2013 A duumai\u010de, Hilma, mid\u00e4boh\u00e4i sanottas tyt\u00f6t, ku tiett\u00e4s?<\/p>\n\n\n\n

\u2013 Vikse emmo sanele nikelle?<\/p>\n\n\n\n

\u2013 Emmo sanele, emmo tiett\u00e4v\u00e4ine, hos kui tiijusteltas. Pi\u00e4t\u00e4kki\u00e4mm\u00f6, \u0161to el\u00e4iss\u00e4h emmo sanele t\u00e4s ni yhtele ainavole ristikanzale. Libo sanelizimmogo sit viizikymmenvuodehizinnu buaboloinnu?<\/p>\n\n\n\n

\u2013 Muga, sit jo voimmo sanella. Sit ei ole en\u00e4mbi\u00e4 nimittumua zobottua.<\/p>\n\n\n\n

\u2013 T\u00e4m\u00e4 tulou olemah meij\u00e4n suurin peito\u010dus elokses. Etgo usko?<\/p>\n\n\n\n

\u2013 Uskon min\u00e4. Send\u00e4h t\u00e4m\u00e4 on moine kummalline dielo, \u0161to ei voi kummallizembua roita.<\/p>\n\n\n\n

\u2013 Eigo niken tytt\u00f6l\u00f6is olis rohkennut ruadua nenga, pai\u010di meidy kahtu. Vai kuibo duumai\u010det?<\/p>\n\n\n\n

\u2013 Ei taki olis rohkennut, ei hos \u2013! Kellebo heis olis juohtunuh mieleh mid\u00e4tah nengostu?<\/p>\n\n\n\n

\u2013 Se oli minun duumu, Hilma, allus.<\/p>\n\n\n\n

\u2013 Priznai\u010demmos, priznai\u010demmos.<\/p>\n\n\n\n

\u2013 Hoi, ole vaikkani, sie ri\u010dkahtih me\u010d\u00e4s.<\/p>\n\n\n\n

\u2013 Taivas \u2013a ku la ollou sie humalniekkua? \u2013 Libo varrastajua?<\/p>\n\n\n\n

\u2013 Libo, duumai\u010de, ku kentah urualois on pi\u00e4ssyh pagoh Niuvanniemelp\u00e4i.<\/p>\n\n\n\n

\u2013 Aina, armas, my\u00f6 olemmo ozattomat.<\/p>\n\n\n\n

\u2013 Vuotas kuundelemmo!<\/p>\n\n\n\n

Hy\u00f6 paistih \u0161upettajen, tartuttih toine toizen k\u00e4zih da kobristettih. Seizottih liikkumattah da vaikkani, odvavai hengitettihgi.<\/p>\n\n\n\n

\u2013 Ga yhtell\u00e4h onnuako sie ei olluh nimid\u00e4, Aina yhtell\u00e4h \u0161upahutti.<\/p>\n\n\n\n

\u2013 Ei nimid\u00e4. My\u00f6 ihan tyhji\u00e4 p\u00f6ll\u00e4styimm\u00f6, sanoi Hilma jo kovembal i\u00e4nel.<\/p>\n\n\n\n

Da sit hy\u00f6 nagrettih omassah varavuo da l\u00e4htiettih astumah my\u00f6s rohkieh ielleh.<\/p>\n\n\n\n

Linnut vid\u017eerdettih, p\u00e4iv\u00e4ine pastoi, ilmu me\u010d\u00e4s oli puhtas da bodrendai. Kuuzet da ped\u00e4j\u00e4t ylettih taivahan korgieloinnu heis ymb\u00e4ri, hy\u00f6 oldih moizet pikkarazet, ylen-ylen pikkarazet niil\u00f6in rinnal. Tuuli humizi da heilutti ladvoi sie yl\u00e4h\u00e4n, a me\u010d\u00e4s oli ihan tyyni.<\/p>\n\n\n\n

Jyrki\u00e4 m\u00e4gie nostes heij\u00e4n hengi oli salbuamazilleh. Send\u00e4h hy\u00f6 istuttihes huogavumah lau\u010dale, kudai oli sit tien vieres.<\/p>\n\n\n\n

Da nyg\u00f6i hy\u00f6 vaste pi\u00e4stih ka\u010d\u010delemah da ihaloimah luonduo.<\/p>\n\n\n\n

Troppu kierdeli yl\u00e4h jyrk\u00e4ndehen reunua da ki\u00e4ndyi lyhy\u00f6n matkan pi\u00e4s my\u00f6s me\u010d\u00e4n syd\u00e4meh. Tulet da pilvekset luajittih vaihtelevazii v\u00e4ril\u00f6i vihandah nurmeh. Kus oli kirkahembii avvonazii, kus my\u00f6s syngii, peittoper\u00e4zii solukkoloi.<\/p>\n\n\n\n

Lehtet s\u00e4r\u00e4hteltihes da p\u00e4iv\u00e4zen sugahat s\u00e4r\u00e4hteltihes niil\u00f6in ker.<\/p>\n\n\n\n

Tyt\u00f6t istuttih lau\u010dal, diivuittihes da oldih hyv\u00e4s mieles. Da merkillizembi oli se, gu hy\u00f6 istuttih kodvan sanastu virkamattah. Sie kois ei kieli pyzynyh keskel suudu ni vouse, konzu hy\u00f6 vaigu yhtes oldih, a ti\u00e4 oldih vaikutukset moizet ylen suuret, muga eb\u00e4mi\u00e4r\u00e4hizet da kummallizet, \u0161to niil\u00f6i et kerras maltanuh panna sanoikse. Da omaluaduzet emociet nostih da t\u00e4ytettih rynd\u00e4h\u00e4n, hainuot, ilokkahat, eloksentahtozet da v\u00e4himy\u00f6lleh ylen eb\u00e4selgiet, enzikerdazet tundehet.<\/p>\n\n\n\n

Kodvazen hy\u00f6 sit istuttih vaikkani, k\u00e4zi k\u00e4is. Rynn\u00e4s korgoili, silm\u00e4t hehkuttih, ro\u017eat hehkuttih, huulet oldih muhelus. K\u00e4zi kobristi k\u00e4tty instinktivnoih, tied\u00e4m\u00e4tt\u00e4h.<\/p>\n\n\n\n

\u2013 Hilma\u2013<\/p>\n\n\n\n

\u2013 Mid\u00e4?<\/p>\n\n\n\n

\u2013 Ga eigo elos ole yhtell\u00e4h rajattoman \u010doma?<\/p>\n\n\n\n

\u2013 On, on!<\/p>\n\n\n\n

\u2013 Kuibo sie taivahas ollou, ku se jo ti\u00e4 muan pi\u00e4l voi olla moine lumuoju.<\/p>\n\n\n\n

\u2013 Kuule, minun mieles ti\u00e4 me\u010d\u00e4s on nengoine kummu, moine ylinoza ilmas.<\/p>\n\n\n\n

\u2013 Minun mieles se\u017eo.<\/p>\n\n\n\n

\u2013 Ka\u010doh\u00e4i nyg\u00f6i taivastu ezimerkikse, se on moine ozakkahan n\u00e4g\u00f6ine, ku ihan hehkuu ilos.<\/p>\n\n\n\n

\u2013 Tottu toven! Da etgo duumai\u010de, \u0161to nuat puutgi ollah hyv\u00e4s mieles elokseh ni\u0161koi? Mid\u00e4 net sanotah, \u0161to kazviloil ei ole tundehii? Kusp\u00e4ibo hy\u00f6 sen tiet\u00e4h? Minule ozutahes, buitegu net ellendett\u00e4sgi. Eigoh\u00e4i nyg\u00f6igi net kuundele, mid\u00e4 my\u00f6 t\u00e4s pagizemmo?<\/p>\n\n\n\n

\u2013 Minusgi tunduu, buitegu netgi paistah meile.<\/p>\n\n\n\n

\u2013 Tottugo?<\/p>\n\n\n\n

\u2013 Tai suuri ped\u00e4i ezimerkikse. Ka\u010dos, kui sen ladvu heiluu. Usko vai, se sanoi: Tyt\u00f6t, tyt\u00f6t, kuibo ty\u00f6 oletto ruohtinuh tulla i\u010dekseh t\u00e4nne me\u010d\u00e4h?<\/p>\n\n\n\n

\u2013 A net koivut tua, net vaiku viuhkutetah da duumaijah \u0161to: putilleh luajiitto, mid\u00e4 ty\u00f6 sie kammaris ainos istutto, ti\u00e4 on \u00e4iji\u00e4 vesselembi.<\/p>\n\n\n\n

\u2013 Da net mand\u017eoin kukkazet sanotah: tulgua uvvessah, tulgua uvvessah.<\/p>\n\n\n\n

\u2013 Hilma kuldoi \u2013 a-voi-voi\u2013!<\/p>\n\n\n\n

\u2013 Mibo sinul rodih?<\/p>\n\n\n\n

\u2013 Min\u00e4 olen moine ozakas, moine ozakas, \u0161to en tiij\u00e4, mid\u00e4 luajin. Tahtozin itkie.<\/p>\n\n\n\n

\u2013 Nagra parem.<\/p>\n\n\n\n

\u2013 Ga muga! Nagrammo yhtes. Ha, ha, ha, ha!<\/p>\n\n\n\n

\u2013 Ha, ha, ha, ha!<\/p>\n\n\n\n

\u2013 Ha, ha, ha, ha, ha, ha\u2013!<\/p>\n\n\n\n

Lapsus voitti my\u00f6s. Huaveilut haihtuttih ilo\u017eah vallattomuoh.<\/p>\n\n\n\n

\u2013 Jatkammo vai matkua!<\/p>\n\n\n\n

\u2013 L\u00e4kk\u00e4 juoksemah!<\/p>\n\n\n\n

\u2013 Yl\u00e4h suate?<\/p>\n\n\n\n

\u2013 Yl\u00e4h tiett\u00e4v\u00e4ine!<\/p>\n\n\n\n

Ei dogadittu ni aigua enne ku hy\u00f6 jo balansiiruittih korgiel ba\u0161n\u2019an huipul da kiketettih sie muga, kui pienet v\u00e4st\u00e4r\u00e4kit. Ki\u00e4nneltih pi\u00e4dy oigiele da huruale, ka\u010dottih edehp\u00e4i da ka\u010dottih tuaksep\u00e4i; ka\u010dottih joga muailman\u010durah. Nyg\u00f6i oli muailmua ymb\u00e4ri! Muga loitos kui silmy kandau n\u00e4gyi joga puoleh vetty da suardu, salmie da niendy. Da ilmua oli ylen \u00e4ijy, da mostu puhtastu da nengomua kebjiedy. Hy\u00f6 viettih sid\u00e4 kouhkoit t\u00e4vvelleh, hengitettih ullos da my\u00f6s viettih syd\u00e4meh.<\/p>\n\n\n\n

\u2013 Oldas meil siivet, lend\u00e4zimm\u00f6tuaneloitokse.<\/p>\n\n\n\n

\u2013 Muga, ku vai oldas siivet! Lend\u00e4zimm\u00f6 ymb\u00e4ri kogo muaker\u00e4s. Duumai\u010de, kui suazimmo n\u00e4ht\u00e4 \u00e4ij\u00e4n diivua.<\/p>\n\n\n\n

\u2013 Da sit my\u00f6 nouzizimmo yl\u00e4h tuane pilvil\u00f6ih suate.<\/p>\n\n\n\n

\u2013 Da vid\u017eerdelizimm\u00f6 sie! Armas Aina, a-voi-voi ku meil ei ole siibil\u00f6i.<\/p>\n\n\n\n

\u2013 Mind\u00e4h ei Spuassu luadinuh ristikanzoile siibil\u00f6i?<\/p>\n\n\n\n

\u2013 \u00c4l\u00e4 ni virka. Mind\u00e4h ei luadinuh.<\/p>\n\n\n\n

\u2013 A ka\u010dovai sinne p\u00e4i, tuane pohjazeh, kui \u010doma sie on.<\/p>\n\n\n\n

Sie tovengi oli putilline n\u00e4gy. Laskijan p\u00e4iv\u00e4zen sugahat kuvastuttih j\u00e4rveh, kudai kimaldeli kullankarvazennu. Pienet, lehtime\u010d\u00e4kk\u00e4h\u00e4t suaret uijendeltih rounoku zelen\u00e4zet, py\u00f6ryz\u00e4t mi\u00e4\u010dyt kuldumeres. Da p\u00e4iv\u00e4nnouzupuoles \u010d\u00e4ig\u00e4i taivas purpuranruskiennu.<\/p>\n\n\n\n

\u2013 Hilma, nyg\u00f6i meile pid\u00e4y pajattua.<\/p>\n\n\n\n

\u2013 Mid\u00e4bo pajattazimmo?<\/p>\n\n\n\n

\u2013 Kez\u00e4eht\u00e4n kullas…<\/p>\n\n\n\n

\u2013 Muga, pajatammo sid\u00e4!<\/p>\n\n\n\n

Aina andoi i\u00e4nen. \u010comasti se soindui. Hy\u00f6 pajatettih sen j\u00e4lles vie toizengi pajon. ”On minule Suomi hyv\u00e4ine”, da hy\u00f6 opittih kerras pajattua kolmattu, konzu Aina ka\u010dahtihes tuakse p\u00e4i. H\u00e4i yhteltiedy kirgai da n\u00e4pisti Hilman k\u00e4tty.<\/p>\n\n\n\n

\u2013 Ka\u010do, Hilma, yliopastujii! Spuassu-sy\u00f6tt\u00e4izeni, mid\u00e4bo nyg\u00f6i ruammo? My\u00f6 gor\u2019at, kudamat olemmo pal\u2019l\u2019ahin jalloin.<\/p>\n\n\n\n

Hilma j\u00e4i m\u00f6ll\u00f6tt\u00e4m\u00e4h. Ei suannuh ni yhty sanua sanotukse, syv\u00e4inker\u00e4ine ihan kobristui kogoh.<\/p>\n\n\n\n

Sie tuldih leviedy dorogua pitkin nelli valgeifura\u0161kastu. Hy\u00f6 ka\u010dottih yl\u00e4h nyg\u00f6i, hy\u00f6 jo dogadittih heidy ba\u0161n\u2019as. Aina toibui ezm\u00e4zekse.<\/p>\n\n\n\n

\u2013 Kuule! L\u00e4kk\u00e4 alakerrokseh, sie istummokseh lau\u010dale, sih tabah, \u0161to jallat peityt\u00e4h helmoin tuakse.<\/p>\n\n\n\n

\u2013 Kuibo sit?<\/p>\n\n\n\n

\u2013 Konzu hy\u00f6 sit menn\u00e4h siiri\u010di, pagenemmo ti\u00e4p\u00e4i i\u00e4re.<\/p>\n\n\n\n

Yliopastujat l\u00e4hettih, ei avvutannuh kaimata ni silm\u00e4nr\u00e4p\u00e4htysty. Hy\u00f6 juostih alah, azetuttih hengi salbuamazilleh rinnakkai istumah lau\u010dale da levitettih jupkien helmat i\u010des ymb\u00e4ri. Varmuon t\u00e4h hy\u00f6 nostettih vie jallat yl\u00e4h lau\u010dan pohjua kohti. Sit hy\u00f6 per\u00e4vyttih muga l\u00e4h\u00e4l toine tostu kui vai pi\u00e4stih, gu olis turvallizembi olla, da ki\u00e4rittih k\u00e4it yhteh.<\/p>\n\n\n\n

\u2013 Nyg\u00f6i voijah tulla!<\/p>\n\n\n\n

Da hy\u00f6 tuldihgi, nenga, ga kai pordahat jyristih. Ezm\u00e4zikse ilmestyi valgeifura\u0161kazen pi\u00e4 da nen\u00e4nsydii nuamu, kudamas kaksi py\u00f6ryzi\u00e4 silmi\u00e4 sei\u010das i\u0161ki heih. A rauhallizesti mu\u017eikku yhtell\u00e4h ki\u00e4ndyi, meni siiri\u010di toizii pordahii kohti, da kadoi. Toine, kolmas da nell\u00e4s sebrattih samoi j\u00e4lgil\u00f6i.<\/p>\n\n\n\n

Passibo Spuasale, hy\u00f6 pellastuttih!<\/p>\n\n\n\n

\u2013 Tunzitgo? \u0161upahutti Hilma.<\/p>\n\n\n\n

\u2013 En ni vouse, vastai Aina v\u00e4llemb\u00e4h hengitt\u00e4jen.<\/p>\n\n\n\n

\u2013 Hy\u00f6 ei oldu Kuopiosp\u00e4i, mid\u00e4 lienegi, passa\u017eiiroi.<\/p>\n\n\n\n

\u2013 Nyg\u00f6i kodih!<\/p>\n\n\n\n

\u2013 Ravieh!<\/p>\n\n\n\n

Konzu hy\u00f6 tuldih ullos, selgeni heile uuzi, h\u00e4mm\u00e4stytt\u00e4i dielo.<\/p>\n\n\n\n

\u2013 Hy\u00f6 n\u00e4ht\u00e4h meidy ba\u0161n\u2018as da dogaditah, \u0161to olemmo pal\u2019l\u2019ahin jalloin.<\/p>\n\n\n\n

\u2013 Tovengi! \u2013 A vikse hy\u00f6 ei ka\u010della t\u00e4nnep\u00e4i. Vikse hy\u00f6 ka\u010dellah pohjazeh, kus on \u010domembi?<\/p>\n\n\n\n

Hy\u00f6 eistyttih v\u00e4h\u00e4sty loitombakse ba\u0161n\u2019an juurel da ka\u010dahtettihes yl\u00e4h. Mid\u00e4bo sit! Sieh\u00e4i hy\u00f6 seizottih kai nelli, t\u00e4l reunal juuri. Jo ki\u00e4ndyi yksi binokli suorah heidy kohti.<\/p>\n\n\n\n

\u2013 Avvuta taivas! Mid\u00e4 ruammo, Hilma?<\/p>\n\n\n\n

\u2013 Juoksemmo, \u0161to pi\u00e4zemm\u00f6 tuone me\u010d\u00e4n tuakse.<\/p>\n\n\n\n

\u2013 A sith\u00e4i hy\u00f6 n\u00e4ht\u00e4h meij\u00e4n pal\u2019l\u2019ahat jallat?<\/p>\n\n\n\n

\u2013 Ga mid\u00e4bo nyg\u00f6i ne\u010dis? Hy\u00f6 n\u00e4ht\u00e4h net kaikkeh ka\u010d\u010domattah.<\/p>\n\n\n\n

En\u00e4mbi\u00e4 heil ei olluh aigua ka\u010della tuakse, konzu rynt\u00e4ttih m\u00e4gie alah, \u0161to kuohuttih helmat. Me\u010d\u010dy oli heidy aijat tagaperin peitt\u00e4nyh, a ielleh hy\u00f6 juostih. Vaste pitk\u00e4n matkan j\u00e4lles hy\u00f6 ruohtittih azettuo. Hy\u00f6 ka\u010dottih ezm\u00e4i tuakse da alevuttih, konzu ei ba\u0161n\u2019ua en\u00e4mbi\u00e4 n\u00e4gynyh.<\/p>\n\n\n\n

A yhteltiedy hy\u00f6 dogaditth pienen hairavozen: hy\u00f6 oldih l\u00e4htietty astumah dorogua my\u00f6te j\u00e4rillehtulendumatkale, hos sukat da keng\u00e4t oldih troppazen varrel. Sil ei voinnuh nimid\u00e4, sikse gu troppazele pi\u00e4st\u00e4v\u00e4kse heile olis pid\u00e4nyh menn\u00e4 j\u00e4rilleh ba\u0161n\u2019an n\u00e4g\u00f6piirih. Parem hy\u00f6 mend\u00e4s dorogua my\u00f6te alah da erottas sielp\u00e4i Julkulan \u0161uarah e\u010d\u010dim\u00e4h omii jalla\u010d\u010diloi.<\/p>\n\n\n\n

Kivel hy\u00f6 istuttih da pi\u00e4tettih dielon, da oldih hyv\u00e4s mieles, \u0161to nuat yliopastujat ei tundiettu heidy. Mid\u00e4bo sit, hy\u00f6 n\u00e4ht\u00e4nysgi, gu tyt\u00f6t oldih oldu pal\u2019l\u2019ahin jalloin, gu hy\u00f6 ei kaikkeh ka\u010d\u010domattah tietty, ket hy\u00f6 oldih.<\/p>\n\n\n\n

\u2013 Bah, eigo ole yksikai! sanoi Aina.<\/p>\n\n\n\n

Ga samazel aigua \u2013 hast du mir gesehen! Tyt\u00f6t menem\u00e4zilleh \u010dusviettah.<\/p>\n\n\n\n

Sit hy\u00f6 oldih kai nelli! Vilahtettihes silkeskie n\u00e4g\u00f6vih me\u010d\u00e4n tagua, ihan l\u00e4h\u00e4lp\u00e4i. Tyt\u00f6t ei putilleh pi\u00e4sty ni tolkuh, kuni ei yliopastujat jo astuttu heis siiri\u010di. Da, muga vijattoman n\u00e4g\u00f6zet hy\u00f6 oldih, kehnot! Hy\u00f6 ei ni ozutettu, gu heil oldih pahat \u0161eikat mieles.<\/p>\n\n\n\n

A tyt\u00f6t sen hyvin ellendettih. Nuat p\u00e4dem\u00e4tt\u00f6m\u00e4t tahtottih suaja heidy vie en\u00e4m h\u00e4mm\u00e4stynnyzikse, sen t\u00e4h hy\u00f6 l\u00e4htiettih heij\u00e4n per\u00e4h.<\/p>\n\n\n\n

\u2013 Toinah hy\u00f6 azetutah kustah meidy vuottamah, sanoi Aina. A \u00e4l\u00e4 pr\u00e4hk\u00e4, nyg\u00f6i l\u00e4htemm\u00f6 troppazele. Hy\u00f6 menetet\u00e4h ki\u017ean.<\/p>\n\n\n\n

Da sen \u0161uutkazen hy\u00f6 luajildettih. Hy\u00f6 mendih j\u00e4rilleh sil kohtale, kudamas troppu eroi, da sit viglahtettihes me\u010d\u010d\u00e4h.<\/p>\n\n\n\n

\u2013 Vuottakkua sie, a \u00e4lgi\u00e4 vai terstavukkua! kirgui Aina.<\/p>\n\n\n\n

\u2013 Hospodi nai, \u00e4l\u00e4 jo muga kovah, kuultaneh hy\u00f6, varaitti Hilma.<\/p>\n\n\n\n

\u2013 Joh\u00e4i hy\u00f6 kuultih. A opis duumaija, kui hy\u00f6 oldih huigiettomat \u2013 nuat \u2013 kuibo heidy ku\u010d\u010duzin? En l\u00f6vv\u00e4 mostu tuhmua nimie heile, mittuine heile p\u00e4dis pandavakse.<\/p>\n\n\n\n

\u2013 N\u2019egodnoit.<\/p>\n\n\n\n

\u2013 N\u2019egodnoit, muga hyv\u00e4, n\u2019egodnoit! Hy\u00f6 duumaittih, \u0161to hy\u00f6 ollah ruttozet, kehnot! A ne\u010de ei olluh muudu ku opastumattomuttu da gruuboidu i\u010denviendi\u00e4, ellendet\u00e4neh hy\u00f6 oigieh \u2013 a mid\u00e4 net\u2013! Ristikanzoi hy\u00f6 sit oldas\u2013<\/p>\n\n\n\n

\u2013 Aina kuldu \u2013 ket istutah tua lau\u010dal\u2013<\/p>\n\n\n\n

\u2013 Taivahan luadii \u2013 sieh\u00e4i hy\u00f6 my\u00f6s ollah!<\/p>\n\n\n\n

Tyt\u00f6t azetuttih.<\/p>\n\n\n\n

\u2013 A nyg\u00f6i?<\/p>\n\n\n\n

\u2013 Net ilgemykset tuldih me\u010d\u00e4s poikki da pi\u00e4stih sih luaduh iel meidy. Hy\u00f6 ovvostettih, tiett\u00e4v\u00e4ine, meij\u00e4n pluanat.<\/p>\n\n\n\n

\u2013 Da ki\u00e4ndynemm\u00f6 j\u00e4rilleh, hy\u00f6gi luajitah muga da ollah sie my\u00f6s meij\u00e4n ies. Mid\u00e4bo nyg\u00f6i ruammo, Aina?<\/p>\n\n\n\n

\u2013 Muga, mid\u00e4 kummua nyg\u00f6i ruammo? Tied\u00e4nen sen. Ruohtizimmogo kierdi\u00e4 ne\u010den lau\u010dan kohtan da astuo me\u010d\u00e4n kauti?<\/p>\n\n\n\n

\u2013 Pal\u2019l\u2019ahin jalloin? Rizuth\u00e4i revitet\u00e4h net ihan verizikse. A kuibo mavot da \u0161l\u00f6p\u00f6it sit \u2013 opis mustua niil\u00f6igi.<\/p>\n\n\n\n

\u2013 Tovengi \u2013 mavot da \u0161l\u00f6p\u00f6it! Emmo my\u00f6 ruohti. Parem astummo heis siiri\u010di tua, emmo huoli ni yhty. Mid\u00e4bo my\u00f6 zobotimmo, gu kerran hy\u00f6 ollah moizet huigiettomat.<\/p>\n\n\n\n

Yliopastijat buitegu oldih nimiksen\u00e4h da ka\u010dottih yl\u00e4h puuloin ladvoih da joga kohtah muijale pai\u010di ei sinnep\u00e4i, kus tyt\u00f6t oldih, hyr\u00e4iltih da paistih koval i\u00e4nel \u010domah si\u00e4h n\u00e4h.<\/p>\n\n\n\n

Tyt\u00f6t oldih moizet viha\u017eat, \u0161to puhistih, a yhtell\u00e4h hy\u00f6 ei voidu nimid\u00e4 ne\u010dile kiuzanluadijoile.<\/p>\n\n\n\n

\u2013 L\u00e4kk\u00e4, sanoi j\u00e4lgim\u00e4i Aina, emmoh\u00e4i voi seizuo t\u00e4s kogo y\u00f6dy. Nimittumua tolkuu, \u0161to azetuimmo. Emmo andanus kehnoloile sid\u00e4 iluo, \u0161to hy\u00f6 n\u00e4ht\u00e4nys, kui my\u00f6 p\u00f6ll\u00e4styimm\u00f6.<\/p>\n\n\n\n

\u2013 Aina kudu, minuu muga \u00e4ij\u00e4l tylgeitt\u00e4y.<\/p>\n\n\n\n

\u2013 Dai minuugi, a yhtell\u00e4h, minbo voit t\u00e4s nyg\u00f6i?<\/p>\n\n\n\n

\u2013 Ku nuat jupkat ollah vie moizet lyhy\u00f6t.<\/p>\n\n\n\n

\u2013 Tule i\u00e4re. Oldahes hy\u00f6 olendalleh, kerran hy\u00f6 ollah moizet eb\u00e4delikatnoit. Ka\u010dommo heidy ylen halveksijah luaduh siiri\u010di astujes.<\/p>\n\n\n\n

Ga yhtell\u00e4h hy\u00f6 ei sid\u00e4 luajittu, hy\u00f6 ei suadu ni silmii nostetukse muasp\u00e4i, olgah hos mid\u00e4 sie olluh. Da muga j\u00e4mpistyi kogo rungu, \u0161to odva vai hy\u00f6 voidih jalgoi liikuttua. Rynn\u00e4stygi ahtisti da oli muga vaigei olla, \u0161to himoitti painuo syv\u00e4le muan alle.<\/p>\n\n\n\n

Sen j\u00e4llesgi vie, konzu hy\u00f6 jo pi\u00e4stih siiri\u010di, astuttih hy\u00f6 yhtell\u00e4h ielleh vagavinnu, per\u00e4kk\u00e4i pitk\u00e4n matkua, ni sanastu virkamattah. Ku hy\u00f6 mollembat tundiettih, \u0161to varavo py\u00f6ri heij\u00e4n j\u00e4lles. Vaste m\u00e4in al hy\u00f6 ruohtittih azettuo da hil\u2019l\u2019akkazin duumaija kesken\u00e4h.<\/p>\n\n\n\n

Ei n\u00e4gynyh eigo ni kuulunuh niked\u00e4. Ga onnuako sie hy\u00f6 terv\u00e4h tullah, ku hy\u00f6 ruvetah jallal astumah. Nyg\u00f6i hy\u00f6 oldih kiven kohtal, kudaman alle mennes peitettih omassah sukat da jalla\u010dit. Net tiett\u00e4v\u00e4h oldih vie tallel. Hospodi pomilui!<\/p>\n\n\n\n

Hy\u00f6 mendih syvemb\u00e4le me\u010d\u010d\u00e4h da astuttih ravieh da vaikkani.<\/p>\n\n\n\n

Yksikai kuului jo l\u00e4henij\u00f6i i\u00e4nii da jallan juminehtu. Yilopastujat tuldih juosten.<\/p>\n\n\n\n

Tyt\u00f6t painavuttih alah tuhjon tuakse da oldih vaikkani kui hiiret. Da sit hy\u00f6 kuultih, mid\u00e4 nuat herrat siiri\u010di mennes sanottih toine toizele.<\/p>\n\n\n\n

\u2013 Kuibo loitos hy\u00f6 jo enn\u00e4tettih?<\/p>\n\n\n\n

\u2013 Vet my\u00f6 tabuammo heij\u00e4t j\u00e4lgim\u00e4i dorogal.<\/p>\n\n\n\n

Ravieh hy\u00f6 hakattih edehp\u00e4i, ki\u00e4nnyttih dorogale da kaimavuttih.<\/p>\n\n\n\n

Tyt\u00f6t nagrettih-kiketettih.<\/p>\n\n\n\n

\u2013 \u00c4h\u00e4h ka\u010dos vai, ehtiimm\u00f6 ezm\u00e4i.<\/p>\n\n\n\n

\u2013 Voitto nyg\u00f6i meidy vuottua. Istummo t\u00e4s muga h\u00e4tken, ga hy\u00f6 ehit\u00e4h kai linnassah.<\/p>\n\n\n\n

\u2013 Ga kus hy\u00f6 meidy maltetah e\u010d\u010die?<\/p>\n\n\n\n

\u2013 Ga on hyv\u00e4, \u0161to hy\u00f6 ei tundieta meidy. Nyg\u00f6i pyzymm\u00f6 kois mondu p\u00e4ivi\u00e4, \u0161to hy\u00f6 ei meidy ni n\u00e4ht\u00e4.<\/p>\n\n\n\n

\u2013 Onnuako heile on jygei dielo, ku hy\u00f6 ei tiijusteta, ket my\u00f6 olemmo.<\/p>\n\n\n\n

Hy\u00f6 oldih muga hyv\u00e4s mieles, ga aijembi ozattomus l\u00e4s kogonah h\u00e4vii heij\u00e4n pi\u00e4sp\u00e4i.<\/p>\n\n\n\n

\u2013 Ga vet t\u00e4m\u00e4 on \u0161eikkailu! Nengomua ei ole nikonzu aijemba tapahtunnuh ni yhtele tyt\u00f6le. Vai uskotgo?<\/p>\n\n\n\n

\u2013 Vet eule. My\u00f6 emm\u00f6 sano nimid\u00e4 kogo Puijol k\u00e4ynd\u00e4s, ga hy\u00f6 ei ni arvata meidy, nossou t\u00e4s bauhu.<\/p>\n\n\n\n

\u2013 Vet emm\u00f6. Diivui\u010den vai, ga ketbo hy\u00f6 kaikin oldih?<\/p>\n\n\n\n

Mostu hy\u00f6 duumaittih vie dorogua my\u00f6te astujes. Da pi\u00e4tettih, ga ei menn\u00e4 kodih suurii uuli\u010d\u010doi pitkin, vaigu vallittas yksin\u00e4zet syrjytiet, muga kui hy\u00f6 parahite duumaittih, nenga hy\u00f6 v\u00e4ltett\u00e4s kiuzuajat.<\/p>\n\n\n\n

A vot! Liijan terv\u00e4h hy\u00f6 iloittihes. Net samazet muokkuajat seizottih my\u00f6s tulliportil! N\u00e4ht\u00e4v\u00e4lleh M\u00f6lli\u0161k\u00f6-Kaisa oli heile sanelluh, ga hy\u00f6 ei oldu vie astuttu sit siiri\u010di.<\/p>\n\n\n\n

Loitos tyt\u00f6t jo n\u00e4htih, ga huomattih, gu yliopastujat oldih vie sit aijemba heij\u00e4t dogadittu. Ihan nyg\u00f6i hy\u00f6 t\u00e4hystettih heidy, da heis roittih huolimattomat. Ga omas kohtas hy\u00f6 ei lekuttu, vaigu tyt\u00f6t opittih vitkitell\u00e4 da astuo muga hil\u02bcl\u02bcakkazeh, kui vai maltettih.<\/p>\n\n\n\n

My\u00f6s pidi karastua oma luondo da astuo boikkoih siiri\u010di. Minbo sille voinnuzit.<\/p>\n\n\n\n

Ga duumaittihgo kehnot, gu hy\u00f6 voitetah moizel \u0161uutkal? Hy\u00f6 ni sit ei suadu kuulta heij\u00e4n nimil\u00f6i, nenga hy\u00f6 tiettih.<\/p>\n\n\n\n

Yliopastujat ruvettih astumah heij\u00e4n per\u00e4s, muga terv\u00e4h ku oldih pi\u00e4sty bokkah.<\/p>\n\n\n\n

\u2013 Astuttahes vellin! T\u00f6hl\u00f6it! Duumaijah, gu my\u00f6 kerras menemm\u00f6 kodissah da hy\u00f6 sit tiijustetah, ket elet\u00e4h sih talois. Ga ty\u00f6 hairavutto, hyv\u00e4t herrat, v\u00e4h\u00e4zel. My\u00f6 vedelemm\u00f6 teidy nen\u00e4s da y\u00f6ksyt\u00e4mm\u00f6 teij\u00e4t.<\/p>\n\n\n\n

Terv\u00e4h linnah tulduu hy\u00f6 ki\u00e4nnyttih ihan toizele dorogale. Yliopastujat ki\u00e4nnyttih per\u00e4s.<\/p>\n\n\n\n

Sit hy\u00f6 mendih poikkidorogale. Hy\u00f6 muga\u017ee.<\/p>\n\n\n\n

Da ne\u010de jo tuskevutti. Hy\u00f6 astuttih uuli\u010d\u010dua my\u00f6te yl\u00e4h, tostu alah, ristai-rastai, poikki da pitkin. Ei abuu. Yliopastujat ei v\u00e4llendetty. Hy\u00f6 oldih ylen i\u010depi\u00e4hizet.<\/p>\n\n\n\n

Nengalei \u010duasun aijan hy\u00f6 kierreltih linnua my\u00f6 da ymb\u00e4ri. Nyg\u00f6i hy\u00f6 oldih moizet v\u00e4zyny\u00f6t, ga odvavai tirpettih nostua jalgua muas. V\u00e4zyny\u00f6t oldih, da rauhattomat, da ozattomat. Hy\u00f6 ei h\u00e4tkeh oldu vaihtettu sanua toine toizenke.<\/p>\n\n\n\n

J\u00e4lgim\u00e4i heile oli pakko ki\u00e4ndy\u00f6 kodii kohti. Omal tahtol heile pidi andua ilmi omassah fatieru. Nimid\u00e4 muudu nevvuo ei olluh. Jallat ei kannettu heidy en\u00e4mbi\u00e4. Da muitegi oldih muga \u00e4ij\u00e4l v\u00e4zyny\u00f6t, rauhattomat da ahtistunnuot, ga ei en\u00e4mbi\u00e4 tietty, mid\u00e4 ruadua.<\/p>\n\n\n\n

Hy\u00f6 viglahtettihes veri\u00e4s pihah da j\u00e4rgieh mendih omah kammarih.<\/p>\n\n\n\n

Tyyra istui sie da \u0161elaili al\u02bcbomua.<\/p>\n\n\n\n

\u2013 Hospodi pomilui, kusbo ty\u00f6 oletto muga h\u00e4tkestynnyh? T\u02bcouta sanoi minule vuottua \u2013 olen istunuh t\u00e4s menetiij\u00e4 kui h\u00e4tken.<\/p>\n\n\n\n

\u2013 Tyyra armas, et ni usko, mid\u00e4 meij\u00e4nke on tapahtunnuh!<\/p>\n\n\n\n

Heile pidi sanuo, send\u00e4h ku se tiijustettas yksikai. Da syv\u00e4indy ahtisti muga \u00e4ij\u00e4l, ga et voinnus taki olla vaikkani. Toinah Tyyra heidy alevuttaugi, toinah se ei ni olluh moine varaittai dielo?  <\/p>\n\n\n\n

Tyhjy huaveh! Tyyran ro\u017eat ihan j\u00e4mpistyttih varavuo.<\/p>\n\n\n\n

\u2013 Mid\u00e4 ty\u00f6 duumai\u010ditto! Kaksi nuordu tytty\u00f6 \u2013 da menett\u00f6 i\u010d\u010dekseh Puijole, kudai on kaikilekuului kohtu, l\u00e4s kui restoranu? Ettogo ty\u00f6 tied\u00e4nyh, kui p\u00e4dem\u00e4tt\u00f6m\u00e4h da t\u00f6hl\u00f6kk\u00e4h\u00e4h olettogi ruadanuh?<\/p>\n\n\n\n

\u2013 My\u00f6 emmo sid\u00e4 ni duumainnuh, pr\u00e4hki Aina, syv\u00e4in kobras.<\/p>\n\n\n\n

Hy\u00f6 ka\u010dottih Tyyrah kui malittuu pannen. Ga h\u00e4i ei armahtannuh.<\/p>\n\n\n\n

\u2013 Da sit vie k\u00e4velitt\u00f6 pal\u02bcl\u02bcahin jalloin.<\/p>\n\n\n\n

H\u00e4i punoi pi\u00e4dy, ka\u010d\u010dehes kova tuomivo.<\/p>\n\n\n\n

\u2013 Duumai\u010detgo \u2013 Aina ei tahtonuh paista i\u00e4neh \u2013 duumai\u010detgo, ga t\u00e4s meidy hyv\u00e4zesti \u010dakatah?<\/p>\n\n\n\n

\u2013 Sit voitto olla varmat.<\/p>\n\n\n\n

Sih loppiettihesgi kui Ainan, mugai Hilman paginat: nyg\u00f6i hy\u00f6 oldih tovessah pahas mieles.<\/p>\n\n\n\n

Oigevuonmugahizes vihas Tyyra l\u00e4hti i\u00e4res, da j\u00e4t\u00e4tti heij\u00e4t tarkembah duumaimah omua ruandua.<\/p>\n\n\n\n

Nenga hy\u00f6 nyg\u00f6i istuttih kahtei vaikkani, suuri tusku syd\u00e4mes. Nikudai heis ei voinnuh rohkaittua omua mieldy, eigo urostua tostu.<\/p>\n\n\n\n

Heile k\u00e4skiettih sy\u00f6m\u00e4h.<\/p>\n\n\n\n

\u2013 Ei minul ole n\u00e4lgy, \u0161upahutti Hilma.<\/p>\n\n\n\n

\u2013 Eigo ni minul, toisti Aina.<\/p>\n\n\n\n

Vaikkani, sanua sanomattah hy\u00f6 ruvettih jaksamah sobii da kiirehtettih mollembat omah kravattih. Sie hy\u00f6 ki\u00e4rivyttih od\u02bcd\u02bcualan alle. Da kerras mollembil ruvettih peiteltyt kyyn\u00e4let valumah silmis, eigo niil\u00f6is n\u00e4gynyh loppuu. Pielukset kastuttih l\u00e4bi da oli muga r\u00e4kki, ga kai l\u00e4kehtytti.<\/p>\n\n\n\n

Aina vi\u0161kai i\u00e4reh od\u02bcd\u02bcualan da hurstizen omal ro\u017eal. Sit kuuli nyy\u010dkytykset Hilman kohtal. H\u00e4i, gor\u02bcarukku, sie oli yhtenjytty\u00f6h pahamieline. Toinah kai hy\u00f6 opittas v\u00e4h\u00e4zen paista.<\/p>\n\n\n\n

\u2013 Hilma \u2013 viego sin\u00e4 \u2013 et magua?<\/p>\n\n\n\n

\u2013 Vie en.<\/p>\n\n\n\n

\u2013 Mid\u00e4 \u2013 duumai\u010det? Emmogo ole ylen \u2013 ozattomat?<\/p>\n\n\n\n

\u2013 Olemmo. Ollougo t\u00e4s muailmas niyhty ristikanzua, kudai olis \u2013 yhyy \u2013 kudai olis \u2013 yh, yh \u2013 moine, moine hirvien ozatoi.<\/p>\n\n\n\n

\u2013 Me \u2013 meij\u00e4n mai-maineh\u2013<\/p>\n\n\n\n

\u2013 Da meij\u00e4n ku-kunnivo\u2013!<\/p>\n\n\n\n

\u2013 Ei \u2013 ei niken ta-tahto en\u00e4mbi\u00e4 olla me-meij\u00e4nke \u2013 yhyy\u2013!<\/p>\n\n\n\n

\u2013 Yh \u2013 yh \u2013 yh \u2013 yhhyy\u2013!<\/p>\n\n\n\n

H\u00e4tkeh ei kuulunuh nimid\u00e4 muudu, yhty vai nyy\u010dkytysty. Ga sit Hilma azui paginan.<\/p>\n\n\n\n

\u2013 Tiij\u00e4tgo, Aina?<\/p>\n\n\n\n

\u2013 Mid\u00e4?<\/p>\n\n\n\n

\u2013 Minule pid\u00e4y huomei kodih. Minule rodih moine atkal omua mamua.<\/p>\n\n\n\n

\u2013 Etgo voi olla ti\u00e4 vie?<\/p>\n\n\n\n

\u2013 En voi.<\/p>\n\n\n\n

\u2013 Ga sinule pidi olla ti\u00e4 kogo kez\u00e4.<\/p>\n\n\n\n

\u2013 Onnuako.<\/p>\n\n\n\n

Uuzi itkukohtavus rodih mollembis kravattilois. Da sid\u00e4 kesti muga h\u00e4tken, kuni j\u00e4lgim\u00e4i, yksi da toine, vaivuttih uneh. Jo uinottuu hy\u00f6 vie v\u00e4hi\u00e4 vajai nyy\u010dkytettih.<\/p>\n\n\n\n

P\u00e4iv\u00e4ine oli korgiel, konzu Aina avai silm\u00e4t. H\u00e4i ezm\u00e4i ei mustanuh nimid\u00e4, vaigu ka\u010doi ymb\u00e4ri, dogadi Hilman tyhj\u00e4n kravatin da nouzi seizoi. Sie oli Hilma toizel puolel pertii t\u00e4vves bauhus matkusumkanke. Kerras selgei Ainale ildahine tapahtus da kogo gor\u2019a.<\/p>\n\n\n\n

Nyg\u00f6i l\u00e4ht\u00f6y Hilma i\u00e4res! Sit oli da meni kogo kez\u00e4n ilo, mid\u00e4 h\u00e4i oli vuottanuh da toivonuh talves algajen! Yksin\u00e4h h\u00e4i sai ji\u00e4j\u00e4 ti\u00e4 kandamah go\u02bcrua da huigiedu.<\/p>\n\n\n\n

H\u00e4i istui sit k\u00e4it ristakkai, tukat p\u00f6rh\u00e4s da kyyn\u00e4lien j\u00e4llet ro\u017eil. Ga h\u00e4i ei en\u00e4mbi\u00e4 itkenyh, send\u00e4h ku kai vezi oli silmis loppenuhes. Hos ei h\u00e4i ni heng\u00e4ht\u00e4nnyhes, ka\u010doi vai, kui Hilma pani sobua sumkah. Vai ka\u010doi, da oli ozatoi.<\/p>\n","protected":false},"excerpt":{"rendered":"

Ki\u00e4nn\u00f6s: Marja Kopeli, Heli Palviainen, Laura Orta da Olli Kiikin Kielentarkistus: Natalia Giloeva Linku Minna Canthan kirjutettuh algutekstah Er\u00e4s Puijolla k\u00e4ynti Wikiaineisto-sivul. * Aina jo talvel sai omassah vahnembil luvan ku\u010d\u010duo Hilman gostih kez\u00e4n aijakse. H\u00e4i oli sit rajattoman hyv\u00e4s mieles, ku nyg\u00f6i hy\u00f6 oldih kogo vuvven eri\u017ee toine toizes, aiven sit algajen, konzu hy\u00f6 […]<\/p>\n","protected":false},"author":580,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"footnotes":""},"class_list":["post-22618","page","type-page","status-publish","hentry"],"acf":[],"yoast_head":"\nEr\u00e4s Puijol k\u00e4vyndy - Karjalan kielen elvytt\u00e4minen<\/title>\n<meta name=\"robots\" content=\"index, follow, max-snippet:-1, max-image-preview:large, max-video-preview:-1\" \/>\n<link rel=\"canonical\" href=\"https:\/\/blogs.uef.fi\/karjalanelvytys\/eras-puijol-kavyndy\/\" \/>\n<meta property=\"og:locale\" content=\"fi_FI\" \/>\n<meta property=\"og:type\" content=\"article\" \/>\n<meta property=\"og:title\" content=\"Er\u00e4s Puijol k\u00e4vyndy - Karjalan kielen elvytt\u00e4minen\" \/>\n<meta property=\"og:description\" content=\"Ki\u00e4nn\u00f6s: Marja Kopeli, Heli Palviainen, Laura Orta da Olli Kiikin Kielentarkistus: Natalia Giloeva Linku Minna Canthan kirjutettuh algutekstah Er\u00e4s Puijolla k\u00e4ynti Wikiaineisto-sivul. * Aina jo talvel sai omassah vahnembil luvan ku\u010d\u010duo Hilman gostih kez\u00e4n aijakse. H\u00e4i oli sit rajattoman hyv\u00e4s mieles, ku nyg\u00f6i hy\u00f6 oldih kogo vuvven eri\u017ee toine toizes, aiven sit algajen, konzu hy\u00f6 […]\" \/>\n<meta property=\"og:url\" content=\"https:\/\/blogs.uef.fi\/karjalanelvytys\/eras-puijol-kavyndy\/\" \/>\n<meta property=\"og:site_name\" content=\"Karjalan kielen elvytt\u00e4minen\" \/>\n<meta property=\"article:modified_time\" content=\"2025-10-28T11:05:20+00:00\" \/>\n<meta name=\"twitter:card\" content=\"summary_large_image\" \/>\n<meta name=\"twitter:label1\" content=\"Arvioitu lukuaika\" \/>\n\t<meta name=\"twitter:data1\" content=\"26 minuuttia\" \/>\n<script type=\"application\/ld+json\" class=\"yoast-schema-graph\">{\"@context\":\"https:\/\/schema.org\",\"@graph\":[{\"@type\":\"WebPage\",\"@id\":\"https:\/\/blogs.uef.fi\/karjalanelvytys\/eras-puijol-kavyndy\/\",\"url\":\"https:\/\/blogs.uef.fi\/karjalanelvytys\/eras-puijol-kavyndy\/\",\"name\":\"Er\u00e4s Puijol k\u00e4vyndy - Karjalan kielen elvytt\u00e4minen\",\"isPartOf\":{\"@id\":\"https:\/\/blogs.uef.fi\/karjalanelvytys\/#website\"},\"datePublished\":\"2025-10-28T11:05:19+00:00\",\"dateModified\":\"2025-10-28T11:05:20+00:00\",\"breadcrumb\":{\"@id\":\"https:\/\/blogs.uef.fi\/karjalanelvytys\/eras-puijol-kavyndy\/#breadcrumb\"},\"inLanguage\":\"fi\",\"potentialAction\":[{\"@type\":\"ReadAction\",\"target\":[\"https:\/\/blogs.uef.fi\/karjalanelvytys\/eras-puijol-kavyndy\/\"]}]},{\"@type\":\"BreadcrumbList\",\"@id\":\"https:\/\/blogs.uef.fi\/karjalanelvytys\/eras-puijol-kavyndy\/#breadcrumb\",\"itemListElement\":[{\"@type\":\"ListItem\",\"position\":1,\"name\":\"Home\",\"item\":\"https:\/\/blogs.uef.fi\/karjalanelvytys\/\"},{\"@type\":\"ListItem\",\"position\":2,\"name\":\"Er\u00e4s Puijol k\u00e4vyndy\"}]},{\"@type\":\"WebSite\",\"@id\":\"https:\/\/blogs.uef.fi\/karjalanelvytys\/#website\",\"url\":\"https:\/\/blogs.uef.fi\/karjalanelvytys\/\",\"name\":\"Karjalan kielen elvytt\u00e4minen\",\"description\":\"\",\"potentialAction\":[{\"@type\":\"SearchAction\",\"target\":{\"@type\":\"EntryPoint\",\"urlTemplate\":\"https:\/\/blogs.uef.fi\/karjalanelvytys\/?s={search_term_string}\"},\"query-input\":{\"@type\":\"PropertyValueSpecification\",\"valueRequired\":true,\"valueName\":\"search_term_string\"}}],\"inLanguage\":\"fi\"}]}<\/script>\n<!-- \/ Yoast SEO plugin. -->","yoast_head_json":{"title":"Er\u00e4s Puijol k\u00e4vyndy - Karjalan kielen elvytt\u00e4minen","robots":{"index":"index","follow":"follow","max-snippet":"max-snippet:-1","max-image-preview":"max-image-preview:large","max-video-preview":"max-video-preview:-1"},"canonical":"https:\/\/blogs.uef.fi\/karjalanelvytys\/eras-puijol-kavyndy\/","og_locale":"fi_FI","og_type":"article","og_title":"Er\u00e4s Puijol k\u00e4vyndy - Karjalan kielen elvytt\u00e4minen","og_description":"Ki\u00e4nn\u00f6s: Marja Kopeli, Heli Palviainen, Laura Orta da Olli Kiikin Kielentarkistus: Natalia Giloeva Linku Minna Canthan kirjutettuh algutekstah Er\u00e4s Puijolla k\u00e4ynti Wikiaineisto-sivul. * Aina jo talvel sai omassah vahnembil luvan ku\u010d\u010duo Hilman gostih kez\u00e4n aijakse. H\u00e4i oli sit rajattoman hyv\u00e4s mieles, ku nyg\u00f6i hy\u00f6 oldih kogo vuvven eri\u017ee toine toizes, aiven sit algajen, konzu hy\u00f6 […]","og_url":"https:\/\/blogs.uef.fi\/karjalanelvytys\/eras-puijol-kavyndy\/","og_site_name":"Karjalan kielen elvytt\u00e4minen","article_modified_time":"2025-10-28T11:05:20+00:00","twitter_card":"summary_large_image","twitter_misc":{"Arvioitu lukuaika":"26 minuuttia"},"schema":{"@context":"https:\/\/schema.org","@graph":[{"@type":"WebPage","@id":"https:\/\/blogs.uef.fi\/karjalanelvytys\/eras-puijol-kavyndy\/","url":"https:\/\/blogs.uef.fi\/karjalanelvytys\/eras-puijol-kavyndy\/","name":"Er\u00e4s Puijol k\u00e4vyndy - Karjalan kielen elvytt\u00e4minen","isPartOf":{"@id":"https:\/\/blogs.uef.fi\/karjalanelvytys\/#website"},"datePublished":"2025-10-28T11:05:19+00:00","dateModified":"2025-10-28T11:05:20+00:00","breadcrumb":{"@id":"https:\/\/blogs.uef.fi\/karjalanelvytys\/eras-puijol-kavyndy\/#breadcrumb"},"inLanguage":"fi","potentialAction":[{"@type":"ReadAction","target":["https:\/\/blogs.uef.fi\/karjalanelvytys\/eras-puijol-kavyndy\/"]}]},{"@type":"BreadcrumbList","@id":"https:\/\/blogs.uef.fi\/karjalanelvytys\/eras-puijol-kavyndy\/#breadcrumb","itemListElement":[{"@type":"ListItem","position":1,"name":"Home","item":"https:\/\/blogs.uef.fi\/karjalanelvytys\/"},{"@type":"ListItem","position":2,"name":"Er\u00e4s Puijol k\u00e4vyndy"}]},{"@type":"WebSite","@id":"https:\/\/blogs.uef.fi\/karjalanelvytys\/#website","url":"https:\/\/blogs.uef.fi\/karjalanelvytys\/","name":"Karjalan kielen elvytt\u00e4minen","description":"","potentialAction":[{"@type":"SearchAction","target":{"@type":"EntryPoint","urlTemplate":"https:\/\/blogs.uef.fi\/karjalanelvytys\/?s={search_term_string}"},"query-input":{"@type":"PropertyValueSpecification","valueRequired":true,"valueName":"search_term_string"}}],"inLanguage":"fi"}]}},"_links":{"self":[{"href":"https:\/\/blogs.uef.fi\/karjalanelvytys\/wp-json\/wp\/v2\/pages\/22618","targetHints":{"allow":["GET"]}}],"collection":[{"href":"https:\/\/blogs.uef.fi\/karjalanelvytys\/wp-json\/wp\/v2\/pages"}],"about":[{"href":"https:\/\/blogs.uef.fi\/karjalanelvytys\/wp-json\/wp\/v2\/types\/page"}],"author":[{"embeddable":true,"href":"https:\/\/blogs.uef.fi\/karjalanelvytys\/wp-json\/wp\/v2\/users\/580"}],"replies":[{"embeddable":true,"href":"https:\/\/blogs.uef.fi\/karjalanelvytys\/wp-json\/wp\/v2\/comments?post=22618"}],"version-history":[{"count":2,"href":"https:\/\/blogs.uef.fi\/karjalanelvytys\/wp-json\/wp\/v2\/pages\/22618\/revisions"}],"predecessor-version":[{"id":22621,"href":"https:\/\/blogs.uef.fi\/karjalanelvytys\/wp-json\/wp\/v2\/pages\/22618\/revisions\/22621"}],"wp:attachment":[{"href":"https:\/\/blogs.uef.fi\/karjalanelvytys\/wp-json\/wp\/v2\/media?parent=22618"}],"curies":[{"name":"wp","href":"https:\/\/api.w.org\/{rel}","templated":true}]}}